Exodo 32:8 - Maung A Balita Biblia

⁸ Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Maung a Balita Biblia

⁸ Sinmian la rad dalan ya ingganggan kon tombuken da; nanggawa ray inmoldoran balituk a bakan kalakyan, igagalang da tan pangibabagatan da. Ibabaga ra a sikatoy dios da ya angipaway ed sikara manlapud Egipto.

Exodo 32:8 Iomraidhean Croise

1 Saray Arari 12:28

Kayari to yan dinalepdep, nanggawa na duaran balituk a kilaw na bakan kalakyan, insan inkuantod saray totoo, “Abaybayag lay iyaakar yo lan iyaakar a mangigalang ed Jerusalem. Tondaan yo la. Totood Israel, nia ray diriyos yo ya angipaway ed sikayo ed Egipto!”

Nehemias 9:18

Nanggawa ray talintaon kilaw a baka, insan inkuandan sikatoy dios ya angipaway ed sikarad Egipto. Agaylay impamabaing dad sika, Katawan!

Saray Salmo 106:19

Nanggawa ray balituk a baka diad Sinai, tan inggagalang da man a talintao;

Saray Salmo 78:36

Balet tilan amiy salita ra, tan lastug ya amiy imbaga ra.

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 22:20

“Nepeg a pateyen so siopaman a mangibagat ed anggan anton dios likud ed siak a Katawan.

Exodo 32:4

Inala to ra nen Aaron, tinonaw to ra, inkalbo tod moldora, tan ginawa ton balituk a bakan kalakyan. Saray totoo kuanda, “Israel, sikato ya so dios tayo ya angipaway ed sikatayod Egipto.”

Exodo 34:15

Ag kayo misisipanan ed saray totood bansan laen yo, ta no mangigalang irad diriyos da tan mangibagat irad sikara, bagaan da kayon mibiang ed sikara, et natukso kayod satan a mangan na kakanen ya ibabagat da ed saray diriyos da.

Isaias 46:6

Lolokasan na saray totoo iray supot da insan da ikakalbo ray balituk da; isisimbang da ray pilak ed simbangan. Manguupa ray platiron manggawa na dios; insan da dadakmomoan tan gagalangen so sakey a dios.

Jeremias 31:32

Aliwan singa samay impisipanan kod saray lalaki ra nen intabin ko ran impaway ed Egipto. Aliwa ran matoor ed saman a sipanan, anggaman ya alimbawak so sakey ya asawan laki ed sikara.

Levitico 17:7

Saray Israelita et ag da la nepeg a sumlangen so Katawan diad pamatey dad saray ayayep da ed kaalogan tan ibagat da rad kanding a dimonyo. Saray totood Israel et nepeg dan onuren yan totontonen ya anggan kapigan man a panaon.

Deuteronomio 32:17

Angibagat irad saray aliwan peteg a diriyos, balo diriyos ya ag balut naamtaan na saray lalaki ra, diriyos ya ag balut inonur na saray Israelita.

Deuteronomio 9:12

“Insan say Katawan kuantod siak, ‘Akseb kan tampol, ta saray totoom ya impaway mo manlapud Egipto et nagmaliw iran maoges. Sinumlang da la may ingganggan kod sikara, tan nanggawa ra na para sikara na talintaoy dios.’

Deuteronomio 9:16

Anengneng ko a sinumlang yo la may ingganggan ed sikayo na Katawan a Dios yo, tan nankasalanan kayod sikato diad impanggawa yo na para sikayon dili na sakey a mital a bakan kalakyan a talintaoy dios.

Josue 22:15

Sinmabi ra ed dalin na Galaad, diad saray totoo na tribu di Ruben, Gad, tan say kapalduay Manases.

Saray Huis 2:17

Balet ag da dinengel ira yan pangulo ra. Aliwan matoor iray Israelita ed Katawan tan angigalang ira ed saray arum a diriyos. Inmonur ed saray ganggan na Katawan iray atateng da, balet tinondaan na sayan balon kailalakan so tinmoluk ed Katawan.

Saray Huis 8:24

Balet intuloy ton inkuan, “Wala pay kerewen kon sakey a bengatla ed sikayo. Amin yo, iter yod siak iray ikaw ya inaala yo.” (Singa saray arum a totood kalawakan, akaikaw na balituk iray Madianita.)