Exodo 32:34 - Maung A Balita Biblia

³⁴ Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.”

Maung a Balita Biblia

³⁴ Laka la, ta ipangulom iray totoo ya onla ed pasen ya imbagak a laen yo. Say anghil ko so mangiwanwan ed sikayo, balet onsabiy oras a dusaen ko ra man a totoo lapud kasalanan da.

Exodo 32:34 Iomraidhean Croise

Saray Salmo 99:8

O Katawan a Dios mi inebatan mo ray totoom; impanengneng mod sikara a Dios kan manamirdona, anggaman a dinusam ira lapud saray kasalanan da.

Exodo 15:17

O Katawan, inalam ira tan intanem mo rad palandey mo, say pasen a pinilim a panayaman mo, say Timplom a sikan dili so amaalagey.

Exodo 20:5

Ag ka ondadakmomo odino mangigagalang ed saraya, ta siak, say Katawan a Dios mo, et maimon ak. Dusaen ko ray mamosul ed siak tan saray kabyangay boleg da ya anggad kumatlo tan kumapat a kailalakan.

Exodo 23:20

“Mangibaki ak na sakey ya anghil ya onona nen say sikayo, ta iyagel to kayo legan na pambiahi yo tan iyakar to kayo ed pasen ya imparaan ko.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 33:12

Si Moises kuantod Katawan, “Tua ya imbagam ed siak ya ipangulok iray totoo ya onlad saman a dalin, balet ag mo imbagad siak no siopay ibakim a mangibad siak. Imbagam a kabat mo ak tan makaliliket kad siak.

Exodo 33:2

Ibakik a mangiwanwan ed sikayo so sakey ya anghil, tan pagiten ko ray Cananeo, saray Amorreo, saray Heteo, saray Pereseo, saray Heveo, tan saray Jebuseo.

Isaias 63:9

amin a kairapan da. Aliwan anghil, no ag ta say Katawan, so angilaban ed sikara. Lapud panangaro tan panangasi to dinondon to ra. Nen imbeneg iran panaon inaasikaso to ra lawas,

Jeremias 14:10

Say Katawan kuanto nipaakar ed sarayan totoo, “Inaro ra so ontaynan ed siak tan ag da pokpokan so sikaran dili. Kanyan sirin, ag ak manliket ed sikara. Nunoten ko ray maoges a ginagawa ra tan dusaen ko ra lapud saray kasalanan da.”

Jeremias 23:2

Sikato yay kuan na Katawan a Dios na Israel nipaakar ed saray manoley a sikara komuy angasikasod saray totoo to, “Intaytayak yo ray totook tan pinataynan yo ra; ag yo ra inasikaso. Dusaen ta kayo natan lapud saray maoges a ginagawa yo.

Jeremias 5:29

“Balet siak, say Katawan, dusaen ko ra lapud saraya: ombawi ak ed sayan bansa.

Jeremias 5:9

Ag ko nepeg iran dusaen lapud sarayan amin a gagawaen da? Ag ko nepeg so ombales ed bansa a singa saya?

Oseas 8:13

Mangibabagat irad siak tan kakanen da ray karnin imbagat. Balet siak a Katawan et ag ak makaliliket ed sikara, tan natan nanunotan koy kasalanan da, et dusaen ko rad saya; papawilen ko ra ed Egipto!

Amos 3:14

“Diad agew a dusaen ko ray totood Israel lapud saray kasalanan da, deralen ko ray altar ed Betel. Napoter iray suyok na balang altar tan napelag irad dalin.

Amos 3:2

“Diad amin da ray bansa ed tapew na dalin, sikayo labat so kabat ko tan inasikasok. Sikato yay makasengeg no akin et ambelat iray kasalanan yo, kanyan nepeg a dusaen ta kayo.”

Saray Bilang 20:16

Kanyan kinmerew kami na tulong ed Katawan. Dinengel toy intawag mi, kanyan angibaki na anghil ya angipaway ed sikami manlapud Egipto. Wadya kami natan ed Cades, say baley a miketeg ed nasasakopan mon dalin.

Mateo 23:35

Lapud saya, napelag ed sikayoy dusa na impamatey ed saray totoon matonung, manlapud si Abel ya anggapoy kasalanan to ya anggad impamatey dad kinen Zacarias ya anak nen Barakias. Sikatoy pinatey yo diad nanleetay Timplo tan altar.

Deuteronomio 32:35

Say Katawan ombawi tan dusaen to ra; onsabiy panaon a natumba ra; asingger lay agew na ipatey da.