Exodo 34:20 - Maung A Balita Biblia

²⁰ balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. “Balang toon ondagod siak nepeg a walay awit ton bagat.

Maung a Balita Biblia

²⁰ balet nepeg yon dondonen so balang besag ya asno diad pangibagat yo na sakey a kordiro a mangalay pasen to. No ag yo dondonen, poter yoy beklew to. Dondon yo so balang pangulowan a laki. Balang toon ondagod siak nepeg a walay awit ton bagat.

Exodo 34:20 Iomraidhean Croise

2 Samuel 24:24

Balet inmebat so ari, “Andi, bayaran kod sika. Ag ak mangisaklang ed Katawan kon Dios na saray bagat ya ag ko binayaran.” Kanyan say ari sinaliw to na limamplon pilak a kuarta imay pasen a panagilikan tan saramay baka.

Exodo 13:10

Silibraan yo yan pista diad niganan panaon ed kapag taon.

Exodo 13:12

nepeg yon isaklang ed Katawan so balang pangulowan ya anak yon laki. Kayaryan na Katawan ya amin iray kalakyan a besag ya anak na ayayep yo,

Exodo 13:13

balet nepeg yon dondonen ed sikato so balang besag a kalakyan ya anak na asno diad pangibagat yo na sakey a kordiro. No ag yo dondonen so asno, poter yoy beklew to. Nepeg yon dondonen so balang pangulowan a lakin anak yo.

Exodo 13:15

Nen anawet so puso na ari na Egipto tan ag to kami pataynanen, say Katawan pinatey toy amin a lakin pangulowan ya anak ed dalin na Egipto, tan amin a besag a kalakyan ya anak na ayayep. Sikato yay makasengeg no akin et ibabagat mid Katawan so balang kalakyan a besag ya anak na ayep tan dodondonen mi ray pangulowan a lakin anak mi.

Exodo 22:29

“Iter yod siak, no nasabi lay nigetar a panaon, iray bagat yon trigo, alak, tan saray larak na oliba. “Iter yod siak iray pangulowan ya anak yon lalaki.

Exodo 23:15

Diad bulan na Abib, say bulan ya intaynan yod Egipto, silibraan yo so Pista na Tinapay ya Anggapoy Libadura onung na ingganggan kod sikayo. Ag kayo mamangan na tinapay a pinaalsa ed libadura legan na pitoran agew na sayan pista. Ag kayo ondadagon mangigalang ed siak ya anggapoy awit yon bagat.

Saray Bilang 18:15

“Amin a pangulowan ya anak odino besag na ayep ya isaklang ed siak na saray Israelita et kayaryan yo ra. Balet nepeg mon awaten so kuartan panondon dad balang pangulowan ya anak tan nepeg mo met ya awaten so panondon dad balang besag ya ayep ya aliwan malinis onung ed ganggan.

Deuteronomio 16:16

“Amin da ray lalakin totood bansa yo et nepeg ya onla ran mamitlod sakey taon ed samay pasen a panangigalangan ta igalang day Katawan: no Paskua, no Pista na Panagani, tan no Pista na saray Abung-abung. Balang sakey a laki et nepeg a mangawit na nayarian ton iter a rigalo