Exodo 32:22 - Maung A Balita Biblia

²² Inmebat si Aaron, “Ag ka kari mamapasnuk ed siak; amtam a sipaparaan la ran manggaway kaogsan.

Maung a Balita Biblia

²² Inmebat si Aaron, Ag ka kari mamapasnuk ed siak; amtam a sipaparaan la ran manggaway kaogsan.

Exodo 32:22 Iomraidhean Croise

Genesis 44:18

Inmasingger si Juda ed kinen Jose tan inkuanto, “Abuloyan mo ak pan misalitad sika. Ag ka komun mamapasnuk ed siak, O katawan; kaparam lay ari.

Saray Salmo 36:4

Mangiplaplanoy maoges no mandokdokul; anggapoy maung a gagawaen to; ag ton balut ipopolisay so kaogsan.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 15:24

Nanriklamod kinen Moises iray totoo tan tinepet da, “Antoy inomen tayo?”

Exodo 16:20

Balet wala ray pigaran ag dinmengel ed kinen Moises tan angisinup ira. Balet diad kaimbwasan abigis imay insinup da tan binmanget. Et si Moises akapasnuk ed sikara.

Exodo 16:28

Insan say Katawan kuantod kinen Moises, “Kapigan mangangga so isusumlang na saray totoo ed saray ganggan ko?

Exodo 32:1

Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, “Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.”

Exodo 32:21

Inkuantod kinen Aaron, “Antoy ginawa na sarayan totoo ed sika, et impanggawam ira na ontan lan belat na kasalanan?”

Probirbio 4:16

Ag makaogip iray totoon maoges no ag ni ra akapanggaway kaogsan. Ag ira makalirep no anggapo niy apasakitan dan too.

Deuteronomio 31:27

Amtak so ontan lan inkaawet na olo ra tan say inkasumlang da. Legan na impanbilay ko sinumlang day Katawan, tan lalo ni ingen so isumlang da no inatey ak la.

Deuteronomio 9:24

Nanlapu lad samay impikabat kod sikayo, susumlangen yo lay Katawan.

Deuteronomio 9:7

“Ag yon balut lilingwanan imay ginawa yon makasengeg na impanpasnuk na Katawan a Dios yo nen wala kayod kalawakan. Nanlapud samay agew na impanaynan yod Egipto ya anggad sayan agew na impakasabi yo dia, sinusumlang yoy Katawan.

1 Samuel 15:15

Inmebat si Saul, “Inala ra na saray totook ed saray Amalecita. Ag da pinatey iray sankaabigan a karniro tan saray baka, ta isaklang da ran bagat ed Katawan a Dios mo, balet sigput min pinatey iray arum.”

1 Samuel 15:21

Balet saray totook ag da pinatey iray sankaabigan a karniro tan saray baka ya asamsam da; ingen, inyakar da ra diad Gilgal ya ibagat ed Katawan a Dios mo.”

1 Samuel 15:24

“On, nankasalanan ak,” ebat nen Saul, “Ag ko inonur so ganggan na Katawan tan saray bilibilin mo. Antakot ak ed saray totook, kanyan ginawak iray labay da.