Exodo 33:9 - Maung A Balita Biblia

⁹ No akaloob lay Moises ed Tulda, onleksab imay lusek a lorem, tan manayam ed lolooban na Tulda, insan say Katawan mitongtong ed kinen Moises manlapud samay lorem.

Maung a Balita Biblia

⁹ No akaloob lay Moises ed Tulda, onleksab imay lusek a lorem, tan manayam ed lolooban na Tulda, insan say Katawan mitongtong ed kinen Moises manlapud samay lorem.

Exodo 33:9 Iomraidhean Croise

Genesis 17:22

Tinmaynan lay Dios nen asumpal ya akisalita ed kinen Abraham.

Genesis 18:33

Kasumpal na Katawan ya akisalitad kinen Abraham, linma la tan sinmempet met lay Abraham.

Saray Salmo 99:7

Manlapud lusek a lorem, akisalitad sikara; inonur da ray ganggan tan saray bangat ya inter tod sikara.

Exodo 25:22

Banaen ta kad man tan diad tagey na sakub, diad nampegleyan na duaran kirubin, iter kod sika ray amin a ganggan kod saray Israelita.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Exodo 33:10

No anengneng la na saray totoo so lusek a lorem dimad lolooban na samay Tulda, ondakmomo ran mangigalang ed Katawan.

Exodo 33:11

Say Katawan misalita sirin a lupa-lupaan ed kinen Moises, a singa pisalita na sakey a too ed kaaro to. Insan si Moises ompawil ed kampo. Balet say katulong ton tobun-balon laki a si Josue ya anak nen Nun et manayam ed dalem na Tulda.

Exodo 33:8

Kapag si Moises et ompaway ya onlad man ed Tulda, saray totoo manalagey ira ed lolooban na katuldaan da tan bantagen day Moises ya anggad ag to iloob ed Tulda.

Exodo 34:3

Anggapoy nepeg a milad sika; anggapoy toon nepeg a nanengneng ed anggan iner a pasen na palandey; nepeg met ya anggapo so karniro odino baka a mankabkab ed alusadsar na palandey.”

Exodo 34:5

Say Katawan inmakseb diad panamegley na sakey a lorem, nanalagey diman a kaiba toy Moises, tan imbawag toy ngaran to a Yahweh.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Ezekiel 3:22

Aliknak so pakayari na Katawan tan nadngel kon kuantod siak, “Alagey ka tan lakad patar. Mitongtong ak ed sikad man.”

Saray Bilang 11:17

Onakseb ak tan mitongtong ak ed sikad man, insan mangala ak ed ispiritun inter kod sika tan iter kod sikara. Diad satan natulongan da kan mangasikaso ed sarayan totoo, et ag mo la bukor so mangasikaso.

Saray Bilang 7:89

Nen linmoob ed Tulda si Moises ta mitongtong ed Katawan, nadngel toy Katawan a misasalitad sikato manlapud tagey na sakub na Kaban na Sipanan, diad nanleetan na duaran kirubin.

Deuteronomio 31:14

Insan say Katawan kuantod kinen Moises, “Antiktikey lay pambilay mo. Tawag moy Josue ta itagar mod mad Tulda pian nabilin ko.” Linma sirin ed Tulda si Moises tan si Josue,

Deuteronomio 31:15

et pinmanengneng ed sikarad man so Katawan ed sakey a lusek na lorem a nanalagey ed abay na puirtay Tulda.