Exodo 32:1 - Maung A Balita Biblia

¹ Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, “Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.”

Maung a Balita Biblia

¹ Nen anengneng na saray totoo ya ag ni inmakseb si Moises no ag ingen abaybayag lan wadmad tagey na palandey, kinumpog day Aaron tan kuandad sikato, Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na sakey a dios a mangiwanwan ed sikatayo.

Exodo 32:1 Iomraidhean Croise

Genesis 19:14

Linmay Lot ed saramay lalakin mangasawad saray anak to, tan inkuanto, “Ganatan yoy onekal dia; deralen na Katawan yan lugar.” Balet abaloan dan manlulurey si Lot.

Genesis 21:26

Inkuanen Abimelec, “Ag ko amta no siopay nanggawad saya. Ag mo met imbagad siak, tan natan ko ya labat nadngelan.”

Genesis 39:8

balet ag labay nen Jose tan inkuantod sikato, “Anggapoy nepeg ya asikasoen nen amok, lapud wadya ak. Impasen to ak ya inkargado na amin a kayaryan to.

Genesis 44:15

tan inkuanto, “Antoy ginawa yo? Ag yo ta amta a siak a toon manoley et naerel ta kayo diad panamegley na panagparles?”

Genesis 44:4

Nen ag ni ra akaarawid siudad, inkuanen Jose ed samay aripen ya inkargadod abung to, “Abot mo ra man a totoo tan tepet mod sikara, ‘Akin et kaogsan so imbales yod kamaungan nen amok?

Saray Salmo 106:19

Nanggawa ray balituk a baka diad Sinai, tan inggagalang da man a talintao;

Exodo 13:21

No agew say Katawan manayam ed bandad arap da a sakey a lusek a lorem, pian niwanwan to rad dalan; no labi manayam ed bandad arap da a sakey a lusek ya apoy, pian naliwawaan to ra. Diad onya makapambiahi ra ed agew tan labi.

Exodo 14:11

Inkuandad kinen Moises, “Anggapo ta ray lobuk dimad Egipto? Inawit mo kami dian ompatey ed kalawakan? Nengneng moy ginawam ed impangipaway mod sikamid Egipto!

Exodo 16:3

Inkuandad sikara, “Magmaung ni la laingen komun no say Katawan et pinapatey to kamid man ed Egipto. Nayarian mid may ondongo a mangan na karni tan arum ni ran kakanen ed anggaay nayarian mi. Balet inawit yo kami a pateyen ed eras diad kalawakan.”

Exodo 20:23

Ag yo igagawaay sikayon dili na saray diriyos a pilak odino balituk, insan kaibak iran galangen yo.

Exodo 24:12

Say Katawan kuantod kinen Moises, “Laen mo ak diad toktok na palandey tan, no wadman ka la, itdan ta ka na duaran tapyak a bato ya angitatakan ko na saray ganggan ko ya onkanan panaralan na saray totook.”

Exodo 24:18

Si Moises intuloy toy kinmalab ed palandey ya akobutan na lorem. Nanayam diman ed loob na apataplon agew tan apataplon labi.

Exodo 32:11

Balet si Moises akikasi ed Katawan a Dios to tan kuanto, “Katawan, akin et mapalaloy pasnuk mod saray totoom ya impaway mod Egipto diad panamegley na baleg a pakayarim tan biskeg mo?

Exodo 32:22

Inmebat si Aaron, “Ag ka kari mamapasnuk ed siak; amtam a sipaparaan la ran manggaway kaogsan.

Exodo 32:23

Inkuandad siak, ‘Ag tayo amta no antoy agawad saman a toon Moises ya angipaway ed sikatayod Egipto, kanyan igawaan mo kami na dios a mangiwanwan ed sikatayo.’

Exodo 32:7

Say Katawan kuantod kinen Moises, “Ganatan moy onakseb, ta saray totoom ya impaway mod Egipto et nankasalanan ira tan impolisay da ak.

Exodo 33:3

Sikayoy onla ed sakey a mayaman tan mataban dalin. Balet aliwan siak a dili so mila ed sikayo lapud anawet so olo yon totoo, ompan naderal ta kayo ed dalan.”

Ezekiel 20:8

Balet sinumlang da ak tan ag da labay so ondengel. Ag da imbantak iray makapaingungot a talintao ra odino impolisay iray diriyos na Egipto. Akaparaan ak lad saman a mangidapod sikara na sulit na pasnuk ko dimad Egipto.

Oseas 12:13

Say Katawan angibaki na sakey a propita a mangyagel ed saray totoo ton Israelita diad pakakaaripen dad Egipto tan mangasikasod sikara.

Mikias 6:4

Impaway ta kayo ed Egipto; inekal ta kayod impakaaripen; imbakik ira di Moises, Aaron, tan Miriam ya angiwanwan ed sikayo.

Saray Bilang 14:22

anggapod sarayan totoo so makaloob ed saman a dalin. Anengneng da so kagalangan ko tan saray milagron ginagawak dimad Egipto tan diad kalawakan, balet sinusubok da ak ya amimpigapiga tan ag da ak inonur.

Mateo 24:43

Tandaan yo ya! No amta komun na makanabung so isabiy matakew, ag onogip pian ag makaloob so matakew ed abung to.

Mateo 24:48

Balet no maoges yan aripen ikuantod sikaton dili, ‘Mabayag nin onsabiy amok!’

Saray Gawgawa 17:29

Lapud anak itayo met na Dios, ag tayo komun ipasen a say Dios et singa talintaon balituk, pilak, o baton ginaway lima tan kakabatan na too.

Saray Gawgawa 19:26

Nanenengneng tan narerengel yo met so gagawaen to man a Pablo. Ibabaga ton saray diriyos a gagawaey totoo et aliwa ran tuan diriyos. Amayamay la ray apanisia to, diad Efeso tan diad ngalngali intiron Asia.

Saray Gawgawa 7:40

Kanyan inkuandad kinen Aaron, ‘Manggawa ka ray diriyos a mangiwanwan ed sikami, ta ag mi amtay agawad saman a Moises ya angipaway ed sikamid Egipto.’

Deuteronomio 31:8

Say Katawan a dili so mangiwanwan ed sika tan olupen to ka. Ag to ka paolyan o ikaindan; kanyan ag mo pabebeteley linawam tan ag ka ontatakot.”

Deuteronomio 9:1

“Dengel kayo, sikayon totood Israel! Natad sayan agew ngalngali yo la baliwen so Ilog na Jordan tan panayaman so dalin a kayaryan na saray bansan ankabaleg tan makapanyari nen say sikayo. Ankakabaleg iray siudad da ya anggad tawen iray padir da.

Deuteronomio 9:9

Kinmalab ak ed tagey na palandey ta alaen ko ra may tapyak a baton akaitatakan na impisipanan ed sikayo na Katawan. Nanayam ak diman ya apataploy agew tan labi tan ag ak balut angan o inminom.

Josue 7:13

Bangon ka! Linisan mo ray totoo onung ed ganggan tan iparaan mo ran miarapan ed siak. Ibagam ed sikaran sipaparaan ira nabwas, ta siak a Katawan a Dios na Israel et walay ibagak ed sikara: ‘Israel, isisinup yoy pigaran bengatla ya ingganggan kon deralen yo! Ag yo nalabanan iray kalaban yo ya anggad deralen yo ray bengatlan sebel ya alaen!’

2 Pedro 3:4

Ikuanda, “Ag ta insipan nen Cristo ya ompawil? Kawalaan to ey? Inatey la ray atateng tayo, balet anggapo niy angomanay amin a bengatla nanlapud inkapalsay mundo!”