Exodo 5:6 - Maung A Balita Biblia

⁶ Diad saman met lamlamang ya agew, ingganggan na ari iray opisyal ya Egipsio tan saray kapatas ya Israelita:

Maung a Balita Biblia

⁶ Diad saman met lamlamang ya agew, ingganggan na ari iray opisyal ya Egipsio tan saray kapatas ya Israelita:

Exodo 5:6 Iomraidhean Croise

2 Saray Awaran 26:11

Amayamay iray sondalo ton akaparaan a mibakal. Di Jeiel tan Maasias so makaoley ed saray isusulat a nipaakar ed saray sondalo, diad panangiwanwan nen Ananias ya opisyal na ari.

Exodo 1:11

Kanyan angipasen iray Egipsio na saray opisyal a mamairap ed saray Israelita. Impankikimey da ra na ambelat diad impamaalagey dad saray siudad na Pitom tan Rameses a panangisempenay abasto na ari.

Exodo 3:7

Insan say Katawan inkuanto, “Anengneng ko so ontan lan kakairapan na saray totook a wadman ed Egipto; nadngel koy tagleey da lapud saray maruksan opisyal da. Amtak so kakairapan da,

Exodo 5:10

Pinmaway ira may opisyal tan saramay kapatas ya Israelita tan linma rad saray Israelita. Inkuandad saray Israelita, “Imbaga na ari ya ag to kayo la itdan na dayamin ikana yo.

Exodo 5:19

Saramay kapatas abirbir dan mairap so kipapasen da nen niganggan iran manggaway singa karakel na gendat a gagawaen dan laryo.

Exodo 5:7

“Itonda yo lay pangiter yod saray totoo na dayami ya ikanad panggaway laryo. Ibaki yo ra, ta sikara lan diliy mananap na dayami.

Probirbio 12:10

Say toon matonung kokomponien to ray ayayep to, balet saray totoon maoges maruksa ed saray ayayep da.

Saray Bilang 11:16

Say Katawan kuantod kinen Moises, “Manipon ka na pitomplon lalakin nabibirbir a pangulo na saray totoo, iyakar mo rad mad Tuldan Ayaman ko, tan ibagam ed sikaran manalagey irad abay mo.

Deuteronomio 1:15

Kanyan inalak iray pinili yon pangulod saray tribu yo a lalakin makabat tan walaan na saray salsalid bilay, insan ko ra impasen a makaoley ed sikayo. Pigarad sikara so makaoley ed tunggal libon totoo, tunggal lasus, tunggal limamplo, tan tunggal pulo. Anoro ak met na saray arum ya opisyal ed amin da ray tribu.

Deuteronomio 16:18

“Manoro kayo na saray huis tan saray arum ya opisyal ed kapag baley ya iter ed sikayo na Katawan a Dios yo. Sarayan totoo et nepeg ya ipakurang day katonungan ed saray totoo.

Josue 24:1

Tinipon nen Josue ed Sikem iray amin a totood tribu na Israel. Tinawag to ray mamatakken, saray pangulo, saray huis, tan saray opisial na Israel, tan pinmarontal irad arap na Dios.

Josue 24:4

tan inter kod kinen Isaac ira di Jacob tan Esau. Inter kod kinen Esau so kapokdulan a dalin na Edom, balet linmad Egipto si laki yon Jacob tan saray anak to.

Josue 8:33

Saray Israelita a pati saray pangulo, opisyal, tan saray huis da, tan ontan met na saray kakaiba ran taga arum a bansa et nanalagey irad duaran dapag na Kaban na Sipanan na Katawan, tan sankaarap da ray paparin Levita ya anakbat na samay Kaban. Say kapalduad saramay totoo nanalagey iran akabeneg ed Palandey na Gerizim, tan saray kapaldua akabeneg irad Palandey na Ebal. Si Moises ya aripen na Katawan ingganggan ton gawaen da ya diad isabiy panaon a pangawat day bindision.