Exodo 35:22 - Maung A Balita Biblia

²² Amin a totoon mabolus so linawa, bii may laki, inyaakar da ray balituk a sara da, saray ikaw da, saray singsing da, saray kolintas da, tan amin a klasiy balituk ya alahas, tan insaklang da ra ed Katawan.

Maung a Balita Biblia

²² Amin a totoon mabolus so linawa, bii may laki, inyaakar da ray balituk a sara da, saray ikaw da, saray singsing da, saray kolintas da, tan amin a klasiy balituk ya alahas, tan insaklang da ra ed Katawan.

Exodo 35:22 Iomraidhean Croise

2 Saray Arari 12:4

Tinawag nen Joas iray papari, insan to ra ingganggan ya isinup da ray kuartan nibabayar nipaakar ed saray bagat diad Timplo—saray inagew-agew a napapasegep nipaakar ed saray bagat, tan saray kuartan mabolus a niiter.

2 Saray Awaran 29:31

Inkuanen Ezekias ed saray totoo, “Natan ta malinis kayo la onung ed ganggan, mangawit kayo na saray bagat a para pisasalamat ed abung na Katawan.” Tinmoluk ira may totoo, tan angaawit a mabolbolus so arum ed sikara na saray ayayep a para bagat a popoolan.

Exodo 32:2

Kanyan kuanen Aaron ed sikara, “Ekal yo ray balituk ya ikaw na kaasawaan yo, ikaw na saray anak yon lalaki tan bibii, ta iyakar yo ra diad siak.”

Exodo 32:3

Kanyan amin da ray totoo ineekal da ray ikaw dan balituk tan inyakar da rad kinen Aaron.

Exodo 35:21

tan amin a maliket tan mabolus a mangibagat et inyaakar da ray bagat da ed Katawan a panggawa na Tuldan Ayamay Katawan. Inyaakar day amin a nakaukolan ya ikana ed pangigalang ed Dios tan diad panggawa na saray kawes na pari.

Exodo 35:23

Balang toon walay pinon linen to; asul, purpura, odino ambalangan tinebey; abel a bagoy kanding, ambalangan pinamagan katat na karniron kalakyan; odino pinon katat, inyakar to.

Probirbio 25:12

Say pasakbay ya inter na toon walay salsali tod panagbilay ed toon sipaparaan ya ondengel et mabli ni nen saray balituk a singsing odino saray alahas a puron balituk.

Isaias 3:19

tan diad saray ngalngalowan da. Ekalen to ray pandung da

Isaias 60:13

“Saray kiew a saleng, sipris, juniper, Saray sankaabigan a kiew ed katakelan na Libano, Et niakar ira a pamaalagey lamet ed sika, O Jerusalem, Pamarakep ira ed Timplok, Pian magmaliw a galgalangen so siudad ko.

Isaias 60:9

Bapor iran manlalapud arawi ran bansa, Sankaawit da ray onsempet lan totoo na Dios. Sankaawit na saray totoo so balituk tan pilak A pamagalang ed ngaran na Katawan, Say masanton Dios na Israel, Ya impagmaliw ton galangen na amin a bansa iray totoo to.

Ezekiel 16:11

Sinolungan ta ka na alahas, pulsiras, tan kuintas.

Saray Bilang 31:50

Kanyan inaawit mi ra diay balituk ya alahas, saray pulsiras, saray singsing, saray ikaw, tan saray kolintas ya inaala na balang sakey ed sikami. Iyapay mi ra ed Katawan a bayar ira na bilay mi, pian iyagel to kami.”

Mateo 2:11

Kaloob dad abung anengneng day ogaw tan si Maria ya ina to. Dinmakmomo ran angigalang ed samay ogaw. Impaway da ray awit dan rigalo a balituk, insinso, tan mira, insan da inter ed sikato.