Exodo 3:8 - Maung A Balita Biblia

⁸ kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Maung a Balita Biblia

⁸ kanyan linmasur ak, ta iyagel ko rad saray Egipsio, tan itaynan ko ra manlapud saman a dalin; insan ko ra iyakar ed mataba tan maawang a dalin, sakey a dalin a panagagosay gatas tan dilo, a panaayaman natan na saray Cananeo tan Heteo, saray Amorreo tan Perezeo, saray Heveo tan Jebuseo.

Exodo 3:8 Iomraidhean Croise

Genesis 11:5

Inmakseb so Katawan, ta nengnengen toy siudad tan say tori ya impaalagey na saraman a totoo,

Genesis 11:7

Onakseb itayo tan pandoromaen tayoy salita ra, pian ag ira makapantatalusan.”

Genesis 15:13

Inkuan na Katawan ed sikato, “Magmaliw iran sangkaili ed sakey a bansa iray kabyangay boleg mo; aripenen da rad man tan pairapen da ran apat a lasus a taon.

Genesis 15:14

Balet dusaen koy bansan mangaripen ed sikara, tan dakel a kayamanan so awiten da no taynan da man a bansa.

Genesis 18:21

Nakaukolan ya onakseb ak, ta kabaten ko no tua kasi o andi ira yan nadngelan kon dalem.”

Genesis 43:11

Inkuanen ama ra, “No ontan so nepeg a nagawa, onyay gawa yo sirin: Mangawit kayoy sankamaungan iran bungay dalin, ikarga yod saray balkut yo, tan irigalo yo rad satay gobirnador: pigaran pasas, daiset a dilo, saray rikado, alponsigo, tan almindra.

Genesis 46:4

Ibaan ta kayod man, tan ipawil kod sayan dalin iray kabyangay boleg mo. Walad diking moy Jose no ompatey ka.”

Genesis 50:24

Inkuantod saray lalakin agagi to, “Ngalngali ak la ompatey, balet andi-saew ya asikasoen kayo na Dios, tan ipaway to kayod sayan dalin tan iyakar to kayod dalin a sinambaan ton iter ed kindi Abraham, Isaac, tan Jacob.”

1 Saray Awaran 1:15

Heveo, Arkeo, Sineo,

Nehemias 9:8

Arumog mon matoor ed sika, insan akisipanan kad sikato. Insipan mon iter ed sikatoy dalin na saray Cananeo, say dalin na saray Heteo tan saray Amorreo, say dalin na saray Perezeo, Jebuseo, tan saray Gergeseo; inter mo a panayaman na saray kabyangay boleg to. Sinumpal moy sipan mo, lapud matoor ka.

Saray Salmo 12:5

Balet kuay Katawan, “Onsingger ak natan, ta napapairap iray mankakaukolan tan mandadageyem ed sakit iray napapasegsegang. Iyarawik irad kaatapan ta sikatoy pampipilalekan da!”

Saray Salmo 12:6

Napanmatalkan iray salita na Katawan; singa ra tuan pilak a pinapuron amimpito ed palbaan.

Saray Salmo 34:8

Nengneng mon dili so ontan lan kaabigay Katawan. Maliket iray totoon onsasalimbeng ed sikato.

Saray Salmo 91:15

No ontawag irad siak ebatan ko ra; no wala rad gunigon ibaan ko ra. Iyagel tan pagalangan ko ra.

Exodo 12:41

Diad agew a mansamput so apat a lasus tan talomplon taon, amin da ray boleg na saray totoo na Katawan et tinaynan day Egipto.

Exodo 12:51

Diad saman ya agew, say Katawan impaway tod Egipto iray boleg na saray Israelita.

Exodo 13:5

Sinambaan na Katawan ed saray lalaki yo ya iter tod sikayo so dalin na saray Cananeo, saray Heteo, saray Amorreo, saray Heveo, tan saray Jebuseo. No niakar to kayo lad saman a mayaman tan mataban dalin, silibraan yo yan pista diad ononan bulan na kapag taon.

Exodo 3:17

Kanyan ginetmak lan ipaway ira ed Egipto a pakapapairapan da, tan iyakar ko ra ed mayaman tan mataba a dalin a panaayaman natan na saray Cananeo, saray Heteo, saray Amorreo, saray Perezeo, saray Heveo, tan saray Jebuseo.

Exodo 34:11

Onur yo ray ganggan ya iter ko natan ed sikayo. Pagiten ko ray Amorreo, saray Cananeo, saray Heteo, saray Perezeo, saray Heveo, tan saray Jebuseo legan na pankukurang yo.

Exodo 5:23

Nanlapu lad samay insalitaan ta kad ari, pinapairap to met la ra. Et anggapoy ginawam a pangyagel ed sikara!”

