Exodo 32:17 - Maung A Balita Biblia

¹⁷ Nadngel nen Josue a maneeyag iray totoo tan kuantod kinen Moises, “Narerengel koy eyag na bakal ed kampo.”

Maung a Balita Biblia

¹⁷ Nadngel nen Josue a maneeyag iray totoo tan kuantod kinen Moises, Narerengel koy eyag na bakal ed kampo.

Exodo 32:17 Iomraidhean Croise

1 Saray Awaran 7:27

Nun, tan Josue.

Say Libro nen Job 39:25

Omponges ira kapag napaknul so trumpita; nasisingob day bakal anggan arawi ni ra, tan narerengel da ray ganggan na saray sondalon opisyal.

Saray Salmo 47:1

Mantipak kayod liket, amin yon katoowan! Idayew yoy Dios diad panamegley na maksil iran kanta!

Exodo 17:9

Si Moises kuantod kinen Josue, “Mamili ka na saray lalaki, ta onla ran mibakal nabwas ed saray Amalecita. Manalagey ak ed tapew na pokdul a sankabembenan koy baston ya impaawit ed siak na Dios.”

Exodo 24:13

Namparaan si Moises tan si Josue a katulong to; si Moises ginapwan toy kinmalab ed masanton palandey.

Exodo 32:16

Say Dios a dili so nanggawa ed saramay tapyak a bato tan intatak tod saraya iray ganggan.

Exodo 32:18

Si Moises kuanto, “Aliwan eyag na impanalo so narerengel ko, odino akis na inkatalo; sakey a tanul na panagkanta.”

Exodo 32:6

Diad kabkabwasan angyakar ira na pigaran ayep ya isaklang dan bagat a popoolan tan bagat a para kareenan. Nandorongon nampista iray totoo, tan say pista et agawa ya inoman tan liketan na laman.

Jeremias 51:14

Say Katawan a Makapanyarin-amin et sinambaan tod sikaton dili a mangyakar na amayamay a lalakin ondogpa ed Babilonia a singa ra dakerakel a dorun, tan iyeyag day panalo ra.

Amos 1:14

Lapud saya mangyakar ak na apoy ed saray padir na siudad na Raba tan poolan ko ray tirinsira to. Wala ray eyagan ed satan no agew na bakal, tan manalimbusabos so panlalaban.

Amos 2:2

Lapud saya mangyakar ak na apoy ed tapew na dalin na Moab tan poolan ko ray tirinsira na Keriot. Ompatey ed eyag na bakal iray totoon taga Moab legan a maneeyagan iray sondalo tan napapaknul iray trumpita.

Josue 6:10

Balet ingganggan nen Josue iray totoo to ya ag ira oneeyag o mangibabalikas na anggan sakey a salita ya anggad gangganen to ra.

Josue 6:16

Diad kumapiton liber da, nen kuan lan paknulen na saramay papari iray trumpita, ingganggan nen Josue iray totoo to ya oneyag ira, tan kuanto, “Inter lad sikayo na Katawan so siudad!

Josue 6:20

Kanyan pinaknul na saray papari iray trumpita. Kadngel ed saya na saray totoo, inmeyaeyag ira, et ageba ray padir. Insan amin a sondalo kinmalab irad siudad, et adakep da.

Josue 6:5

Insan mamaknul ira na sakey a maksil a tunon andokorokey. Kadngel yod satan a tanul, oneyag na makmaksil iray amin a totoo, et nageba ray padir na siudad. Insan onkalab ed siudad iray amin a sondalo.”

Saray Huis 15:14

Kasabiy tod Lehi, mambabtik a dinmagod sikato iray Filisteo tan ineeyagan da. Kabebekta pinabiskeg na ispiritu na Katawan, et pinopoltut ton singa apoolan a tinebey ira may lobir ya akabalur ed saray taklay to.

1 Samuel 17:20

Diad kaimbuas, asaksakbay a binmangon si David, impaasikaso tod sananey a too iray karniro, inala to may kakanen, tan linma la, onung na imbaga nen Jesse ed sikato. Nen sinmabid kampo, duga-rugan mandarasig lan mibakal iray Israelita tan maneeyag-eyag ira.

1 Samuel 17:52

Inoosilan ira na saray totoo ed Israel tan Juda; naneeyag ira tan inoosilan da ra ya anggad Gat tan saray puirta ed Ecron. Saray Filisteo kibalatar iran sugatan ed dalan a mamaarap ed Saaraim ya anggad Gat tan Ecron.