Exodo 8:15 - Maung A Balita Biblia

¹⁵ Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Maung a Balita Biblia

¹⁵ Nen anengneng na ari ya inaatey la ra may patang, pinaawet to lamet so puso to tan onung na imbaga la na Katawan, ag dinmengel so ari ed kindi Moises tan Aaron.

Exodo 8:15 Iomraidhean Croise

Exodo 14:5

Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, “Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.”

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Exodo 8:14

Saray Egipsio inlolosbo da ra may inaatey a patang, tan binmanget so intiron dalin.

Exodo 8:16

Say Katawan kuantod kinen Moises, “Ibagam ed Aaron a bakbaken to na baston to so dalin, et magmaliw a timel ya amin iray dabuk ed intiron dalin na Egipto.”

Exodo 8:28

Say ari kuanto, “Abuloyan ta kayon mangibagat ed Katawan a Dios yo diad kalawakan, dapot ag kayo oonlad arawdawi. Ipikasi mo ak.”

Exodo 8:29

Inmebat si Moises, “Kataynan ko dia, ipikasik ed Katawan a nabwas taynan kayo na saray apangat, sika, saray opisyal mo, tan saray totoom. Balet ag mo kami la papalikdoen, tan ag mo la sesebelan iray totoo ed iyakar dan mangibagat ed Katawan.”

Exodo 8:32

Balet pinaawet ni na ari so puso to, tan ag to lamet inabuloyan ya onla la ray Israelita.

Exodo 8:8

Say ari impaawit to ra di Moises tan Aaron tan kuanto, “Ipikasi yod Katawan a pagiten to ra yay patang, insan ko abuloyan ya onla la ray totoom, pian makapangibagat irad Katawan.”

Probirbio 26:11

Say toon makulang-kulang ya ooliten ton gawaen so kalokowan to et singa ason kakanen toy inota to.

Probirbio 29:1

No paaweten moy olom kapag sikay pepeteken, onsabiy agew a sikay biglan naderal tan anggaan mo la.

Ecclesiastes 8:11

Akin et maininomay a manggaway kaogsan iray totoo? Lapud ag nadudusan tampol so kaogsan.

Isaias 26:10

Anggaman a mapangasi kad saray totoon maoges, ag dan balut naaralan so manggaway kaptekan. Anggan diad dalin na saray totoon matonung manggagawa ran siansiay kaogsan; ag da labay a birbiren so inkatalonggaring mo.

Oseas 6:4

Balet say Katawan kuanto, “Israel tan Juda, antoy gawaen kod sikayo? Say panangaro yod siak et nanaandipat a singa kakaandipat na kelpad kabwasan; singa linaew a nanaandipat ed kabkabwasan.

Saray Hebreo 3:15

Onyay kuay masanton sulat, “No narengel yo natay bosis na Dios, ag yo papaawetey olo yo, a singa saray lalaki yo nen nilabanan day Dios.”

Saray Hebreo 3:8

ag yo papaawetey olo yo, a singa saray lalaki yo nen nilabanan day Dios, a singa sikara diad saman ya agew ed kalawakan nen sinubok da.

Puyan 16:9

Apoolan iray katoowan, tan inayew day ngaran na Dios a walay pakayari ton mangiter na ontan iran salot. Balet ag ira nampatauli tan ag da inggalang so Dios.

1 Samuel 6:12

Inmakar ira may baka, tan nampaarap iran mapmaptek ed Bet-semes, ya ag ira linmiko ed kawanan o diad kawigi. Manngakngak iran manaakar. Tinombuk ira na saramay limaran arari na Filistia ya anggad ketegan na Bet-semes.

1 Samuel 6:3

Inmebat ira, “No ipawil yoy Kaban na Sipanan na Dios na Israel, nepeg a walay ipila yon rigalo ya ibayar yod impankasalanan yo. Ag yo ipapawil ya anggapoy rigalo so Kaban na Sipanan. Diad saya, onabig kayo, tan naamtaan yo no akin et dudusaen to kayo.”

1 Samuel 6:6

Akin et paaweten yoy olo yo a singa say ari na Egipto tan saray Egipsio? Ag yo ta amtan kayarin pinapairap iray Dios et inabuloyan da ray Israelita ya ontaynan ed Egipto?

1 Samuel 6:9

insan yo ra bantayan; no mamaarap irad baley na Bet-semes, say dilin pasen na Kaban na Sipanan, labay ton ibaga a say dios na saray Israelita so amairap a maung ed sikatayo. No ag ira mamaarap ed Bet-semes, naamtaan tayod satan ya aliwan sikatoy amairap; nibambana labat.”