Exodo 35:35 - Maung A Balita Biblia

³⁵ Initdan to ra na karunongan a manggawa ed amin a klasiy kimey a gagawaen na saray managtatak na arti, managgolis na arti, tan managinaramey na pinon linen; asul, purpura, tan ambalangan lana; tan arum ni ran abel. Nayarian da a gawanen so antokaman a kimey tan marunong iran mangigolis na arti.

Maung a Balita Biblia

³⁵ Initdan to ra na karunongan a manggawa ed amin a klasiy kimey a gagawaen na saray managtatak na arti, managgolis na arti, tan managinaramey na pinon linen; asul, purpura, tan ambalangan lana; tan arum ni ran abel. Nayarian da a gawanen so antokaman a kimey tan marunong iran mangigolis na arti.

Exodo 35:35 Iomraidhean Croise

1 Saray Arari 3:12

iter kod sikay kinerew mo. Iter kod sikay kakabatan tan pakatalus a matalonggaring ni nen say nipalabo lad siopaman a toon akaonan nambilay nen say sika odino diad toon mambilay a naonur nen say sika.

1 Saray Arari 7:14

Inatey lay ama ton taga met Tiro tan marunong met a pumapanday na gansa; kabyangay tribu nen Neftali so ina to. Maung ya impanolo si Hiram tan abayag lan pumapanday na gansa. Inmabubon ed labay na ari a sikatoy makaoley ed saray kimey a nipaakar ed gansa.

2 Saray Awaran 2:14

Kabyangan na tribu nen Dan so ina to, tan taga Tiro so ama to. Marunong a mankimey ed balituk, pilak, gansa, balatyang, bato, tan tabla. Nayarian toy mankimey ed asul, purpura, tan ambalangan abel, a pati linen. Nayarian ton gawaen ya amiy panagtatak tan natombuk toy antokaman a paitatak ed sikato. Pankimey mo a kaiba to ray marunong a kumikimey mo tan saray impankikimey nen amam ya Ari David.

Say Libro nen Job 7:6

Onlalabas iray agew ko ya anggapoy ilalok, maples ya onlalabas nen say panaglaga na makinan gawaay abel.

Exodo 26:1

“Igawaan mo so dalem na Tuldan Ayamay Katawan na samploran kurtina a pinon linen. Asul, purpura, tan ambalanga so tinebey da tan bordaan mo ra na saray kirubin.

Exodo 31:3

sikatoy pinanok na pakayarik. Initdan ko na pakatalus, dunong, tan pakayari a manggawa na antokaman a kimey ya inartian;

Exodo 31:6

Pinilik met ya ontulong ed kinen Bezalel si Oholiab a lakin anak nen Ahisamac tan kabyangan na boleg nen Dan. Initdan ko met na baleg a dunong iray amin nin arum a kumikimey, pian nagawaan day amin a labay kon pagawa:

Exodo 35:31

Say Dios pinano to na pakayari to tan initdan to na karunongan, pakayari, tan pakatalus a manggawa na antokaman a kimey ya inartian,

Exodo 36:1

“Si Bezalel, si Oholiab, tan amin nin arum a marunong a kumikimey, ya angiteran na Katawan na karunongan tan pakatalus a manggawa na antokaman a nakaukolan ed pangipaalagey na Tuldan Ayamay Katawan, et nepeg a gawaen day amin a bengatla onung na ingganggan na Katawan.”

Isaias 28:26

Amta ton gawaen iray kimey to, ta say Dios so angibangat ed sikato.

Isaias 38:12

Apoltut so bilay ko tan nansamput la. Singa sakey a tuldan inkusbo, Singa abel ya apaksut ed panaginarameyan. Abaloan kon pansasamputen la na Dios so bilay ko.

Saray Gawgawa 19:6

Intatapew nen Pablo ray lima to ed sikara, et linmeleksab ed sikara so Ispiritu Santo, nansasalita ray nandoroman salita, tan nampropisiya ra.

Saray Gawgawa 19:8

Diad loob na taloy bulan, lilinmay Pablo ed sinagoga tan akipappalinewan ed saray wadman. Anggapoy takotakot ton nantatangguyor ed sikara tan nampapaliwawa na kabaliksay Panarian na Dios.

1 CORINTO 1:5

Ta diad pikakasakey yod Cristo nagmaliw kayon mayaman ed amin a bengatla, anggan diad amin a panagsalita tan amin a karunongan.

1 CORINTO 1:7

kanyan amin a bindision aawaten yo, legan ya aalagden yon ompanengneng so Katawan tin Jesu-Cristo.

1 CORINTO 12:12

Si Cristo et singa sakey a laman ya amayamay so kabyangan to; anggaman a titibokeley nandoroman kabyangan, saksakey ni lamlamang yan laman.

1 CORINTO 12:4

Nandoromay langkap a maispiritu, balet saksakey ya Ispiritu so mangiiter ed saraya.

1 CORINTO 12:8

Iiter na Ispiritu ed sakey a too so pakayarin mangipulong na salitay Dios, tan diad sananey a too say pakayarin mantalus na salitay Dios.

TAGA GALACIA 3:2

Saya labat so labay kon kabaten ed sikayo: inawat yo kasiy Ispiritu lapud panangonur yod Ganggan, o lapud panagdengel tan pananisia yod Maung a Balita?

TAGA GALACIA 3:5

Diad pangiter na Dios ed sikayo na Ispiritu tan diad panggawa toy milagro diad pegley yo, gawaen to kasi lapud panangonur yod Ganggan, o lapud panagdengel tan pananisia yod Maung a Balita?

1 Timoteo 3:15

pian no bilang ta naabala ak tan ag ko makakar ditan a tampol, amtam no antoy nepeg a gawaey sakey a too ed pikakabyangan tod pamilyay Dios, salanti say iglisia na mabilay a Dios. Sayan iglisia et sikatoy lusek tan pundasion na katwaan.

1 Timoteo 4:16

Asikasom so sikan dili tan say ibabangat mo. Ituloy mon gawaen ira ya, ta diad panggawam ilaban moy sikan dili tan saray ondengel ed sika.

2 Timoteo 2:15

Gawam so anggaay nayarian mon magmaliw a manepenepeg ed arap na Dios, a singa kumikimey ya anggapoy nepeg ton ibaing, tan dugay panangibangat tod katwaan na salitay Dios.