Exodo 34:7 - Maung A Balita Biblia

⁷ Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.”

Maung a Balita Biblia

⁷ Tooren koy sipan kod saray libo-libon kailalakan tan pirdonaen koy kaogsan tan kasalanan; balet dusaen kon dusaen iray anak tan apo, anggad kumatlo tan kumapat a kailalakan, lapud saray kasalanan na saray atateng da.

Exodo 34:7 Iomraidhean Croise

Genesis 19:16

Siansian ngalngali ag onalis si Lot. Balet kinasian na Katawan, kanyan saramay lalaki binembenan dad lima si Lot, say asawa to, tan saray duaran marikit ya anak to, tan inggayugoy da ran impaway ed siudad.

1 Saray Arari 8:30

Dengel mo pa ray pikakasik tan saray pikakasi na saray totoom no mampikasi ran akaarap ed sayan Timplo. Diad ayaman mon tawen, dengel mo kami pa tan pirdona mo kami.

1 Saray Arari 8:32

O Katawan, dengel ka pad tawen tan sintinsiaan mo ray aripen mo. Dusam pay toon nankasalanan onung na kanepegan to, tan ibolus moy anggapoy kasalanan.

2 Saray Awaran 30:9

No ompawil kayo ed Katawan, saray kakanayon to et kasian ira na saray anakep ed sikara, tan papawilen da ra. Mapangasi tan maaro so Katawan a Dios yo, kanyan no ompawil kayod sikato, awaten to kayo.”

Nehemias 1:5

“Katawan a Dios na Tawen! Matalonggaring ka tan nepeg kan takotan. Matoor kan mangaro tan susumpalen moy impisipanan mo ed saray mangaarod sika tan mangoonur na saray ganggan mo.

Nehemias 9:32

“O Dios mi, alay talonggaring mo! Makapataktakot tan makapanyarin tuloy! Matoor mon susumpalen so impisipanan mo. Nanlapu lad samay panaon a pinapairap kami na saray ararid Asiria, ontan lay paniirap mi ya anggad natan. Saray arari mi, saray pangulo mi, saray papari tan saray propita mi, saray lalaki mi, tan amin a totoo mi et maniirap ira. Nudnunot mo pa so ontan lan impanirap mi!

Say Libro nen Job 10:14

Babantayan mo ak ta nengnengen mo no mankasalanan ak, pian walay makasengeg na ag mo pamirdonad siak.

Saray Salmo 103:3

Papaandien ton amin iray kasalanan ko tan papaabigen ton amin iray sakit ko.

Saray Salmo 109:14

Nanunotan komun na Katawan iray kasalanay lalaki to, tan ag to pirdonaen iray kasalanay ina to.

Saray Salmo 130:4

Balet pipirdonaen mo kami, kanyan nepeg mi kan igalang.

Saray Salmo 136:10

Pinatey to ray lalakin pangulowan ya anak na saray Egipsio; andi-anggaan so panangaro to.

Saray Salmo 136:15

balet impalner toy ari na Egipto tan saray sondalo to; andi-anggaan so panangaro to.

Saray Salmo 25:11

Sumpal mo pay sipan mo, Katawan, tan pirdonam pa ray kasalanan ko, ta amayamay la ra.

Saray Salmo 86:15

Balet sika, Katawan, mapangasi tan maaro kan Dios, maanos ka, maabagey tan matoor ka lawas.

Saray Salmo 99:8

O Katawan a Dios mi inebatan mo ray totoom; impanengneng mod sikara a Dios kan manamirdona, anggaman a dinusam ira lapud saray kasalanan da.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Exodo 23:7

Ag kayo mantitila ed pandalem yo, tan ag yo papateyen so toon matonung tan anggapoy kasalanan, ta ag ko ipasen a matonung so toon manggawa na ontan a kaogsan.

Exodo 33:19

Inmebat so Katawan, “Ipadalan kod arap mo so amin a kaabigan ko tan ibawag koy ngaran ko a Yahweh. Aroen tan kasian ko ray pilien ko.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Isaias 45:21

Dago kayo tan iparontal yod korti so dalem yo; mampapanonan komun iray nidalem. Siopay abayag lan angipasakbay ed agawa? Aliwa tan siak, say Katawan, say Dios so mangilalaban ed saray totoo to? Anggapo lay arum a Dios likud ed siak.

Jeremias 30:11

Laen ta kayon iyagel. Deralen kon amin iray bansan angikayatan kod sikayo, balet ag ta kayo deralen. Ag ko abuloyan ya ag kayo nadusa; balet no dusaen ta kayo, gawaen ko onung ed katonungan. Siak, say Katawan, so nansalita.”

