Exodo 3:5 - Maung A Balita Biblia

⁵ “Ag ka onaasingger dia,” inkuan na Dios, “ekal mo ray sandalyam, ta masanto so dalin a kawalaan mo.

Maung a Balita Biblia

⁵ Ag ka onaasingger dia, inkuan na Dios, ekal mo ray sandalyam, ta masanto so dalin a kawalaan mo.

Exodo 3:5 Iomraidhean Croise

Exodo 19:12

Diad kaliber-liber na palandey mananda kay ketegan ya ag nepeg a labsanan na saray totoo, tan ibagam ed sikara ya ag da kalaben, odino diwiten so palandey. No walay ondiwit ed palandey, sikatoy nepeg a pateyen;

Exodo 19:21

tan say Katawan kuantod sikato, “Akseb ka, ta pasakbayan mo ray totoo ya ag da lalabsanan so ketegan diad idago ran onnengneng ed siak; no onlabsan ira, dakel ed sikaray ompatey.

Exodo 4:28

Tinongtong nen Moises ed kinen Aaron iray amin a sinalitay Katawan nen ingganggan ton ompawil ed Egipto; imbaga to met ya amin iray pakelaw ya imbilin na Katawan a gawaen to.

Ecclesiastes 5:1

Apiger moy kakaonlam ed Timplo. Say iyakar mon manaral ed Timplo et magmaung ni nen say pangisaklang na saray bagat a singa gagawaen na saray makulang-kulang ya ag da amtan ibiig so maung ed maoges.

Jeremias 30:21

Manlapud dilin bansa ra iray manoley ed sikara, kadalaan da met lamlamang so prinsipi ra. No imbitaan kon onsingger, ondagod siak; ta siopay ondagon ag inimbitaan? Magmaliw iran totook tan siak so Dios da. Siak, say Katawan, so nansalita.”

Levitico 10:3

Insan inkuanen Moises ed kinen Aaron, “Sikato yay sasalitaen na Katawan nen inkuanto, ‘Amin da ray manlingkur ed siak nepeg a pagalangan day inkasantok; ipatnag kod saray totook so kagalangan ko!’” Balet ag inmesel si Aaron.

Saray Gawgawa 7:33

Inkuay Katawan, ‘Ekal mo ray sandalyam, ta masanton pasen yay kawalaan mo.

Deuteronomio 23:14

Pansiansia yon malinis onung ed ganggan so kampo yo, ta manaayam ed kampo yo so Katawan a Dios yo a mangyagel ed sikayo tan mangiter ed sikayo na pananalo ed saray kalaban yo. Ag kayo manggagawa na antokaman a mabanday a pangibenegan na Katawan ed sikayo.

Saray Hebreo 12:20

ta ag da natepelan yan ganggan: “No diwiten na anggan ayep so palandey, nepeg a tupakey bato ya anggad ompatey.”

Josue 5:15

Inkuan na samay pangulo da ray sondalo na Katawan, “Ekal moy sandalyam ta manalalagey kad masanton dalin.” Et ginawa nen Josue so nibagad sikato.

2 Pedro 1:18

Nadngel mi yan bosis nanlapud tawen, ta kaiba to kami ed masanton palandey.