Exodo 8:20 - Maung A Balita Biblia

²⁰ Say Katawan kuantod kinen Moises, “Diad kabkabwasan nabwas, laka ta abet moy ari no mamaarap ed ilog, tan ibagam ed sikato a say Katawan kuanto, ‘Abuloyan mon onla la ray totook, pian nigalang da ak.

Maung a Balita Biblia

²⁰ Say Katawan kuantod kinen Moises, Diad kabkabwasan nabwas, laka ta abet moy ari no mamaarap ed ilog, tan ibagam ed sikato a say Katawan kuanto, Abuloyan mon onla la ray totook, pian nigalang da ak.

Exodo 8:20 Iomraidhean Croise

Saray Salmo 105:31

Nangganggan so Katawan et apano na apangat tan ageyet so intiron bansa.

Saray Salmo 78:45

Angibakid sikaray amayamay ya apangat a nampapairap ed sikara; angibaki met na amayamay a patang a nandederal ed dalin da.

Exodo 2:5

Et nibana a say prinsisa ya anak na ari et linmasur ed ilog a manames; balet saray mamarikit a katulong to nanakarakar irad gilig na ilog. Kabebekta anengneng to may baskit ed kawalaay atatagey a dika; ingganggan toy sakey a katulong to a mangalad samay baskit.

Exodo 3:18

“Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, ‘Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.’

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Exodo 5:1

Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Exodo 5:3

Inmebat ira di Moises tan Aaron, “Say Dios na saray Hebreo et impatnag toy sikaton dili ed sikami. Abuloyan mo kami pan onlad kalawakan na taloran agew, ta mangibagat kamid man ed Katawan a Dios mi. No ag mi ya sumpalen a ganggan to, ompatey kamid salot o bakal ya ipadalan to.”

Exodo 7:15

Kanyan laka, ta abet mo no kabwasan no onlad Ilog na Nilo. Awit mo may baston a nagmaliw ya oleg, tan alagar mod gilig na ilog.

Exodo 8:1

Insan inkuan na Katawan ed kinen Moises, “Lakad ari, ta ibagam ed sikato a say Katawan kuanto, ‘Abuloyan mon onla ray totook, pian nigalang da ak.

Exodo 8:21

Pasakbayan ta ka a no ag mo ra abuloyan, dusaen ta ka diad pangibakik na amayamay ya apangat ed sika, saray opisyal mo, tan diad saray totoom. Napano na apangat iray kaabungan na saray Egipsio, tan say dalin da.

Exodo 9:13

Inkuan na Katawan ed kinen Moises, “Nabwas na kabkabwasan lakad ari, ta ibagam ed sikato a say Katawan a Dios na saray Hebreo kuanto, ‘Abuloyan mon onla la ray totook, pian nigalang da ak.