Exodo 33:12 - Maung A Balita Biblia

¹² Si Moises kuantod Katawan, “Tua ya imbagam ed siak ya ipangulok iray totoo ya onlad saman a dalin, balet ag mo imbagad siak no siopay ibakim a mangibad siak. Imbagam a kabat mo ak tan makaliliket kad siak.

Maung a Balita Biblia

¹² Si Moises kuantod Katawan, Tua ya imbagam ed siak ya ipangulok iray totoo ya onlad saman a dalin, balet ag mo imbagad siak no siopay ibakim a mangibad siak. Imbagam a kabat mo ak tan makaliliket kad siak.

Exodo 33:12 Iomraidhean Croise

Genesis 18:19

Sikatoy pinilik, pian niganggan to ray anak to tan saray kabyangay boleg to ya ontoluk irad siak diad panggawa ray kaptekan tan katonungan. No gawaen da ya, sumpalen koy amin ya insipan kod sikato.”

2 Samuel 15:25

Insan inkuan na ari ed kinen Sadoc, “Ipawil mo lad siudad so Kaban na Sipanan. No maung so linawa na Katawan ed siak, papawilen to ak a nengnengen ko tan say pasen a kawalaan to.

Saray Salmo 1:6

Say Katawan iwawanwan tan iyaagel to so toon matonung, balet nabalang ya anggad angga so toon maoges.

Exodo 3:10

Natan, ibaki ta ka ed ari na Egipto, pian nipaway mod bansa to iray totook ya Israelita.”

Exodo 3:4

Nen anengneng na Katawan a Dios ya onaasingger si Moises, tinmawag ed sikato manlapud pegley na abeban kiew, “Moises, Moises!” “Wadya ak,” ebat nen Moises.

Exodo 32:34

Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Exodo 33:1

Say Katawan kuantod kinen Moises, “Taynan yo yan pasen, sika tan saray totoo ya impaway mod Egipto, ta laka yod dalin a sinambaan kon iter ed kinen Abraham, Isaac, tan Jacob tan diad saray kabyangay boleg da.

Exodo 33:17

Say Katawan kuantod kinen Moises, “Gawaen koy kerew mo, lapud kabkabat ta ka tan makaliliket ak ed sika.”

Exodo 33:2

Ibakik a mangiwanwan ed sikayo so sakey ya anghil, tan pagiten ko ray Cananeo, saray Amorreo, saray Heteo, saray Pereseo, saray Heveo, tan saray Jebuseo.

Exodo 34:9

Inkuantod, “Katawan, no talagan makaliliket kad siak, kerewen kod sikan mila kad sikami. Anawet so olo na sarayan totoo, balet pirdonam pa ray kaogsan tan kasalanan mi, tan awat mo kami a totoom.”

Isaias 43:1

Say Katawan ya amalsad sika, Israel, kuanto, “Ag ka natatakot—iyagel ta ka. Tinawag ta kad ngaran mo—kayaryan ta ka.

Isaias 45:3

Itdan ta ka na saray kayamanan a manlapud saray ambilonget tan maamut a pasen; naamtaan mod satan a siak so Katawan, say Dios na Israel ya anawag ed sika ed ngaran mo.

Jeremias 1:5

“Kasakbayan ta kan initday bilay pinili ta ka la, tan kasakbayay inkianak mo, pinili ta kan magmaliw a propita ed saray bansa.”

Aggeo 2:5

Nen pinmaway kayod Egipto insipan kon siak so kaiba yo lawas. Siak ni so kaiba yo, kanyan ag kayo natatakot.

2 Timoteo 2:19

Balet ag natenyeg so malet a pundasion ya inletneg na Dios; tan amarkaan na onya ran salita: “Kabat na Katawan no siopa ray kayaryan to”; tan, “Nepeg ya onarawid kaogsan so siopaman ya ontawag ed Katawan.”