Exodo 3:20 - Maung A Balita Biblia

²⁰ Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Maung a Balita Biblia

²⁰ Balet ipakanak so pakayarik ed Egipto tan dusaen ko na saray makapataktakot a pakelaw a gawaen kod man. Kasumpal na sarayan nagawa, abuloyan to kayo lan onla.

Exodo 3:20 Iomraidhean Croise

Genesis 15:14

Balet dusaen koy bansan mangaripen ed sikara, tan dakel a kayamanan so awiten da no taynan da man a bansa.

Nehemias 9:10

Nanggagawa ka na saray makapakelaw a milagro sumpad ari na Egipto, sumpad saray opisyal to tan saray totood nanarian to lapud amtam no panoy impamapairap dad saray totoom. Binmantug kad saman tan bantug ka ni ya anggad natan.

Saray Salmo 105:27

Ginagawa ray makapanyarin gawgawa na Dios tan nanggagawa ray milagro ed Egipto.

Saray Salmo 105:38

Makaliliket iray Egipsio nen tinmaynan iray Israelita, ta antakot da ra.

Saray Salmo 106:22

Makapakelkelaw iray ginagawa tod man! Makapakelkelaw iray ginagawa tod Dayat ya Ambalanga!

Exodo 11:1

Insan say Katawan kuantod kinen Moises, “Mangiter ak niy sakey a kaonuran a dusa ed ari na Egipto tan diad saray totoo to. Kayari to ya, abuloyan to kayo lan ontaynan. Diad tuay tua, pasooten to kayo lan pataynanen ya amin.

Exodo 12:39

Ginawa ran tinapay ira may anggapoy libaduran masa ya inawit da nen tinaynan day Egipto, ta lapud biglan impangibaki rad sikara, anggapoy panaon dan angiparaan na antokaman a kanen da.

Exodo 13:3

Si Moises kuantod saray totoo, “Tandaan yo yan agew—say agew ya intaynan yon manlapud dalin na Egipto a dimay inkaaripenan yo. Diad sayan agew say Katawan impaway to kayo diad panamegley na baleg a pakayari to. Ag nepeg a kanen ed sayan agew so tinapay a pinaalsad libadura.

Exodo 13:9

Sayan pista et sakey a pakanudnonotan a singa bengatlan nisinger ed lima yo odino diad muling yo; ipanunot tod sikayo so pangituloy yoy pangibitla tan panaral na Ganggan na Katawan, lapud say Katawan impaway to kayod Egipto diad panamegley na baleg a pakayari to.

Exodo 15:11

“Katawan, siopad saray diriyos so singa sika? Siopay singa sikan makapakelaw ed inkasanto? Siopay makapanggawa na saray milagro tan saray makapakelaw a gawa a singa saray ginagawam?

Exodo 15:6

“Say kawanan a limam, O Katawan, et walaan na makapakebyew a pakayari; bingbingkasen to ray kalaban.

Exodo 4:21

Say Katawan inkuanto lamet ed kinen Moises, “No wadman ka lan akaarap ed ari na Egipto, ag mo lilingwanan a gawaen ira may amin a pakelaw, ta inter ko lad sikay pakayarin manggawa. Balet paaweten koy puso to tan ag to ibolus iray totoo.

Exodo 6:1

Insan say Katawan kuantod kinen Moises, “Nanengneng mo natan no antoy gawaen kod ari. Pasooten ko ya abuloyan ton ontaynan iray totook. Diad tuay tua, piliten ko a dagdagen to ran taynan day bansa to.”

Exodo 6:6

Kanyan ibagam ed saray Israelita a sayay kuankod sikara, ‘Siak so Katawan; iyagel ta kayo tan ibolus ta kayo ed pangaaripen na saray Egipsio. Ipakanak so pakapanyarik diad pangiter kod sikara na makapataktakot a dusa, balet iliktar ta kayo.

Exodo 9:15

Anggapo kayo la komun ya amin natan, no pinadalan koy salot ed sika tan saray totoom.

Isaias 19:22

Dusaen na Katawan iray Egipsio, insan to ra balet paabigen. Ompawil irad sikato, dengelen to ray pikakasi ra tan paabigen to ra.

Isaias 26:11

Ag amta na saray kalaban mo a dusaen mo ra. Katawan, ipelag mo pa rad kababaingan tan panliknam pa ray kairapan; ipaliknam ed sikaray dusan imparaan mo. Ipanengneng mo pad sikara so ontan lan panangarom ed saray totoom.

Ezekiel 20:33

“Legan a siak so mabilay a Katawan a Dios, papasakbayan ta kayo a diad gaway pasnuk ko, oleyan ta kayod biskeg na taklay ko diad intiron pakayarik.

Mikias 7:15

Manggawa ka pa na saray milagro ed sikami a singa samay ginawam diad saramay agew ya impaway mo kamid Egipto.

Saray Gawgawa 7:36

Sikatoy angipangulod impaway na saray Israelita ed Egipto, tan amayamay so ginagawa ton milagro tan pakelaw diad Egipto, diad Dayat ya Ambalanga, tan diad kalawakan ed loob na apataploy taon.

Deuteronomio 4:34

Wala la kasi so dios a sinali toy linman angalad arum a bansa na saray totoo tan impagmaliw to ran dilin totoo to, a singa ginawad sikayod man ed Egipto na Katawan a Dios yo? Anengneng na dilin mata yo so impangipapakana tod baleg a pakayari to tan say biskeg to; impapadalan to ray salot tan bakal, nanggagawa na saray milagro, saray pakelaw, tan saray makapataktakot a bengatla.

Deuteronomio 6:22

Anengneng na dilin mata mi so impanggagawa to na saray milagro tan saray makapataktakot a bengatla ed saray Egipsio, say ari ra, tan diad amin ya opisyal to.

Saray Huis 6:8

Angibakid sikara so Katawan a Dios na Israel na sakey a propita tan impaikuantod sikara: “Impaway ta kayod inkaaripen ed Egipto.

Saray Huis 8:16

Insan angala na saray masabit a tanaman ed kalawakan tan inkana to ra ed impanusa tod saray pangulo na Sukot.