Exodo 34:29 - Maung A Balita Biblia

²⁹ Nen inmakseb a nanlapud Palandey na Sinai si Moises a sankaawit to ray Samploran Ganggan, sinminag so lupa to lapud akisalita ed Katawan; balet ag to ya amta.

Maung a Balita Biblia

²⁹ Nen inmakseb a nanlapud Palandey na Sinai si Moises a sankaawit to ray Samploran Ganggan, sinminag so lupa to lapud akisalita ed Katawan; balet ag to ya amta.

Exodo 34:29 Iomraidhean Croise

Exodo 16:15

Nen anengneng ira na saray Israelita, ag da amta no anto ra man kanyan nantetepetan ira, “Anto ya?” Si Moises kuantod sikara, “Sikato yay kanen yo ya inter na Katawan.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Exodo 32:15

Inmakseb ed alusadsar na palandey si Moises tan sankaawit to ra may duaran tapyak a baton nantopag ya akaitatakan na saray ganggan.

Exodo 34:35

nanengneng na saray Israelita a masnag so lupa to. Insan to sakbungan so lupa to ya anggad iyakar ton pitongtong lamet ed Katawan.

Ecclesiastes 8:1

Say toon makabat labat so makaamta na tuan kabaliksan na saray bengatla. Say kakabatan so mamaimis ed makabat a too, tan mamaligsad lupa to.

Mateo 17:2

Nen wadman ira naimatunan da a naoman so nengneng nen Jesus: sinminag a singa agew so lupa to tan pinmotin singa liwawa so kawes to.

Marcos 14:40

Pinawil to lamet iray disipulo to tan asabian to ran akaogip, ta mapalaloy pakakaogip da. Ag da amtay iyebat dad sikato.

Marcos 9:6

Lapud baleg a takot da ra may taloran disipulo, ag amta nen Pedro so ibabaga to.

Lucas 2:49

Inmebat ed sikara, “Akin et inanap yo ak sirin a? Ag yo ta amtan nakaukolan a wala ak ed abung na Amak?”

Lucas 9:29

Nen mampipikasi, naoman so nengneng na lupa to. Pinmotipotin mankidyam so kawes to.

Juan 5:13

Balet ag kabat na samay toon apaabig no siopa, lapud karakel na tood saman a pasen, tan si Jesus et inmarawi la.

Saray Gawgawa 12:9

Akilay Pedro sirin ed samay anghil, tan pinmaway iran dua. Balet ag amta nen Pedro no tuay gagawaen to may anghil, ta abaloan ton makakanengneng na sakey a payawar.

Saray Gawgawa 23:5

Inmebat si Pablo, “Ag ko amta, agagi, a sikato et Pangulon Pari manaya. Ta ibabagay Masanton Sulat, ‘Ag ka mansasalitay maoges sumpad manoley ed saray totoom!’”

Saray Gawgawa 6:15

Amin ya akayorung ed Sanidrin ninengneng dan maung si Esteban, et anengneng dan singa lupay anghil so lupa to.

2 CORINTO 3:13

Aliwa tayon singa si Moises a nansakbung na lupa to, pian ag nanengneng na saray Israelita so ikupas tan iyandipat na karlangay lupa to.

Deuteronomio 10:5

insan inmakseb ak nanlapud palandey. Insan onung na ingganggan na Katawan, inkargak ira ed samay Kaban a ginawak, et wadman ni ra ya anggad natan.” (

Josue 2:4

“Wala ran tuay lalakin linma diad abung ko,” ebat nen Rahab, “balet ag ko amta no taga ra iner. Tinmaynan la ra kasakbayan a nikaput so puirtay siudad nen kapansironget. Ag ko amtay nila ra, balet no osilan yo la ran tampol, naabut yo ni ra.” (Si Rahab et pinaonla tod atep na abung ira may duaran ispia tan pinaamut to rad dalem na saray imbobontun tod man a pokepokel na tanaman.)

Josue 8:14

Nen anengneng na ari na Ai ira may totoo nen Josue, nangganat a mibakal. Sikato tan amin da ray totoo to pinmaway iran amaarap ed Patar na Jordan ta mibakal irad saray Israelita diad pasen ya akibakalan da la nen inmona. Balet ag to amta a magano lan nadogpaan ed bandad beneg.

Puyan 1:16

Sankabembenan toy pitoran bitewen ed kawanan a lima to, tan ompapaway ed sangi toy sakey a matdem ya ispadan nantopag so tarem. Say lupa to singa liwaway agew ed kaptangan.

Puyan 10:1

Kasumpal to ya, anengneng ko niy sananey a makapanyarin anghil ya onaabeban nanlapud tawen. Akakawes na lorem, tan walay bonlalakaw ed tagey na olo to. Singa agew so lupa to, tan saray bikking to singa ra ankakabaleg a lusek ya apoy.

Saray Huis 16:20

Insan inmeyag, “Samson! Nitan la ray Filisteo!” Binmangon tan ninunot to, “Makaokpus ak tan nabolus ak a singa gendat.” Ag to amta a tinaynan la na Katawan.