Exodo 30:10 - Maung A Balita Biblia

¹⁰ Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.”

Maung a Balita Biblia

¹⁰ Maminsan ed kapag taon gawaen nen Aaron so sirimonya a panlinis ed sayan altar diad pangiporanis tod saray pinagsaklur na altar; say iporanis to et say dala na ayep ya imbagat a pangekal na kasalanan. Gawaen ya a tinaon ed kapigan man a panaon. Sayan altar et nepeg a sigput a masanto, tan nisaklang ed siak a Katawan.

Exodo 30:10 Iomraidhean Croise

1 Saray Arari 1:50

Diad gaway baleg a takot nen Adonias ed kinen Solomon, linmad Tuldan Ayamay Katawan tan pinmeket ed saray pinagkasaklur na altar.

1 Saray Awaran 6:49

Si Aaron tan saray kabyangay boleg to so manangyapay na saray bagat ya insinso tan manangisaklang na saray bagat a popoolan ed tapew na altar. Sikaray makaoley ed amin a panangigalang diad Sankasantosan a Pasen tan diad saray bagat a pamirdonaan na Dios ed saray kasalanan na Israel. Sarayan amin ginagawa ra onung ed saray ganggan nen Moises ya aripen na Dios.

Exodo 30:11

Say Katawan kuantod kinen Moises,

Exodo 30:9

Diad sayan altar ag kayo mangibabagat na insinson aliwan masanto odino bagat ya ayep odino bagat a trigo, tan ag kayo mangikakalbo dia na bagat ya alak.

Levitico 16:16

Diad onya, si Aaron gawaen toy sirimonya na panlinis ed samay Sankasantosan a Pasen lapud inkarotak na saray Israelita tan lapud kasalanan dan amin. Onyay nepeg ton gawaen ed samay Tulda, lapud manalalagey ed pegley na kampo a marotak onung ed ganggan.

Levitico 16:18

nepeg ya ompaway ya onlad altar a panagpoolan na saray bagat, ta linisan to. Nepeg a mangawit na daiset a dala to may bakan kalakyan tan daiset a dala to may kanding tan iporanis to ra ed saray pinagkasaklur na saray suyok na altar.

Levitico 16:2

Inkuanto, “Ibagam ed kinen agim ya Aaron a no manepeg a panaon labat so iyakar tod dalem na kurtina diad Sankasantosan a Pasen, ta ompanengneng ak diman ed sakey a lorem diad tagey na sakub na Kaban na Sipanan. No ag to ya toluken, nepeg a pateyen.

Levitico 4:18

Insan mangyan na daiset a dala diad saray pinagkasaklur ed saray suyok na altar na insinso diad dalem na Tulda. Samay keran dala iyibung tod leksab na altar a panagpoolan na saray bagat; sayan altar et walad lolooban na Tulda.

Levitico 4:7

Insan mangyan na daiset a dala ed saray pinagkasaklur ed saray suyok na altar na insinso diad dalem na Tulda. Say keran dala iyibung tod leksab na altar a panagpoolan na saray bagat; sayan altar et walad lolooban na Tulda.

Saray Hebreo 1:3

Say Anak isisinag toy liwawa na kagalangay Dios, ta walad sikatoy peteg ya inka-Dios na Dios. Sikatoy manaasikasod sankamundoan diad panamegley na makapanyarin salita to. Kasumpal ton nilinisan iray katoowan ed saray kasalanan da, inmirung ed nikawanay Dios, say Sankatageyan a Pakayari.

Saray Hebreo 9:25

Say Pangulon Pari da ray Judio onloloob a tinaon-taon ed Sankasantosan Pasen, tan awit toy dala na ayep. Balet si Cristo ag linmoob a mamimpiga-pigan mangibagat na sikaton dili.

Saray Hebreo 9:7

Balet say Pangulon Pari labat so onloob ed kumadwan parti, tan mamimpinsan ed sakey taon. Walay awit ton dala ya ibagat ed Dios para sikaton dili tan kasalanan ya ag amtan nagagawaan na saray totoo.

Puyan 9:13

Nen sinibuk na kumanem ya anghil so trumpita to, nadngel koy sakey a bosis a nanlapud apatiran suyok na balituk ya altar a walad arap na Dios.