Exodo 33:7 - Maung A Balita Biblia

⁷ Kapag ilira na saray Israelita so kampo, si Moises alaen to may masanton Tulda tan ipaalagey to ed paway na kampo diad arawdawiy daiset. Tinawag to na Tuldan Ayamay Katawan, tan siopamay toon labay toy mangipanon ed Katawan, ompaway ya onlad Tulda.

Maung a Balita Biblia

⁷ Kapag ilira na saray Israelita so kampo, si Moises alaen to may masanton Tulda tan ipaalagey to ed paway na kampo diad arawdawiy daiset. Tinawag to na Tuldan Ayamay Katawan, tan siopamay toon labay toy mangipanon ed Katawan, ompaway ya onlad Tulda.

Exodo 33:7 Iomraidhean Croise

2 Samuel 21:1

Legan na impanoley nen David, walay eras a taloy taon. Impanon ya nen David ed Katawan, et say Katawan kuanto, “Nankasalanan si Saul tan say pamilya to lapud impamatey dad saray taga Gabaon.” (

Saray Salmo 10:1

Katawan, akin et arawdawi ka? Akin et onaamut ka no nagugunigon kami?

Saray Salmo 27:8

Nen kuanmo, “Dago kayod siak,” inmebat ak, “Ondago ak ed sika, Katawan.”

Saray Salmo 35:22

Balet sika, Katawan, anengneng mo yan agawa. Kanyan ag ka komun marereen labat, O Katawan; ag mo ak pa aarawian!

Exodo 18:12

Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.

Exodo 18:7

kanyan pinmaway si Moises tan inabet to, dinmakmomod arap to, insan to inanguban. Nantepetan ira no antoy kipapasen na bilay na balang sakey ed sikaran dua, insan linmoob ed tulda nen Moises si Jetro.

Exodo 33:6

Kanyan nen tinaynan na saray Israelita so Palandey na Sinai, ag la ra nankanay alahas.

Exodo 33:8

Kapag si Moises et ompaway ya onlad man ed Tulda, saray totoo manalagey ira ed lolooban na katuldaan da tan bantagen day Moises ya anggad ag to iloob ed Tulda.

Probirbio 15:29

No mampikasi ray maung a totoo, ondengel so Katawan, balet ag to aasikasoen iray totoon maoges.

Isaias 59:2

Saray kasalanan yo so makasengeg na ag to idengel ed sikayo. Saray kasalanan yo so mamapasian ed sikayo ed Dios no mangigalang kayod sikato.

Oseas 9:12

Et anggaman a mamabaleg ira na saray anak, alaen ko ra ya anggad anggapoy natilak. No ikaindan ko ra yan totoo, makapasinagem iray nagawad sikara.”

Deuteronomio 4:29

Diman yo anapen so Katawan a Dios yo et no ipuspuso yon anapen, narumog yo.

Saray Hebreo 8:2

Manlilingkur a Pangulon Pari ed Sankasantosan a Pasen, a salanti diad tuan tulda ya impaalagey na Katawan, aliwan say too.