Exodo 4:18 - Maung A Balita Biblia

¹⁸ Sinmempet si Moises tan linmad kinen katolangan ton Jetro tan kuanto, “Abuloyan yo ak pa ya ompawil ed saray kakanayon kod man ed Egipto, ta nengnengen ko no mabilay ni ra kasi.” Inmabuloy si Jetro tan pinasiput to.

Maung a Balita Biblia

¹⁸ Sinmempet si Moises tan linmad kinen katolangan ton Jetro tan kuanto, Abuloyan yo ak pa ya ompawil ed saray kakanayon ko man ed Egipto, ta nengnengen ko no mabilay ni ra kasi. Inmabuloy si Jetro tan pinasiput to.

Exodo 4:18 Iomraidhean Croise

Genesis 45:3

Inkuanen Jose ed saramay agagi to, “Siak si Jose. Mabilay nin tuay amak?” Balet diad ontan lan takot da ra may agagi to, ag ira makaebat.

2 Saray Arari 5:10

insan angibakiy Eliseo na sakey ya aripen a mangibagad kinen Naaman ya orasan ton mamimpito ed Ilog na Jordan so laman to, et sigput ya onabig ed sakit to.

2 Saray Arari 5:19

“Nayarian mo lay onsempet; mila komun ed sikay kareenan,” inkuanen Eliseo. Insan la linmay Naaman. Ag ni akaarawiy Naaman

Exodo 2:21

Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Exodo 3:1

Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Lucas 7:50

Balet inkuanen Jesus ed samay bii, “Say pananisiam so angilaban ed sika. Laka la, tan pakpel moy linawam.”

Saray Gawgawa 15:36

Kayariy pigaran agew, inkuanen Pablo ed kinen Bernabe, “Pawilen ta a bisitaen iray agagi ed amin a pasen a nampupulongan tay salitay Katawan. Nengnengen ta no anto kasiy kipapasen da.”

Saray Gawgawa 16:36

Kanyan imbalita to may guardia ed kinen Pablo, “Ingganggan na saray opisyal ya ibolus ta kayo la. Laki la sirin, tan say kareenan komuy milad sikayo.”

1 Timoteo 6:1

Kaukolan a saray aripen ipasen da a saray amo ra et manepeg iran mangawat na amin a kagalangan, pian anggan siopa anggapoy nibaga ton maoges sumlang ed ngaray Dios tan say bangat tayo.

Saray Huis 18:6

Inmebat imay pari, “Anggapoy nepeg yon pampagaan. Aasikasoen kayo na Katawan ed sayan kurang yo.”

1 Samuel 1:17

Inkuanen Eli, “Laka lan mareen so kalakal mo. Iter komun na Dios na Israel so kinerew mod sikato.”