Exodo 8:26 - Maung A Balita Biblia

²⁶ Inmebat si Moises, “Aliwan manepeg so ontan a gawaen, ta makapasnuk iray Egipsio no nanengneng da ray ayayep ya ibagat mid Katawan a Dios mi. No ikana mi ray ayep a pakapasnukan na saray Egipsio tan ibagat mi rad pasen a nanengneng da kami, tupaken da kami ya anggad ag mi ipatey.

Maung a Balita Biblia

²⁶ Inmebat si Moises, Aliwan manepeg so ontan a gawaen, ta makapasnuk iray Egipsio no nanengneng da ray ayayep ya ibagat mid Katawan a Dios mi. No ikana mi ray ayep a pakapasnukan na saray Egipsio tan ibagat mi rad pasen a nanengneng da kami, tupaken da kami ya anggad ag mi ipatey.

Exodo 8:26 Iomraidhean Croise

Genesis 43:32

Sakey a lamisaan so anganan nen Jose, tan sananey so anganan da ray agagi to. Sananey met so anganan da ray Egipsio a mangakan diman, ta ipapasen dan ag onkana ray Hebreo a mirongod sikara.

Genesis 46:34

ag yo lilingwanan ya ibagan managkomponi kayoy ayayep a nanlapud gapo, a singa saray lalaki yo. Diad ontan, panayamen to kayod dalin na Gosen.” Imbaga ya nen Jose, ta ag labay a kaamung na saray taga Egipto iray pumapastol.

2 Saray Arari 23:13

Ginawa met nen Josias ya andi-kakanaan iray altar a ginawa nen Ari Solomon diad bokig na Jerusalem, abalaten na Palandey na Oliba. Sarayan altar et para pangigalang ed saray makapaingungot a talintao na saray diriyos—Astarte a dios na Sidon, Kemos a dios na Moab, tan Molec a dios na Ammon.

Esdras 9:1

Kayari na impakagawad sarayan amin, linma rad siak iray pigaran pangulo na saray totood Israel. Imbaga rad siak a saray totoo, saray papari, tan saray Levita et ag ira binmiig ed saray Cananeo, Heteo, Perezeo, Jebuseo, Ammonita, Moabita, Egipsio, tan Amorreo. Aaligen da ray makapaingungot a bengatlan gagawaen na sarayan totoo.

Exodo 3:18

“Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, ‘Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.’

Exodo 8:8

Say ari impaawit to ra di Moises tan Aaron tan kuanto, “Ipikasi yod Katawan a pagiten to ra yay patang, insan ko abuloyan ya onla la ray totoom, pian makapangibagat irad Katawan.”

Isaias 44:19

Saray managgaway talintao et anggapoy pakatalus odino liknaan dan mangikuan, “Namparlangan ko ray arum a kiew. Nanggawaan ko na kanen iray ngalab, tan nankalutan ko na karni insan ko kinan. Say arum ed samay kiew et ginawak a talintaoy dios. Et natan antoy agawak; anta sakey a poter na kiew et nakar kon dadakmomoan!”