Exodo 33:3 - Maung A Balita Biblia

³ Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.”

Maung a Balita Biblia

³ Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.

Exodo 33:3 Iomraidhean Croise

2 Saray Arari 17:14

Balet ag ira tinmoluk; anawet so olo ra, a singa saray lalaki ran ag nanmatalek ed Katawan a Dios da.

Saray Salmo 78:8

Ag ira magmaliw a singa saray lalaki ra a matonganga tan bangar iran totoo; aliwan malet so panagmatalek dad Dios, tan ag ira nansiansian matoor ed sikato.

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 3:8

kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 32:14

Lapud saya say Katawan angoman na kanunotan tan ag to la impadalan ed saray totoo to so deral a ginetma to lan gawaen.

Exodo 33:5

Say Katawan kuantod sikara diad panamegley nen Moises, “Anawet so olo yon totoo. No siak so milad sikayo anggan maganon bekta labat, deralen ta kayon sigput. Okpus yo natan iray alahas yo, insan ko nunoten no antoy gawaen kod sikayo.”

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Isaias 48:4

Amtak ya anawet so olom, anaweawet a singa balatyang tan ag napiklon singa gansa.

Jeremias 11:5

Diad ontan sumpalen koy insipan kod saray lalaki ra, ya iter kod sikara so mayaman tan mataban dalin a kayaryan da la natan.” Inkuanko, “Ontan pa komun, Katawan.”

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Jonas 3:10

Anengneng na Dios so ginawa ra; anengneng ton imbebeneg da ray maoges a kagagawa ra. Kanyan angoman na kanunotan, et ag to la intuloy imay imbaga ton panusa tod sikara.

Jonas 3:4

Ginapwan nen Jonas so nanakar ed siudad tan kalabas na sanagew ya impanakar to, imbawag to, “Naderal so Ninive kalabas na apataplon agew manlapud natan!”

Saray Bilang 13:27

Inkuandad kinen Moises, “Ninengneng mi may dalin et arumog mi a mayaman tan mataba; nia ray pigaran bungay kakiewan diman.

Saray Bilang 14:12

Ipadalan kod sikaray salot tan deralen ko ra, balet pagmaliwen ta ka ya ama na sakey a bansa a lalon maawang tan makapanyari nen say sikara!”

Saray Bilang 14:8

No maliket ed sikatayo so Katawan, iyakar to tayod man tan iter tod sikatayo man a mayaman tan mataban dalin.

Saray Bilang 16:13

Ag ka ta ni nakda ed impangipaway mod sikami manlapud mataban dalin na Egipto pian napatey mo kami diad kalawakan? Oleyan mo kami ni?

Saray Bilang 16:21

“Arawian yo ra yan totoo, ta deralen ko ran tampol.”

Saray Bilang 16:45

“Arawian yo ra yan totoo, ta deralen ko ran tampol ed kawalaan da!” Dinmakmomon anggad dalin ira may duara,

Saray Gawgawa 7:51

“Agaylay awet na olo yo! Agaylay ag pangoman na puso yo! Agaylay ag yo idengel ed salitay Dios! Kaparpara yo ray lalaki yo: susumlangen yo met a naynay so Ispiritu Santo!

Deuteronomio 4:24

lapud maimon tan singa manliub ya apoy so Katawan a Dios yo.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.