Exodo 32:16 - Maung A Balita Biblia

¹⁶ Say Dios a dili so nanggawa ed saramay tapyak a bato tan intatak tod saraya iray ganggan.

Maung a Balita Biblia

¹⁶ Say Dios a dili so nanggawa ed saramay tapyak a bato tan intatak tod saraya iray ganggan.

Exodo 32:16 Iomraidhean Croise

Say Libro nen Job 19:24

Odino nitatak komun ed baton-dampay ira yay salitak, pian mansiansia ra ed ando lan ando.

Exodo 31:18

Nen asumpal na Dios so akisalita ed kinen Moises diad tagey na Palandey na Sinai, inter tod kinen Moises so duaran tapyak a bato ya angitatakan na dilin Dios na saray ganggan.

Exodo 32:15

Inmakseb ed alusadsar na palandey si Moises tan sankaawit to ra may duaran tapyak a baton nantopag ya akaitatakan na saray ganggan.

Exodo 32:17

Nadngel nen Josue a maneeyag iray totoo tan kuantod kinen Moises, “Narerengel koy eyag na bakal ed kampo.”

Exodo 34:1

Say Katawan kuantod kinen Moises, “Manabas ka na duaran tapyak a bato a singa saramay inmona, ta itatak kod sikara iray salitan nitatak ed saramay inmonan duaran tapyak a bato ya imbetag mo.

Exodo 34:4

Kanyan si Moises anabas na duaran tapyak a bato, tan diad kabkabwasan na ontombuk ya agew inawit to rad tagey na Palandey na Sinai, onung na ingganggan na Katawan.

2 CORINTO 3:3

Malinew a sikayo so sulat nen Cristo ya impawit ed panamegley mi. Aliwan tinta so impangisulat ed saya, no ag ingen say Ispiritu na mabilay a Dios; tan aliwan diad tapew na baton tapyak so angisulatan, no ag ingen diad pusoy katoowan.

2 CORINTO 3:7

Nen niiter so Ganggan a nikorit ed tapyak a bato, katekep a nipatnag so kagalangay Dios. Lapud makalaram a maung so lupa nen Moises, nasisileng iray Israelita no onnengneng irad sikato, anggaman a kinmupas lamlamang. No say panaglingkur onung ed Ganggan a patey so inter to et sinmabin katekep toy marlang a kagalangan,

Deuteronomio 10:1

“Insan say Katawan kuantod siak, ‘Manabas ka na duaran tapyak a bato a singa saramay inmona tan manggawa ka na kiew a Kaban a panginan ed sikara. Laen mo ak dimad tagey na palandey,

Deuteronomio 9:15

“Kanyan inmakseb ak a nanlapud palandey a sankaawit ko ra may duaran tapyak a baton akaitatakan na sipanan. Diad saman manliub ya apoy so manlalapud palandey.

Saray Hebreo 8:10

Sikato yay pisipanan ko ed saray totood Israel diad saray agew ya onsabi, kuay Katawan: Iseksek kod kanunotan da ray ganggan ko tan isulat kod kapusoan ra. Siak so magmaliw a Dios da, tan sikara so totook.