Exodo 34:11 - Maung A Balita Biblia

¹¹ Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Maung a Balita Biblia

¹¹ Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Exodo 34:11 Iomraidhean Croise

1 Saray Awaran 1:14

Si Canaan so sengeg na saray Jebuseo, Amorreo, Gergeseo,

Nehemias 13:23

Diad saman met a panaon akabatan ko a dakerakel iray Judion lalaki ya angaasawa na saray bibiin taga Asdod, Ammon, tan Moab.

Exodo 23:28

Gawaen kon mangamanga ray kalaban yo; pagiten ko ray Heveo, saray Cananeo, tan saray Heteo legan na pankukurang yo.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 33:2

Ibakik a mangiwanwan ed sikayo so sakey ya anghil, tan pagiten ko ray Cananeo, saray Amorreo, saray Heteo, saray Pereseo, saray Heveo, tan saray Jebuseo.

Exodo 8:27

Nakaukolan miy manakar na taloy agew diad iyakar mid kalawakan tan diman kami mangibagat ed Katawan a Dios mi, onung na ingganggan tod sikami.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Juan 14:21

“Say mangawat na saray ganggan ko tan onuren to ra, sikato so mangarod siak. Aroen na Amak so toon mangarod siak; sikatoy aroen ko met tan ipaamtak so inkasiak ed sikato.”

Deuteronomio 12:28

Pampelengan yon onuren iray amin ya ingganggan kod sikayo, et anggad angga a maung lawas so kipapasen yo, sikayo tan saray kabyangay boleg yo, lapud matonung tan makapaliket ed Katawan a Dios yo so gawaen yo.

Deuteronomio 12:32

“Onur yo ray amin ya ingganggan kod sikayo; ag yo ra pasosolukan odino babawasan.

Deuteronomio 28:1

“No onuren yo so Katawan a Dios tan matoor yon sumpalen iray ganggan to ya iiter kod sikayo natad sayan agew, pagmaliwen to kayon matalonggaring nen saray arum a bansa ed tapew na dalin.

Deuteronomio 33:27

Say andi-anggaan a Dios so lawas manangyagel yo; saray magnayon a taklay to so sakorung yo. Pinataynan to ray kalaban yo legan yon mankukurang, tan imbaga tod sikayon deralen yo ran amin.

Deuteronomio 4:40

Onur yo ray amin a ganggan to ya inter kod sikayo natan, et maung ya amin so pansumpalan yo tan saray kabyangay boleg yo. Mansiansia kayon manayam ed dalin ya iter ed sikayo na Katawan a Dios yo tan kayaryan yo ed anggad angga.”

Deuteronomio 5:32

“Sikayo ran totood Israel pampelengan yon sumpalen iray amin ya ingganggan na Katawan a Dios yo. Ag yo susumlangen so anggan dinan a ganggan to.

Deuteronomio 6:25

Makaliket ed sikatayo so Dios, no matoor tayon onuren iray amin ya ingganggan tod sikatayo.’

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Deuteronomio 7:19

Nunot yo ra may makapataktakot a salot ya anengneng na dilin mata yo, saramay milagro tan pakelaw, tan samay baleg a pakayari tan biskeg na Katawan a Dios yo ya impangibolus tod sikayo. Pateyen to ra yay totoon tatakotan yo natan a singa impamatey tod saray Egipsio.

Josue 23:5

Say Katawan a Dios yo et pabatiken to ra legan yon lolooban iray dalin da. Nakayaryan yoy dalin da onung na insipan ed sikayo na Katawan a Dios yo.