Exodo 33:14 - Maung A Balita Biblia

¹⁴ Say Katawan kuanto, “Mila ak ed sikayo, tan panaloen ta kayo.”

Maung a Balita Biblia

¹⁴ Say Katawan kuanto, Mila ak ed sikayo, tan panaloen ta kayo.

Exodo 33:14 Iomraidhean Croise

Say Libro nen Job 34:29

No labay na Dios ya anggapon balut so gawaen to, anggapoy makapambalaw ed sikato. No paolyan na Dios so sankamundoan, antoy nagawaan na too?

Saray Salmo 95:11

Diad pasnuk ko, insambak ira, ‘Ag iran balut makaloob ed dalin a pangiteran ko komun ed sikaray inawa.’”

Exodo 13:21

No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 31:2

Kinasian kod kalawakan iray totoon nibatikan day patey. Nen nampilalek na painawa iray totood Israel,

Jeremias 6:16

Inkuan na Katawan ed saray totoo to, “Manalagey kayod nansasangaan na dalan, tan nengneng kayo; tepet yo no iner so kawalaan da ray dagdaan a dalan tan no iner so kawalaay sankamaungan a dalan. Dalan kayod saya, et nagamuran yoy kareenan.” Balet inkuanda, “Ag kami ondalan ed satan!”

Daniel 12:13

“Sika, Daniel, mansiansia kan matoor ya anggad kasamputan. Insan ka ompatey, balet onalagey kan mangawat na tumang mo diad kasamputan na panaon.”

Mateo 11:28

“Dago kayod siak, amin yon nakekesawan ed panaawit yoy ambelat, ta pampainawaen ta kayo.

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Deuteronomio 12:10

No nabaliw yo lay Ilog na Jordan, say Katawan pasakop tod sikayo so dalin tan manayam kayod man. Ag to kayo la pasigen-sigen ed amin a kalaban yo, tan manayam kayod man ya arawid kaatapan.

Deuteronomio 25:19

Ontan sirin, no niiter lad sikayo na Katawan a Dios yo so dalin tan inyarawi to kayo lad kaatapan ya iter na saray kalaban yod kaliber-liber yo, patey yo ray amin a Amalecita, pian anggapo lay makanunot ed sikara. Ag yo ya lilingoanan!

Deuteronomio 3:20

Tulongan yo ray kapara yon Israelita ya anggad nasakop da lay dalin ya iter ed sikara na Katawan diad sagur na Jordan tan anggad napanayam la rad man na Katawan ya anggapo lay manigensigen ed sikara, a singa ginawa to la diad sikayo. Kayari to ya, nayarian yo lay ompawil ed sayan dalin ya impabetang kod sikayo.’

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Deuteronomio 4:37

Lapud inaro to ray lalaki yo, pinili to kayo, tan lapud baleg a pakayari to sikaton diliy angipaway ed sikayo manlapud Egipto.

Josue 1:5

Josue, anggapoy manalod sika legan mon mambilay. Olupen ta ka a singa impangolup kod kinen Moises. Olupen ta ka lawas; ag ta kan balut ikaindan.

Josue 21:44

Say Katawan impanari to so kareenan ed intiron dalin onung na insipan tod saray lalaki ra. Anggapoy anggan sakey ed amin a kalaban da ray Israelita so analod sikara, ta impanalo ra na Katawan.

Josue 22:4

Onung na insipan na Katawan a Dios yo initdan to na kareenan iray kapara yon Israelita. Sempet kayo natan sirin ed dalin a kayaryan yo, say dalin ed bokig na Jordan ya inter ed sikayo nen Moises ya aripen na Katawan.

Josue 23:1

Kalabas na abayag a panaon kasumpal to ya, impanari na Katawan so kareenan ed dalin na Israel. Masikesiken lad saman si Josue,