Exodo 8:27 - Maung A Balita Biblia

²⁷ Nakaukolan miy manakar na taloy agew diad iyakar mid kalawakan tan diman kami mangibagat ed Katawan a Dios mi, onung na ingganggan tod sikami.”

Maung a Balita Biblia

²⁷ Nakaukolan miy manakar na taloy agew diad iyakar mid kalawakan tan diman kami mangibagat ed Katawan a Dios mi, onung na ingganggan tod sikami.

Exodo 8:27 Iomraidhean Croise

Exodo 10:26

Andi, awiten mi ray ayayep mi; ag kamin balut mangitilak. Sikamin dili so nepeg a mampili na saray ayayep ya ikana mid pangigalang ed Katawan a Dios mi. No ag kami ni akasabid man, ag mi naamtaan no dinan iran ayep so ibagat mid sikato.”

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Exodo 3:18

“Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, ‘Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.’

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Exodo 5:1

Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Exodo 5:3

Inmebat ira di Moises tan Aaron, “Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.”

Levitico 10:1

Di Nadab tan Abiu a lalakin anak nen Aaron inala ra so pananginay insinso na balang sakey ed sikara, kinargaan da ra na ngalab, tinapewan da ra na insinso, insan da ra inyapay ed Katawan. Balet aliwa yan masanton apoy, ta say Katawan ag to ra ingganggan ya iyapay da.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”