Exodo 32:20 - Maung A Balita Biblia

²⁰ Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Maung a Balita Biblia

²⁰ Inala to may bakan ginawa ra, tinonaw to, tinemek ton singa pulbo, inlauk tod danum, insan to impainom ed saray Israelita.

Exodo 32:20 Iomraidhean Croise

1 Saray Arari 15:13

Inekal to si bai ton Maaca ed kipapasen ton riynan ina, ta nanggawa na makapaingungot a talintao na diosan Asera. Binatang nen Asa imay talintao, insan to pinoolan ed Patar na Cedron.

2 Saray Arari 23:15

Inggeba met nen Josias so pasen a panangigalangan diad Betel a ginawa na lakin anak nen Nebat a si Ari Jeroboam a nilagyat ton nankasalanan so Israel. Inggeba nen Josias imay altar, minekmek to ray bato to ya anggad dinmabuk ira; pinoolan to met so masanton tiken a nisaklang ed diosan Asera.

2 Saray Arari 23:6

Inekal tod Timplo so masanton tiken a nisaklang ed Asera, impaway tod siudad tan inyakar tod Patar na Cedron, pinoolan to, minekmek to ya anggad nagmaliw a dapul, insan to impokopuk ed kamposantoy karaklan.

2 Saray Awaran 34:4

Diad panangiwanwan to dinederal na saray totoo to iray altar a panangigalangan ed kinen Baal, inggegeba da ray kaabay dan altar a panagpoolan na insinso. Minemekmek da ya anggad dinmabuk iray talintao nen Asera tan saray arum a talintaoy diriyos, insan intatayak day dabuk ed saray lobuk da ray totoon nambabagat ed sarayan diriyos.

Exodo 32:21

Inkuantod kinen Aaron, “Antoy ginawa na sarayan totoo ed sika, et impanggawam ira na ontan lan belat na kasalanan?”

Probirbio 1:31

Lapud saya, anien yoy bungay ginawa yo, tan deryaen kayo lamlamang na dilin kagagawa yo.

Probirbio 14:14

Saray totoon maoges anien day bayar na kaogsan da. Saray totoon matonung natumangan ira, lapud saray gawgawa ra.

Deuteronomio 7:25

Poolan yo ray talintaoy diriyos da. Ag yo pampipilalekan a nakayaryan yo ray balituk odino pilak ya akasolung ed sikara. Ag yo ra aalaen a para sikayo. No alaen yo ran para sikayo, magmaliw iran patit ed sikayo, lapud kabosul na Katawan so pangigalang ed talintaoy dios.

Deuteronomio 7:5

Kanyan sirin, igeba yo ray altar da, deral yo ray masanton baton lusek da, batang yo ray tanda na diosa ran Asera, tan poolan yo ray talintaoy diriyos da.

Deuteronomio 9:21

Inalak imay makapakasalanan a talintaon ginawa yo—samay mital a bakan kalakyan—tan imbontuk kod apoy. Insan ko tinemektemek ya anggad dinmabuk, tan imbantak ko may dabuk ed kolus ya onaagos ed leksab na palandey.