Exodo 5:2 - Maung A Balita Biblia

² Inmebat so ari, “Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.”

Maung a Balita Biblia

² Inmebat so ari, Siopa so Katawan? Akin et ondengel ak ed sikato tan abuloyan kon ontaynan iray Israelita? Ag ko kabat itan a Katawan, tan ag ko abuloyan ya ontaynan iray Israelita.

Exodo 5:2 Iomraidhean Croise

2 Saray Arari 18:35

Siopad sarayan diriyos na sarayan bansa so angyagel ed impirador na dalin da? Panon sirin so pannununot yoy iyagel na Katawan so Jerusalem?”

2 Saray Awaran 32:14

Ayarian ta na saray diriyos na arum a bansa ya inyagel ed sikami so bansa ra? Anto sirin so ipapangaya yon niagel kayo na dios yo?

2 Saray Awaran 32:15

Ag kayo la sirin patitilaan odino papaibalang ed kinen Ezekias. Ag yo sisigsiaen! Anggapoy dios na anggan anton bansa ya akayarin angyagel ed saray totoo to ed pakayari na siopaman ya impirador na Asiria. Kanyan andi-duaruwan ag kayo niagel na satay dios yo!”

2 Saray Awaran 32:19

Diad panagsalita ra impara ray Dios na Jerusalem ed saray diriyos na arum a totoo, saray talintaoy diriyos a ginagawa na limay too.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Say Libro nen Job 15:25

Onyay pansumpalan na toon ayagan toy poniti so Dios tan labanan toy Makapanyarin-amin.

Say Libro nen Job 15:26

Mapaatagey tan mananumlang yan too; lawas sankaegnaan toy samper to ta ondogpan milaban ed Dios.

Say Libro nen Job 21:15

Isipen da ya ag nakaukolan so manlilingkur ed Dios, tan andi-kana so mampikasi ed sikato.

Saray Salmo 10:4

Say toon maoges ag to ikabkabilangan so Katawan; lapud panagpaatagey to iisipen ton singa anggapoy Dios.

Saray Salmo 12:4

“Nanaala miy labay mi diad panamegley na saray salita mi. Salitaen miy labay mi, et anggapoy makapatondad sikami.”

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 14:1

Saray makulang-kulang a totoo kuandad sikaran dili, “Anggapoy Dios!” Maoges ira tan makapataktakot iray ginagawa ra, anggapoy anggan sakey so manggagaway kamaungan.

Exodo 3:19

Amtak ya ag kayo abuloyan na ari na Egipto ya onla, anggad napasoot na biskeg na pakayari.

Exodo 7:17

Natan, Kagalang ya Ari, say Katawan kuanto a naamtaan moy peteg ya inkasikato diad panamegley na gawaen to. Nengneng mo, ibakbak kod tapew na ilog yan baston, et magmaliw a dala so danum.

Probirbio 30:9

Ta no daakan so kakanen ko, ompan ibagak ya ag ta ka nakaukolan. Balet no mairap so bilay ko, ompan mantakew ak, et nipelag kod kababaingan so Dios ko.

Jeremias 42:13

“Balet, sikayon akeraan ed Juda, nepeg ya onuren yo so Katawan a Dios yo. Nepeg a manayam kayod sayan dalin tan ag yo ibabaga, ‘Andi, onla kamin manayam ed Egipto, ag kami lad man nadalan na bakal odino makadngel na trumpitan panawag na bakal, odino bilang naerasan.’ Balet no ipasoot yoy onla, saya so ikuan ed sikayo na Katawan a Makapanyarin-amin a Dios na Israel, ‘No talagan labay yoy manayam ed Egipto,

Jeremias 48:26

Inkuan na Katawan, “Buek yo so Moab, ta linmaban ed siak. Pandokulan toy dilin ota to, tan elek-elekan na saray totoo.

Daniel 3:15

Natan sirin, karengel yod tanul na saray trumpita, kornita, arpa, lira, plauta, tan amin da ray arum a kagawaan na musika, dakmomo kayon mangigalang ed samay talintao. No ag yo labay nibantak kayon tampol ed manliub a palbaan. Dinan a dios so mangyagel ed sikayo?”

Juan 16:3

Gawaen da ra yad sikayo, ta ag da kabat so Ama odino say siak.

Saray Taga Roma 1:28

Lapud saray totoo et ag da labay a kabaten so Dios, pinaolyan to ra ed maoges iran kanunotan da, kanyan gagawaen day ag manepeg iran gawa.

2 TESALONICA 1:8

Onsabin kaibay manliub ya apoy tan dusaen to ray ag makapikabat ed Dios tan saray ag ontoluk ed Maung a Balitan nipaakar ed Katawan tayon Jesus.

Saray Huis 2:10

Inaatey ya amin iray kabyangan na saman a kailalakan; alingwanan na saray kabyangan na sinmalat a kailalakan so Katawan tan saray ginagawa tod Israel.

1 Samuel 2:12

Maoges iray lalakin anak nen Eli. Ag da italtalek so Katawan

1 Samuel 25:10

tan inmebat a siansiay Nabal ed sikara, “David? Siopa tan a too? Natad sayan panaon, amayamay iray aripen ya ibabatikan da ray amo ra!