Exodo 32:13 - Maung A Balita Biblia

¹³ Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.”

Maung a Balita Biblia

¹³ Nunot mo pa ra di aripen mon Abraham, Isaac, tan Jacob. Nunot mo pa a sinambaan mo ya itdan iray amayamay a kabyangay boleg a singa karakel na bibitewen ed tawen, tan iter mod saray kabyangay boleg da so intiron dalin ya insipan mon kayaryanen da ed ando lan ando.

Exodo 32:13 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Genesis 12:7

Pinmanengneng so Katawan ed kinen Abram tan inkuantod sikato, “Sikato yay bansa ya iter kod saray kabyangay boleg mo.” Nanggawad may Abram na altar a para Katawan a pinmanengneng ed sikato.

Genesis 15:18

Diad saman ya agew, akisipanan so Dios ed kinen Abram. Inkuanto, “Isipan kon iter ed saray kabyangay boleg mo yan dalin, manlapud ketegan na Egipto ya anggad Ilog na Eufrates,

Genesis 15:5

Say Katawan pinapaway to tan inkuanto, “Nengneng moy tawen tan salim a bilangen iray bitewen; ontan naani so karakel na saray kabyangay boleg mo.”

Genesis 15:7

Insan inkuan ed sikato na Katawan, “Siak so Katawan ya amataynan ed sika manlapud Ur na Babilonia, pian niiter kod sika yan dalin.”

Genesis 17:8

Sangkaili kayo natan ed sayan dalin a panaayaman yo; iter ko yan dalin ed sika tan saray kabyangay boleg mo. Say intiron dalin na Canaan kayaryanen ya anggad angga na saray kabyangay boleg mo, tan siak so Dios da.”

Genesis 22:16

“Sambaan kod dilin ngaran ko—say Katawan so mansasalita—a bindisionan ta ka na amayamay a kaabigan. Lapud ginawam ya, tan ag mo insiblet ed siak so bogbogtung ya anak mo,

Genesis 22:17

isipan ko ya itdan ta ka ray kabyangay boleg mo a singa karakel na bitewen ed tawen o buer ed gilig na dayat. Taloen na saray kabyangay boleg mo iray kalaban da.

Genesis 24:7

Say Katawan a Dios na tawen pinaekal to ak ed abung di amak tan diad dalin da ray kakanayon ko, tan sinambaan tod siak ya iter to yan dalin ed saray kabyangay boleg ko. Mangibaki na anghil to ya ononan onla nen say sika, pian makala kad man na asawaen na anak ko.

Genesis 48:16

Bindisionan ira komun na anghil ya angipaliis ed siak ed antokaman a kaogsan. Mansiansia komun ed panamegley da so ngaran ko tan say ngaran di amak ya Abraham tan amak ya Isaac. Nawalaan ira komun na amayamay a kabyangay boleg.”

Exodo 13:11

“Say Katawan iyakar to kayo ed dalin na saray Cananeo, say dalin a sinambaan ton iter ed sikayo tan saray lalaki yo. No niiter to lad sikayo,

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 33:1

Say Katawan kuantod kinen Moises, “Taynan yo yan pasen, sika tan saray totoo ya impaway mod Egipto, ta laka yod dalin a sinambaan kon iter ed kinen Abraham, Isaac, tan Jacob tan diad saray kabyangay boleg da.

Levitico 26:42

nunoten koy impisipanan kod kinen Jacob, tan diad kinen Isaac tan diad kinen Abraham, tan pasimbaloen koy sipan ko ya iter kod saray totook so dalin.

Deuteronomio 1:10

Say Katawan a Dios yo et impagmaliw to kayo la natan a singa karakel na bitewen ed tawen.

Deuteronomio 7:8

Pinili to kayo lapud inaro to kayo tan labay ton tooren imay sipan tod saray lalaki yo. Kanyan inlaban to kayo diad panamegley na baleg a pakapanyari to tan imbolus to kayod impakaaripen yod ari na Egipto.

Deuteronomio 9:27

Nudnunot mo pa ray aripen mon di Abraham, Isaac, tan Jacob, tan palabas mo lay inkaawet na olo da ra yan totoo, say inkaoges da, tan say kasalanan da.

Saray Hebreo 6:13

Nen nansipay Dios ed kinen Abraham, nansambad dilin ngaran to, ta anggapo lay atagtagey a pansambaan to.