Exodo 6:6 - Maung A Balita Biblia

⁶ Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Maung a Balita Biblia

⁶ Kanyan ibagam ed saray Israelita a sayay kuankod sikara, Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 6:6 Iomraidhean Croise

2 Saray Arari 17:36

Nepeg yo ak a takotan, siak a Katawan, ya angipaway ed sikayod Egipto diad panamegley na baleg a pakayari; nepeg kayon ondakmomod siak tan mangibagat ed siak.

1 Saray Awaran 17:21

Anggapoy arum a bansa diad tapew na dalin a miparad Israel. Inyagel mod inkaaripen iray Israelita tan ginawam ira a totoom. Diad panamegley na saray ankabaleg tan makapakelaw a ginagawam para sikara, kinmayat ed intiron mundo so dayew mo. Pinataynan mo ray taga arum a bansa legan a mankukurang iray totoom.

Nehemias 1:10

“Katawan, sikara yay aripen mo, saray dilin totoom. Inyagel mo ra diad panamegley na baleg a pakayarim tan biskeg mo.

Saray Salmo 77:16

Ataktakot iray danum nen anengneng da ka, O Dios, tan ginmiwgiw so dalem na dayat.

Saray Salmo 81:11

“Balet ag ondengel ed siak iray totook; say Israel ag da ak toluken.

Saray Salmo 81:6

“Inekal kod takeb yo iray kairapan a sasakbaten yo; impaigatun kod sikayo ray laryon sankabembenan yo.

Saray Salmo 81:7

Tinmawag kayod siak nen nagugunigon kayo, et inlaban ta kayo. Manlapud panaamutan kod bagyo inebatan ta kayo. Diad saray sobul na Meriba, sinubok ta kayo.

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 13:14

Diad arapen a panaon, no tepeten na saray anak yo so kabaliksan na sayan gawaen yo, onya so iyebat yo; ‘Diad panamegley na baleg a pakayari na Katawan, impaway to kamid Egipto, say pasen ya akaaripenan mi.

Exodo 13:16

Sakey a pakanudnunotan yan pista a singa bengatlan nisinger ed saray lima tayo odino diad muling tayo; ipanunot tod sikatayo a say Katawan impaway to tayod Egipto diad panamegley na baleg a pakayari to.’”

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 15:13

Saray totoom ya inyagel mo et inwanwan mo ra lapud ag mangoman a panangarom; diad panamegley na biskeg mo inwanwan mo ran amaarap ya anggad masanton dalin mo.

Exodo 16:6

Kanyan si Moises tan si Aaron kuandad saray amin ya Israelita, “Diad sayan labi naamtaan yo a say Katawan so angipaway ed sikayo a manlapud Egipto.

Exodo 18:1

Say katolangan nen Moises a si Jetro a pari na Madian et nadngelan toy amin a ginawa na Dios a Katawan ed kinen Moises tan diad saray Israelita nen impaway to ran manlapud Egipto.

Exodo 2:11

Nen baleg lay Moises dinalaw to ray agagi ton Hebreo, et naimatunan toy kakairapan da. Anengneng nen Moises so sakey ya Egipsio a mamapatey ed sakey a Hebreo a kadalaan to.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Exodo 6:2

Akisalitay Dios ed kinen Moises tan kuanto, “Siak so Katawan.

Exodo 6:29

inkuanto, “Siak so Katawan. Salitam ed ari na Egipto iray amin ya ibabagak ed sika.”

Exodo 6:8

Iyakar ta kayod dalin a sinambaan ko ya iter ed kindi Abraham, Isaac, tan Jacob; iter kod sikayo a kayaryan yo. Siak so Katawan.’”

Exodo 7:4

Insan iter kod Egipto so ambelat a dusa tan iwanwan ko ray boleg na totook diad itaynan da.

Exodo 7:5

Naamtaan ed satan na saray Egipsio a siak so Katawan no iyatagey koy taklay ko sumpad sikara tan ipaway kod bansa ra iray Israelita.”

