Exodo 5:1 - Maung A Balita Biblia

¹ Insan di Moises tan Aaron linma rad ari na Egipto tan kuanda, “Say Katawan a Dios na Israel kuanto, ‘Abuloyan mo ya onlad kalawakan iray totook, pian makapansilibra ray pista a pamagalang dad siak.’”

Maung a Balita Biblia

¹ Insan di Moises tan Aaron linma rad ari na Egipto tan kuanda, Say Katawan a Dios na Israel kuanto, Abuloyan mo ya onlad kalawakan iray totook, pian makapansilibra ray pista a pamagalang dad siak.

Exodo 5:1 Iomraidhean Croise

1 Saray Arari 21:20

Nen anengneng nen Acab si Elias inkuanto, “Nalmo mo ak lamet, kalaban ko?” “On, nalmo ta ka lamet,” ebat nen Elias. “Sigput so panggagawam na kaogsan ed arap na Katawan.

Saray Salmo 119:46

Ibawag kod saray arari iray ganggan mo, et ag ak ombaing.

Exodo 10:3

Kanyan di Moises tan Aaron linma rad ari tan kuandad sikato, “Say Katawan a Dios na saray Hebreo kuanto, ‘Anggad kapigay ag mo itoluk ed siak? Abuloyan mo lan ontaynan iray totook, pian nigalang da ak.

Exodo 10:4

No ag mo ni ran siansia abuloyan, paonlaen ko nabwas ed bansam iray dorun.

Exodo 10:9

Inmebat si Moises, “Onla kamin amin a pati saray anak mi tan saray mamatakken ed sikami. Awiten mi ray anak min lalaki tan bibii, saray karniro, saray kanding tan saray baka mi, lapud mampista kami a pamagalang mid Katawan.”

Exodo 3:18

“Dengelen day salitaen mod saray totook, insan ka nepeg ya onlad ari na Egipto a kaolup mo ray pangulo na Israel, tan ikuanyod sikato, ‘Pinmanengneng ed sikami so Katawan a Dios min Israelita. Abuloyan mo kami pan onlad kalawakan ed loob na taloy agew, ta mangibagat kamid Katawan a Dios mi.’

Exodo 33:13

No talagan makaliliket kad siak, ibagam pad siak so linawam, pian nalingkuran ta ka tan nituloy koy pamaliket kod sika. Ag mo pa met lilingwanan a pinilim yan bansa a kayaryan mo.”

Exodo 4:23

Imbagak lad sika ya abuloyan mon ontaynan, pian makapangigalang ed siak, balet ag ka inmabuloy. Natan pateyen koy lakin pangulowan ya anak mo.’”

Exodo 6:11

“Laka, ta ibagam ed ari na Egipto a nepeg ton abuloyan a taynan na saray Israelita so dalin to.”

Exodo 6:27

Sikara so totoon angibagad ari na Egipto ya ibolus to ray Israelita.

Exodo 7:16

Insan mo ikuan ed ari, ‘Say Katawan a Dios na saray Hebreo et imbaki to ak a mangibagad sika ya abuloyan mo lan onla ray totoo to, pian nigalang da ed kalawakan. Balet anggad natan ag ka dinmengel.

Exodo 7:2

Ibagam ed Aaron iray amin ya iganggan kod sika, tan ibaga tod ari ya abuloyan to ray Israelita a taynan day bansa to.

Exodo 8:1

Insan inkuan na Katawan ed kinen Moises, “Lakad ari, ta ibagam ed sikato a say Katawan kuanto, ‘Abuloyan mon onla ray totook, pian nigalang da ak.

Exodo 8:16

Say Katawan kuantod kinen Moises, “Ibagam ed Aaron a bakbaken to na baston to so dalin, et magmaliw a timel ya amin iray dabuk ed intiron dalin na Egipto.”

Exodo 8:17

Kanyan si Aaron binakbak to na baston to so dalin, et nagmaliw a timel ya amin iray dabuk ed Egipto, tan inaambongalan da ray katoowan tan saray ayayep.

Exodo 8:20

Say Katawan kuantod kinen Moises, “Diad kabkabwasan nabwas, laka ta abet moy ari no mamaarap ed ilog, tan ibagam ed sikato a say Katawan kuanto, ‘Abuloyan mon onla la ray totook, pian nigalang da ak.

Exodo 8:27

Nakaukolan miy manakar na taloy agew diad iyakar mid kalawakan tan diman kami mangibagat ed Katawan a Dios mi, onung na ingganggan tod sikami.”

Exodo 9:1

Say Katawan kuantod kinen Moises, “Lakad ari, ta ibagam ed sikato a say Katawan a Dios na saray Hebreo et kuanto, ‘Abuloyan mon onla ray totook, pian nigalang da ak.

Exodo 9:2

No ag mo ni ra abuloyan ya onla,

Isaias 25:6

Diad Palandey na Sion say Katawan a Makapanyarin-amin et mangiparaan na baleg a ponsia a para saray bansa ed intiron mundo—sakey a ponsian sankananaman iray kakanen tan sankaabigan iray alak ya isaklang.

Ezekiel 2:6

“Balet sika a toon ompatey, ag mo ra tatakotan odino saray ibabaga ra. Sumpaen da ka tan pabaingan da ka; singa kad satan mimiamung ed saray alakdan. Ag mo tatakotan ira man a totoon mananumpa odino saray ibabaga ra.

Mateo 10:18

Lapud itombuk yod siak, salaysayen da kayod arap na saray arari tan arum ni ran manoley, pian napaneknekan yod sikara ran saray Hintil so Maung a Balita.

Mateo 10:28

Ag yo tatakotan iray mamatey na laman ya ag da balet napatey so kamarerwa. Say Dios so takotan yo, ta nayarian ton deralen ed impirno so kamarerwa tan laman.

Saray Gawgawa 4:29

Tan natan, Katawan, sesebelan da kami. Tulongan mo kami pa ran aripen mo, pian nipulong min anggapoy takot so salitam.

1 CORINTO 5:8

Kanyan pistaan tayoy Paskua, aliwan diad panamegley na tinapay a walay lauk ton daan a libaduray kasalanan tan kaogsan, no ag diad panamegley na tinapay ya anggapoy libadura, say tinapay na katooran tan katwaan.