Exodo 32:10 - Maung A Balita Biblia

¹⁰ Natan, ag mo ak babanoen. Ampetang so olok ed sikara, kanyan deralen ko ra. Insan pagmaliwen ta ka, tan saray kabyangay boleg mo, a sakey a bansan matalonggaring.”

Maung a Balita Biblia

¹⁰ Natan, ag mo ak babanoen. Ampetang so olok ed sikara, kanyan deralen ko ra. Insan pagmaliwen ta ka, tan saray kabyangay boleg mo, a sakey a bansan matalonggaring.

Exodo 32:10 Iomraidhean Croise

Genesis 12:2

Itdan ta kay amayamay a kabyangay boleg mo, tan magmaliw iran sakey a bansan matalonggaring. Bindisionan ta ka tan pagmaliwen kon bantug so ngaran mo, pian sikay pakabindisionan na arum a totoo.

Saray Salmo 106:23

Nen imbaga na Dios a deralen to ray totoo to, binaat nen Moises a pinili ton aripen to, et pinakepa na Dios so pasnuk ton maneral ed sikara.

Exodo 22:24

tan mampasnuk ak tan pateyen ta kayo ed bakal. Nabalo ray kaasawaan yo tan naolila ed ama iray anak yo.

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Exodo 32:19

Nen asingger lay Moises ed kampo tan nabantag to la may bakan kalakyan tan saray totoon mansasayaw-sayaw, mapalaloy impakapasnuk to. Dimad alusadsar na palandey imbantak to ra may awit ton tapyak a bato, et apisagpisag ira.

Exodo 33:3

Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.”

Jeremias 11:14

Jeremias, ag ka mampipikasid siak odino ipikasim ed siak ira yan totoo. No nagunigon ira, et onkerew irad siak na tulong, ag ko ra dengelen.”

Jeremias 14:11

Inkuan na Katawan ed siak, “Ag mo kekerewen a tulongan ko ra yan totoo.

Jeremias 15:1

Insan inkuan na Katawan ed siak, “Anggan manalagey ira di Moises tan Samuel diad arap ko a mikasi ed siak, ag ko kasian ira yan totoo. Paekal mo ra tan pataynan mo rad pakanengneng ko.

Jeremias 7:16

Inkuay Katawan, “Jeremias, ag mo ipipikasi ra yan totoo. Ag mo ra itatagleeyan o ikekerewan ed siak, ta ag ta ka dengelen.

Ezekiel 20:13

Balet anggan diman ed kalawakan sinumlang da ak. Sinumlang da ray bilin ko tan impolisay da ray ganggan a mangiter na bilay ed saray mangonur. Sigput ya ag da nginilinan so Agew na Panagpainawa. Akaparaan ak lad saman a mangidapod sikarad man ed kalawakan na pasnuk ko tan maneral ed sikara.

Saray Bilang 14:12

Ipadalan kod sikaray salot tan deralen ko ra, balet pagmaliwen ta ka ya ama na sakey a bansa a lalon maawang tan makapanyari nen say sikara!”

Saray Bilang 16:21

“Arawian yo ra yan totoo, ta deralen ko ran tampol.”

Saray Bilang 16:22

Balet di Moises tan Aaron dinmakmomo ra ya anggad dalin tan kuanda, “O Dios, sika so nanlapwan na amin a bilay. No mankasalanan so sakey a too, mampasnuk ka kasi ed amin a totoo?”

Deuteronomio 9:14

Ag mo ak babaaten ed gawaen ko. Ginetmak la ran pateyen pian anggapo lay makanunot ed sikara. Insan ta ka pagmaliwen a sengeg na sakey a bansan lalon baleg tan makapanyari nen say sikara.’

Deuteronomio 9:19

Antakot ak ed samay mapalalon pasnuk na Katawan, ta lapud mapalalon pasnuk to, akaparaan lan mamatey ed sikayo; balet dinengel to ak ni lamet.

Santiago 5:16

Kanyan mampapatwaan kayo ray kasalanan yo, tan mampipikasiyan kayo, pian onabig kayo. Dakel so nagawaay pikakasi na toon matonung.