Isaias 9:12

Say Siria ed bokig tan say Filistia ed sagur sinmangi ran mangakmun ed Israel. Anggaman ontan ag ni tinmonda so pasnuk na Katawan, no ag ingen siansia nin akaonat so lima ton manusa.

Isaias 9:17

Ag yabuloy sirin na Katawan a makabatik so siopaman ed saray tobun-balo, tan ag to kasian so siopaman ed saray balo tan saray olila, lapud anggapoy Dios da ray amin a totoo tan maoges ira tan kaogsan ya amin so sasalitaen da. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Isaias 9:21

Saray totood Manases tan saray totood Efraim et manlalaban ira, tan mammomoyung iran ondogpa ed Juda. Anggaman ontan ag ni ontonda so pasnuk na Katawan, no ag ingen siansia nin akaonat so lima ton manusa.

Jeremias 21:5

Siak a dili so onlaban ed sikayo diad intiron biskeg ko, pasnuk ko, petang na olok, tan sanuk ko.

Jeremias 27:5

“Siak, diad panamegley na pakayarik tan biskeg ko, pinalsak so mundo, saray totoo, tan amin ya ayayep a manaayam ed tapew na dalin; iiter ko ya ed siopaman a labay kon pangitdan.

Jeremias 32:21

Diad panamegley na saray milagro tan pakelaw ya anaktakot ed saray kalaban mi, inkanam so pakayarim tan biskeg mo diad impangipaway mod Egipto na saray totood Israel.

Ezekiel 20:33

“Legan a siak so mabilay a Katawan a Dios, papasakbayan ta kayo a diad gaway pasnuk ko, oleyan ta kayod biskeg na taklay ko diad intiron pakayarik.

Saray Gawgawa 13:17

Say Dios na bansay Israel pinili to ray lalaki tayo tan ginawa to ran matalonggaring a totoo nen manaayam irad Egipto. Impaway to rad man diad panamegley na baleg a pakayari to,

Deuteronomio 11:2

Nunot yo natan iray naaralan yo a nipaakar ed Katawan diad panamegley na saray ginagawa to. Aliwan saray anak yo, no ag ingen sikayo, so akanengneng. Anengneng yo so inkatalonggaring na Katawan, say pakayari to, say biskeg to,

Deuteronomio 15:15

Nunot yo ya aripen kayo nen saman ed Egipto et imbolus kayo na Katawan a Dios yo; sikato yay makasengeg ya iiter kod sikayo yan ganggan.

Deuteronomio 26:8

Diad panamegley na baleg a pakayari tan biskeg to inyagel to kamid Egipto. Nanggagawa na saray milagro tan pakelaw, tan saray makapataktakot a bengatla.

Deuteronomio 4:23

Manalwar kayo ta ompan nalingoanan yo so impisipanan ed sikayo na Katawan a Dios yo. Onur yoy ganggan to ya ag kayo manggagawa na antokaman a talintaoy dios,

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Deuteronomio 5:15

Nunot mo ya aripen ka nen saman ed Egipto, tan siak a Katawan a Dios mo et impaway ta kad man diad panamegley na baleg a pakayarik tan biskeg ko. Kanyan igaganggan ta kan ngilinan mo so Agew na Panagpainawa.

Deuteronomio 6:12

ag yon balut lilingwanan so Katawan ya angipaway ed sikayod Egipto ya akaaripenan yo.

Deuteronomio 7:19

Nunot yo ra may makapataktakot a salot ya anengneng na dilin mata yo, saramay milagro tan pakelaw, tan samay baleg a pakayari tan biskeg na Katawan a Dios yo ya impangibolus tod sikayo. Pateyen to ra yay totoon tatakotan yo natan a singa impamatey tod saray Egipsio.

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Deuteronomio 9:29

Say katwaan to, sikaray totoon pinilim a kayaryan tan impaway mo rad Egipto diad panamegley na baleg a biskeg tan pakayarim.’