Exodo 8:16 - Maung A Balita Biblia

¹⁶ Say Katawan kuantod kinen Moises, “Ibagam ed Aaron a bakbaken to na baston to so dalin, et magmaliw a timel ya amin iray dabuk ed intiron dalin na Egipto.”

Maung a Balita Biblia

¹⁶ Say Katawan kuantod kinen Moises, Ibagam ed Aaron a bakbaken to na baston to so dalin, et magmaliw a timel ya amin iray dabuk ed intiron dalin na Egipto.

Exodo 8:16 Iomraidhean Croise

Saray Salmo 105:31

Nangganggan so Katawan et apano na apangat tan ageyet so intiron bansa.

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Exodo 5:1

Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Exodo 8:15

Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Exodo 8:17

Kanyan si Aaron binakbak to na baston to so dalin, et nagmaliw a timel ya amin iray dabuk ed Egipto, tan inaambongalan da ray katoowan tan saray ayayep.

Exodo 8:18

Sinali na saramay managsalamangka a palesaen iray timel diad panamegley na panagsalamangka ra, balet ag da nayarian. Kawalaan na timel so amin a pasen,

Exodo 8:5

Say Katawan kuantod kinen Moises, “Ibagam ed kinen Aaron ya iyatagey ton ipetek ed tapew na saray ilog so baston to, diad saray banawang, tan diad amin a dipositoway danum, ta pasakbiten to ray patang tan pakayaten to rad intiron dalin na Egipto.”