Exodo 35:21 - Maung A Balita Biblia

²¹ tan amin a maliket tan mabolus a mangibagat et inyaakar da ray bagat da ed Katawan a panggawa na Tuldan Ayamay Katawan. Inyaakar day amin a nakaukolan ya ikana ed pangigalang ed Dios tan diad panggawa na saray kawes na pari.

Maung a Balita Biblia

²¹ tan amin a maliket tan mabolus a mangibagat et inyaakar da ray bagat da ed Katawan a panggawa na Tuldan Ayamay Katawan. Inyaakar day amin a nakaukolan ya ikana ed pangigalang ed Dios tan diad panggawa na saray kawes na pari.

Exodo 35:21 Iomraidhean Croise

2 Samuel 7:27

O Katawan a Makapanyarin-amin a Dios na Israel! Matalek kon ipikasi yad sika, ta impuyan mo yan amin ed siak ya aripen mo, tan imbagam ed siak a gawaen mon arari iray kabyangay boleg ko.

1 Saray Awaran 28:2

Nanalagey ed arap da si Ari David tan nansalita ed sikara. Inkuanto, “Dengel yo ak, sikayon agagik tan totook. Nampilalekan koy mangipaalagey na mansiansian panayaman na Kaban na Sipanan, say panangitapeway sali na Katawan tayon Dios. Imparaan ko ray nakaukolan ed pangipaalagey na sakey a timplo a pamagalang ed Dios,

1 Saray Awaran 28:9

Insan inkuantod kinen Solomon, “Anak ko, nia so bilin kod sika: birbir moy Dios nen amam tan panlingkuran mod intiron pusom tan mabolbolus a linawa. Amta to ray amin a kanunotan tan saray pilalek tayo. No ondago kad sikato, awaten to ka; balet no ibeneg mo, ando lan andon ikaindan to ka.

1 Saray Awaran 29:14

“Diad tuay tua balet, saray totook tan siak et ag kami makapangiter ed sika na antokaman, lapud manlalapud sika iray amin a bengatla. Impawil mid sika labat iray bengatlan kayaryan mo.

1 Saray Awaran 29:3

Aliwan saraya labat so imparaan ko; angiter ak ni na saray dilin pilak tan balituk ko lapud panamablik ed Timplo na Dios ko.

1 Saray Awaran 29:8

Saray walaan na mabmablin bato inyaakar da ra ed panagsinupan na kayamanan na Timplo ya aasikasoen nen Jehiel a Levita a kabyangan na boleg nen Gerson.

1 Saray Awaran 29:9

Mabolbolus ya angiiter ed Katawan iray totoo, tan maliket ira lapud dakerakel so niiter da. Malikeliket met si Ari David.

Esdras 2:68

Nen saramay nanlapud Babilonia et sinmabi rad Timplo na Katawan diad Jerusalem, pigarad saray pangulo da ray boleg so angiiter na saray bagat a manlapud mabolus a linawa a pamaalagey lamet ed Timplo diad gendat a kawalaan to.

Esdras 7:27

Inkuanen Esdras, “Nadayew so Katawan a Dios na saray lalaki tayo! Ginawa ton maabuloy so impirador a pagalangan to na onya so Timplo na Katawan ed Jerusalem.

Saray Salmo 110:3

Maabuloy iray totoom a milaban no agew a mibakal kad saray kalaban mo. Singa linaew ed kabkabwasan saray balolakim onla rad sika diad saray masanton pokdul.

Exodo 25:2

“Ibagam ed saray Israelita a mangibagat irad siak. Awat mo so antokaman a bagat ya iter a mabolbolus ed siak na siopaman a too.

Exodo 35:20

Saray amin ya Israelita tinaynan day Moises,

Exodo 35:22

Amin a totoon mabolus so linawa, bii may laki, inyaakar da ray balituk a sara da, saray ikaw da, saray singsing da, saray kolintas da, tan amin a klasiy balituk ya alahas, tan insaklang da ra ed Katawan.

Exodo 35:26

Nanggagawa ra met na bagoy kanding a tinebey.

Exodo 35:29

Amin da ray Israelita a maliket a mangibagat ed Katawan et mabolbolus dan inyaakar iray bagat da a para kimey ya ingganggan na Katawan a gawaen nen Moises.

Exodo 35:5

Mangibagat kayo ed Katawan. Amin a maliket a mangibagat nepeg a mangisaklang na balituk, pilak, odino gansa;

Exodo 36:2

Si Moises tinawag to ra di Bezalel, Oholiab tan amin nin arum a lalakin marunong a mankimey ya angiteran na Katawan na karunongan tan maliket iran ontulong, tan imbaga nen Moises ed sikara ya igapo da lay mankimey.

Probirbio 4:23

Alwaran moy panagnunot mo; say panagnunot mo so mangooksuy na bilay mo.

Jeremias 30:21

Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.”

Mateo 12:34

Apoliyan kayon talagay oleg! Panon kayon makapansalitay maung no maoges kayo? Ta manlapud puso so ibalikas na sangi!

2 CORINTO 8:12

No mabolus kayon mangiter, awatey Dios so iter yo. Awaten to onung na walad sikayo, aliwan onung na anggapod sikayo.

2 CORINTO 9:7

Nepeg a mangiter so balang sakey, onung na bolus na linawa to, ya aliwan maermen odino napapasootan labat, ta inaro na Dios so maliket a mangiiter.

Saray Huis 5:12

Ipangulom, Debora, ipangulom! Ipangulom! Mankanta ka! Ipangulom! Kurang ka, Barac a lakin anak nen Abinoam; mankurang kan sankatengteng mo ray totoon adakep mo!

Saray Huis 5:3

Dengel kayo, sikayo ran arari! Talineng kayo, sikayo ran manoley! Kantaan tan togtogan ko so Katawan a Dios na Israel.

Saray Huis 5:9

Akilad saray pangulod Israel so pusok, diad saray totoon mabolbolus ya akilan akibakal. Idayew yoy Katawan!