Isaias 36:17

anggad panayamen kayo na ari ed sakey a bansa, a singa met lamlamang say bansa yo, a wala ray kaubasan a mangiter na alak, tan wala ray trigo a gawaen a tinapay.

Isaias 64:1

Akin et ag mo gaygayen so tawen, insan ka onlasur? Nanengneng ka na kapalandeyan tan onyegyeg irad takot da.

Jeremias 11:5

Diad ontan sumpalen koy insipan kod saray lalaki ra, ya iter kod sikara so mayaman tan mataban dalin a kayaryan da la natan.” Inkuanko, “Ontan pa komun, Katawan.”

Jeremias 2:7

Inyakar ko rad sakey a mabonan dalin, pian napanliketan da ray naanid man tan saray arum a bengatlan maabig. Ingen dineral day dalin ko; impagmaliw dan makarimdimla so dalin ya inter kod sikara.

Jeremias 32:22

Inter mod sikara yan mayaman tan mataban dalin, onung na insipan mod saray lalaki ra.

Ezekiel 20:6

Diad saman ya agew insipan kod sikara ya ipaway ko rad Egipto tan iyakar ko ra ed dalin a pinilik a para sikara, dalin a mayaman, mataba, tan sankaabigan ed amin a dalin.

Levitico 20:24

Balet insipan kon kayaryanen yo man a mataba tan mayaman a dalin, kanyan iter kod sikayo. Siak so Katawan a Dios, tan siak so angibiig ed sikayo ed saray arum a bansa.

Amos 2:10

Impaway ta kayo ed Egipto, inwanwan ta kayod kalawakan ya apataplon taon, tan inter kod sikayo so dalin da ray Amorreo.

Saray Bilang 13:18

Nengneng yo no anto man a dalin, pigaran totooy manaayam diman, tan no panoy kabiskeg da.

Saray Bilang 13:19

Nengneng yo no maung odino makapoy iman a dalin tan no manaayam ed saray baley ya anggapoy padir iray totoo odino diad saray siudad ya aliber na padir.

Saray Bilang 13:27

Inkuandad kinen Moises, “Ninengneng mi may dalin et arumog mi a mayaman tan mataba; nia ray pigaran bungay kakiewan diman.

Juan 3:13

Anggapoy akakar ed tawen no ag say Anak na Too a linmeksab a nanlapud tawen.”

Juan 6:38

Ta linma ak dian nanlapud tawen pian gawaen koy linawa na angibakid siak, aliwan say linawak a dili.

Deuteronomio 1:25

Nen pinmawil ira angisempet ira na saray bungay kiew diman, tan imbaga ran mataba-taban dalin so iter ed sikatayo na Katawan a Dios tayo.

Deuteronomio 1:7

Alis kayo la tan laka yod kapokdulan a dalin da ray Amorreo tan diad saray kaliber-liber a pasen—diad Patar na Jordan, diad kapokdulan tan saray abeban pasen, diad niabalaten a pasen, tan diad gilig na Mediteraneo. Laka yod dalin na Canaan tan tuloy kayod labas na Kapalandeyan na Libano ya anggad baleg ya Ilog na Eufrates.

Deuteronomio 27:3

insan yo isulat ira yan amin a ganggan tan bangat. No akaloob kayo la ed mayaman tan mataban dalin ya insipan ed sikayo na Katawan a Dios da ray lalaki yo,

Deuteronomio 28:11

Say Katawan itdan to kayo na amayamay ya anak, amayamay a baka, tan daakan a bunga na saray tanaman diad dalin ya insipan tod saray lalaki yo ya iter tod sikayo.

Deuteronomio 6:3

Dengel yo ra, sikayo ran totood Israel, tan sumpal yo ra! Diad satan maung lawas so kipapasen yo, tan magmaliw kayon baleg bansa tan manayam kayod saman a mayaman tan mataban dalin onung na insipan na Katawan a Dios na saray lalaki tayo.

Deuteronomio 7:1

“Say Katawan a Dios yo et iyakar to kayod dalin a panayaman yo, tan amayamay a totoo so pataynanen to. Legan yon looban so dalin, pataynanen to ray totoo na pitoran bansa a baleg tan makapanyari nen say sikayo: saray Heteo, saray Gergeseo, saray Amorreo, saray Cananeo, saray Perezeo, saray Hebeo, tan saray Jebuseo.

Josue 9:1

Saray impanatalo na Israel et akabatan na amin ya ari ed sagur na Jordan diad saray kapokdulan, diad saray alusadsar, tan diad saray patar ed gilig na Dayat na Mediteraneo ya anggad Libano diad baybay; sikara ya so ari da ray Heteo, saray Amorreo, saray Cananeo, saray Pereseo, saray Heveo, tan saray Jebuseo.

Josue 9:7

Balet inkuan ed sikara na saray lalaki na Israel, “Akin et mipaknaan kamid sikayo? Angangko asingger dia so panaayaman yo.”