Exodo 30:23 - Maung A Balita Biblia

²³ “Mangala ka na saray sankaabigan a rikado—anemiran kilo ya onturon mira, taloran kilon ambalingit a kanila, taloran kilon ambalingit a kania,

Maung a Balita Biblia

²³ Mangala ka na saray sankaabigan a rikadoanemiran kilo ya onturon mira, taloran kilon ambalingit a kanila, taloran kilon ambalingit a kania,

Exodo 30:23 Iomraidhean Croise

1 Saray Arari 1:39

Inala nen Sadoc so pananginan na larak na oliban inala tod Tuldan Ayamay Katawan, insan to nilanaay Solomon. Pinaknul day trumpita, tan ineyag na amin a totoo, “Andokey komun so bilay nen Ari Solomon!”

1 Saray Awaran 9:29

Saray arum makaoley irad saray masanton kagawaan tan saray arina, alak, larak na oliba, insinso, tan rikado.

1 Saray Awaran 9:30

Saray papari so makaoley ed panaglaok ed saray rikado.

Saray Salmo 45:8

Say pabalingit a nanlapud mira tan aloe et mansamyung ed kawes mo; saray musiko paliliketen da kad saray palasion adikoraan na garing.

Exodo 25:6

larak a para saray lamparaan; saray rikadon onkanad panaglana a larak tan ambalingit ya insinso;

Exodo 30:22

Say Katawan kuantod kinen Moises,

Exodo 30:24

tan anemiran kilon kasia (asimbang ira yan amin onung ed panagsimbang ed santuario). Laukan mo na sakey a galon a larak na oliba,

Exodo 31:11

say panaglana a larak, tan say ambalingit ya insinson para Masanton Pasen. Diad panggawa ed sarayan bengatla, nepeg a gawaen da onung ed amin a ganggan kod sika.”

Exodo 35:28

angyaakar met ni ra na saray rikado tan larak a para saray lamparaan, para panagpoyuk a larak, tan para ambalingit ya insinso.

Exodo 37:29

Nanggawa met na masanton larak a panagpoyuk tan say puron ambalingit ya insinso; ginawa to ra a singa panaggaway pabalingit.

Probirbio 7:17

Pinabalingitan ko na mira, aloe, tan kanila.

Kanta nen Solomon 1:13

Ambalbalingit a singa mira so inarok legan ton akasaral ed pagew ko.

Kanta nen Solomon 1:3

Ambalbalingit ka, singa mansamiong a pabalingit so ngaran mo. Kanyan amin a marikit aroen da ka.

Kanta nen Solomon 4:14

saray sapron, kalamus, tan sinamon, odino amin a klasiy insinso. Ontutubod man iray mira, aloe tan amin a sankabalingitan a pabalingit.

Isaias 43:24

Ag mo ak insaliwan na insinso odino pinenek ak na taba na saray tabay ayayep mo. Say agawa, ingen, et siak so impansakbat mo lapud saray kasalanan mo; pinakesaw mo ak lapud saray kaogsan a ginagawam.

Jeremias 6:20

Antoy kakanaan na insinson iyaakar dad siak anggaman a manlalapu rad dalin na Saba odino saray rikadon manlalapud arawin dalin? Ag ko awaten iray bagat da; ag ak manliket ed saray isasaklang da.

Ezekiel 27:22

Saray nigosiantin taga Seba tan Raama et insumbat dad saray bengatlan lakom iray alahas, balituk, tan saray sankaabigan a rikado ra.

Saray Bilang 4:16

Si Eleazar, a lakin anak nen pari ya Aaron, so makaoley ed intiron Tulda tan say larak a para saray lamparaan, say insinso, saray bagat a trigo, say ipopoyuk a larak, tan arum nin bengatlad dalem na Tulda a nisaklang ira ed Katawan.

1 Samuel 10:1

Insan angalay Samuel na sakey a botilyan larak na oliba tan inkalbo tod olo nen Saul, inanguban to, tan kuanto, “Say Katawan lalanaan to kan manoley ed saray totoo ton Israelita. Oleyan mo ray totoo to tan iyagel mo rad saray kalaban da. Saya so pakapatnagan mo a pinili say Katawan a manoley ed saray totoo to.