Exodo 35:5 - Maung A Balita Biblia

⁵ Mangibagat kayo ed Katawan. Amin a maliket a mangibagat nepeg a mangisaklang na balituk, pilak, odino gansa;

Maung a Balita Biblia

⁵ Mangibagat kayo ed Katawan. Amin a maliket a mangibagat nepeg a mangisaklang na balituk, pilak, odino gansa;

Exodo 35:5 Iomraidhean Croise

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

2 Saray Awaran 29:31

Inkuanen Ezekias ed saray totoo, “Natan ta malinis kayo la onung ed ganggan, mangawit kayo na saray bagat a para pisasalamat ed abung na Katawan.” Tinmoluk ira may totoo, tan angaawit a mabolbolus so arum ed sikara na saray ayayep a para bagat a popoolan.

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Exodo 25:1

Say Katawan kuantod kinen Moises,

Exodo 35:21

tan amin a maliket tan mabolus a mangibagat et inyaakar da ray bagat da ed Katawan a panggawa na Tuldan Ayamay Katawan. Inyaakar day amin a nakaukolan ya ikana ed pangigalang ed Dios tan diad panggawa na saray kawes na pari.

Exodo 35:29

Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Exodo 35:4

Si Moises kuantod amin ya Israelita, “Sikato yay ingganggan na Katawan:

Exodo 35:6

pinon linen; asul, purpura, tan ambalangan tinebey; abel a bagoy kanding;

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

Saray Huis 5:9

Akilad saray pangulod Israel so pusok, diad saray totoon mabolbolus ya akilan akibakal. Idayew yoy Katawan!