Exodo 40:23 - Maung A Balita Biblia

²³ tan inyan tod tapew to iray tinapay ya imbagat ed Katawan, onung na ingganggan na Katawan.

Maung a Balita Biblia

²³ tan inyan tod tapew to iray tinapay ya imbagat ed Katawan, onung na ingganggan na Katawan.

Exodo 40:23 Iomraidhean Croise

Saray Salmo 99:6

Di Moises tan Aaron iray papari to, tan si Samuel so sakey ed saray nampikasid sikato; tinmawag irad Katawan, et inebatan to ra.

Exodo 25:30

Diad tapew na lamisaan mangyan ka lawas na tinapay a nibagat ed siak.

Exodo 40:24

Diad bandad abalaten a kasumbaliwan na lamisaan, inlira to so panangipatoonan na lamparaan,

Exodo 40:4

Iyan mod loob na Tulda so lamisaan tan yan mod tapew to iray kagawaan to. Iloob mo met so panangipatoonan na lamparaan tan iliram iray lamparaan.

Levitico 24:5

Mangala kayoy samplora tan kapalduan kilon arina, ta manggawa kayoy labinduan tinapay.

Levitico 24:6

Idatak yo a duaran dasig iray tinapay, anemira ed kapag dasig, diad tapew na lamisaan ya inokupan na puron balituk tan walad arap na Katawan.

Mateo 12:4

Linma rad abung na Dios tan kinan da may tinapay ya imbagat ed Dios. Sumpad Ganggan a kanen da man a tinapay, ta saray papari labat so nayarin mangan ed saman.

Saray Hebreo 9:2

Nipaalagey so sakey a tulda, say walad bandad paway a tatawagey Masanton Pasen. Diay kawalaan na panangipatoonan na lamparaan tan say lamisaan a kawalaay tinapay ya imbagat ed Dios.