Exodo 37:1 - Maung A Balita Biblia

¹ Say Kaban na Sipanan a ginawa nen Bezalel et tablan akasia; apataplo tan liman pulgada so karokey to, duamplo tan piton pulgada so kaatagey to.

Maung a Balita Biblia

¹ Say Kaban na Sipanan a ginawa nen Bezalel et tablan akasia; apataplo tan liman pulgada so karokey to, duamplo tan piton pulgada so kaatagey to.

Exodo 37:1 Iomraidhean Croise

1 Saray Awaran 2:20

Si Hur walay anak ton laki a si Uri, tan walay apo ton laki a si Bezalel.

Exodo 26:33

Sayan kurtina so ibitin mod saray panagkawit a nipeket ya arasig ed tarung na Tulda, tan iliram ed sanib to so Kaban na Sipanan a nankarga na duaran tapyak a bato. Say kurtina so ketegan na Masanton Pasen tan say Sankasantosan a Pasen.

Exodo 31:7

say Tuldan Ayamay Katawan, say Kaban na Sipanan a pati say sakub tod tapew, amin a kagawaan ed dalem na Tulda,

Exodo 37:2

Inokupan to na puron balituk ed paway tan diad dalem to tan minoldoraan to na balituk iray gilig-gilig to.

Exodo 40:3

Iyan mod loob to so Kaban na Sipanan a nankarga na Samploran Ganggan tan ibitin mo so kurtina ed arap to.

Deuteronomio 10:3

“Kanyan nanggawa ak na Kaban ya akasia tan duaran tapyak a bato a singa saramay inmona tan inawit ko ra ed tagey na palandey.

Saray Hebreo 9:4

Dia so kawalaay balituk ya altar a panagpoolay insinso; diman met so kawalaay kaban na sipanan a binalkut ya intiro na balituk. Walad loob na kaban so balituk a banga ya anginay mana, say nansimit a bastun nen Aaron, tan saray duaran tapyak a baton angisulatan na saray ganggan.