Jeremias 32:18

Impanengneng moy ag mangoman a panangarom ed saray nilibon totoo, balet dudusaen mo met iray totoo lapud saray kasalanan da ray atateng da. Matalonggaring tan makapanyari kan Dios; Yahweh a Makapanyarin-amin so ngaran mo.

Jeremias 9:24

No walay labay toy mampasirayew, nepeg ya ipasirayew to ya amta to ak tan natalusan to ak, ta ag mangoman so panangarok, tan gagawaen ko so katonungan tan kaptekan ed intiron mundo. Sikara yay bengatlan panliketan ko. Siak, say Katawan, so nansalita.”

Daniel 9:4

Nampikasi ak ed Katawan a Dios ko tan impatwak iray kasalanan na saray totook. Inkuanko, “Katawan a Dios, matalonggaring ka tan gagalangen mi ka. Matoor ka ed impisipanan mo tan ipapanengneng mo lawas so ag mangoman a panangarom ed saray mangaarod sika tan manusumpal na saray ganggan mo.

Daniel 9:9

Mapangasi tan manamirdona ka, anggaman a sinmumpa kamid sika.

Mikias 6:11

Panoy pakapirdonak ed saray totoon mangikakanay masaol a simbangan tan sukatan?

Mikias 7:18

Anggapoy dios a singa sika, O Katawan; pipirdonaen moy kasalanan da ray totoom ya apaliisan day patey. Ag ka mampasnuk ya ando lan ando, no ag ta panliketan mon ipanengneng so ag mangoman a panangarom.

Nahum 1:6

No mamapasnuk so Katawan, siopay makapaliis ed patey? Siopay makatepel na ontan lan sanuk to? Iibung toy manliub a pasnuk to; diad arap to nakukusbo tan ondadabuk iray baton-dampay.

Mateo 12:31

Kanyan kuankod sikayo: napirdonay amin a kasalanan na too tan amin a maoges a lalabiren to balet ag balut napirdona so toon manlabir na bengatlan sumpad Ispiritu Santo.

Mateo 6:12

Pirdonam pa iray kasalanan mi, a singa pamipirdona mid saray nankasalanan ed sikami.

Lucas 7:42

Anggapod sikaran duay makabayar, kanyan pinirdona to la ray utang da. Siopa natan ed sikaran duay lalon baleg so pangaro tod samay managpabayes?”

Lucas 7:48

Insan kuanen Jesus ed samay bii, “Apirdona la ray kasalanan mo.”

Saray Gawgawa 13:38

Nepeg yon kabaten, agagik ira, a nipupulong ed sikayoy pakapirdonay kasalanan, diad panamegley nen Jesus.

Saray Gawgawa 5:31

Intanduroy Dios ed nikawanan to tan ginawa ton Pangulo tan Manangilaban a mangiter ed saray totood Israel na pankanawnawa ran mampatauli tan mangibeneg ed saray kasalanan da, pian napirdona ra.

TAGA-EFESO 1:7

Arondon itayo la diad panamegley na dala nen Cristo tan diad ontan, apirdona la ray kasalanan tayo. Agaylay kabaleg na panangaroy Dios,

TAGA-EFESO 4:32

Ingen, mankakasiyan tan manaarowan kayo tan mampipirdonaan kayo, a singa impamirdonay Dios ed sikayo diad panamegley nen Cristo.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.

Deuteronomio 7:10

balet andi-saew a dusaen to ray mamosul ed sikato.

Deuteronomio 7:9

Ag yo lilingwanan a say Katawan a Dios yo et bukor toy Dios tan sikatoy matoor. Tooren toy impisipanan to tan ag mangoman so panangaro tod saray nilibon kailalakan na saray mangarod sikato tan saray matoluk ed saray ganggan to,

Saray Hebreo 12:29

ta say Dios tayo et manangoput ya apoy.

Josue 24:19

Inkuanen Josue ed saray totoo, “Balet ompan ag yo nayarian a panlingkuran so Katawan? Sikato so masanto a Dios tan ag to pirdonaen iray kasalanan yo. Maimon a Dios

1 Juan 1:9

Balet no ipatwa tayod Dios iray kasalanan tayo, pirdonaen to ray kasalanan tayo tan gawaen to itayon malinis diad pangekal to ray amin a kaogsan ed bilay tayo, lapud sikato et matoor tan matonung.

Puyan 20:15

Nibantak ed dayat ya apoy so siopaman ya ag nisulat so ngaran tod libro na bilay.

Puyan 21:8

Balet saray matakot, saray aliwan mananisia, saray marotak so panagbilay da, saray managpatey na too, saray managkasalanan na inmoralidad, saray managanito, saray manangigalang ed saray talintaoy diriyos, tan amin iray matitila—nibantak ira yan amin ed samay dayat a manliub ya apoy tan asupri, a sikatoy kumadwan patey.”