Exodo 7:16 - Maung A Balita Biblia

¹⁶ Insan mo ikuan ed ari, ‘Say Katawan a Dios na saray Hebreo et imbaki to ak a mangibagad sika ya abuloyan mo lan onla ray totoo to, pian nigalang da ed kalawakan. Balet anggad natan ag ka dinmengel.

Maung a Balita Biblia

¹⁶ Insan mo ikuan ed ari, Say Katawan a Dios na saray Hebreo et imbaki to ak a mangibagad sika ya abuloyan mo lan onla ray totoo to, pian nigalang da ed kalawakan. Balet anggad natan ag ka a dinmengel.

Exodo 7:16 Iomraidhean Croise

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Exodo 13:15

Nen anawet so puso na ari na Egipto tan ag to kami pataynanen, say Katawan pinatey toy amin a lakin pangulowan ya anak ed dalin na Egipto, tan amin a besag a kalakyan ya anak na ayayep. Sikato yay makasengeg no akin et ibabagat mid Katawan so balang kalakyan a besag ya anak na ayep tan dodondonen mi ray pangulowan a lakin anak mi.

Exodo 14:5

Nen nibagad ari na Egipto a tinmaynan iray Israelita, angoman na kanunotan a pati saray opisyal to tan kuanda, “Antoy ginawa tayo? Pinaolyan tayon tinmaynan iray Israelita, et naandi ra la laingen ya ariripen tayo.”

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Exodo 3:13

Inkuanen Moises ed Dios, “Onla ak ed saray Israelita, ta ibagak ed sikara, ‘Say Dios na saray lalaki yo imbaki to ak ed sikayo;’ et no tepeten dad siak, ‘Antoy ngaran to?’ Antoy iyebat kod sikara?”

Exodo 3:18

“Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, ‘Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.’

Exodo 4:22

Diad satan ibagam ed ari: Onya so kuan na Katawan ed sika, ‘Si Israel so pangulowan ya anak ko.

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Exodo 8:1

Insan inkuan na Katawan ed kinen Moises, “Lakad ari, ta ibagam ed sikato a say Katawan kuanto, ‘Abuloyan mon onla ray totook, pian nigalang da ak.

Exodo 8:20

Say Katawan kuantod kinen Moises, “Diad kabkabwasan nabwas, laka ta abet moy ari no mamaarap ed ilog, tan ibagam ed sikato a say Katawan kuanto, ‘Abuloyan mon onla la ray totook, pian nigalang da ak.

Exodo 9:1

Say Katawan kuantod kinen Moises, “Lakad ari, ta ibagam ed sikato a say Katawan a Dios na saray Hebreo et kuanto, ‘Abuloyan mon onla ray totook, pian nigalang da ak.

Exodo 9:13

Inkuan na Katawan ed kinen Moises, “Nabwas na kabkabwasan lakad ari, ta ibagam ed sikato a say Katawan a Dios na saray Hebreo kuanto, ‘Abuloyan mon onla la ray totook, pian nigalang da ak.

Isaias 45:13

Siak a dili so anogsog ed kinen Ciro a manumpal na getmak tan mangoksuy ed amin a bengatla. Peteken koy amin a dalanen to. Ipaalagey to lamet so siudad kon Jerusalem, tan ibolus to ray totook ya adakep. Anggapoy angupa odino amasoksok ed impanggawa tod saya.” Say Katawan a Makapanyarin-amin so nansalita.

Jeremias 50:33

Say Katawan a Makapanyarin-amin kuanto, “Napapairap iray taga Israel tan saray taga Juda. Mapeget so pangguaguardiad sikara na saray anakep ed sikara tan ag da ra ibolus.