Exodo 3:14 - Maung A Balita Biblia

¹⁴ “Siak si siak,” inkuan na Dios. “Ibagam ed sikara, ‘Say natatawag a SIAK ET SIAK, imbaki to ak ed sikayo.’

Maung a Balita Biblia

¹⁴ Siak si siak, inkuan na Dios. Ibagam ed sikara, Say natatawag a SIAK ET SIAK, imbaki to ak ed sikayo.

Exodo 3:14 Iomraidhean Croise

Say Libro nen Job 11:7

Nayarian mo a sukaiten iray panganggaan na talonggaring tan pakayari na Dios?

Saray Salmo 68:4

Kantaan yoy Dios, kantaan yo na panangidayew so ngaran to; iparaan yoy dalanen na manloglogan ed saray lorem. Yahweh so ngaran to—manliket kayod arap to!

Saray Salmo 90:2

Kasakbayay impamalsam ed saray palandey, odino impamalsam ed mundo, Dios ka la manlapud gapoy-gapo; Dios ka ya anggad angga.

Exodo 15:3

Sakey a bumabakal so Katawan; Yahweh so ngaran to.

Exodo 23:21

Dengel kayod sikato tan onur yo. Ag kayo onsusumlang ed sikato, ta ag to pirdonaen iray onsumlang ed sikato. Sikato so imbakik.

Exodo 3:13

Inkuanen Moises ed Dios, “Onla ak ed saray Israelita, ta ibagak ed sikara, ‘Say Dios na saray lalaki yo imbaki to ak ed sikayo;’ et no tepeten dad siak, ‘Antoy ngaran to?’ Antoy iyebat kod sikara?”

Exodo 6:2

Akisalitay Dios ed kinen Moises tan kuanto, “Siak so Katawan.

Exodo 6:3

Pinmanengneng ak a Makapanyarin-amin a Dios ed kindi Abraham, Isaac, tan Jacob, balet aliwan diad panamegley na masanton ngaran ko a Yahweh.

Isaias 42:8

“Yahweh so ngaran ko, Anggapoy arum a dios a makapibiang ed kagalangan ko; ag ko abuloyan a makapibiang iray talintaoy diriyos ed dayew ko.

Isaias 44:6

Say Katawan a manooley tan mangyaagel ed Israel, say Katawan a Makapanyarin-amin, kuanto, “Siak so sankaonaan tan say sankaonuran; anggapo lay arum a Dios no ag say siak labat.

Mateo 18:20

Ta inerman so pantitiponay duara o taloran totoo lapud siak, wala ak ed nanleleetan da.”

Mateo 28:20

tan ibangat yo ran mangonur ed amin ya ingganggan kod sikayo. Tan tandaan yo! Siak, ibaan ta kayo lawas anggad pansamput na panaon.”

Juan 8:24

Kanyan imbagak ed sikayon ompatey kayod saray kasalanan yo. Talagan ompatey kayod saray kasalanan yo no ag yo sisiaen a ‘Siak si Siak’.”

Juan 8:28

Kanyan inkuanen Jesus ed sikara, “No nibitin yo lay Anak na Too, nakabatan yo lad satan a ‘Siak si Siak’. Naamtaan yo met ya anggapoy gagawaen kon manlalapud siak a dili, no ag ingen sasalitaen koy imbangat na Amak.

Juan 8:58

“Ibabagak ed sikayoy katwaan,” kuanen Jesus, “Kasakbayan a nianak si Abraham, ‘Siak et Siak.’”

2 CORINTO 1:20

ta sikatoy pakasumpalay amin a sipay Dios. Sikato yay makasengeg, a diad panamegley nen Jesu-Cristo, nayarian tayon ibagay “Amen” a pamagalang tayod Dios.

Saray Hebreo 13:8

Si Jesu-Cristo sikato met lamlamang karuman, natan, tan anggad angga.

Puyan 1:17

Kanengneng kod sikato, singa ak inatey ya alokbub ed saliyan to. Balet intapew toy kawanan a lima tod siak tan inkuanto: “Ag ka natatakot! Siak so sankaonaan tan say sankasamputan.

Puyan 1:4

Nanlapud kinen Juan yan sulat a para saray pitoran iglisia ed Asia: Nawalaan kayo komuy bindision tan kareenan a manlapud Dios—say Dios natan, nen saman, tan say onsabi—manlapud saray pitoran ispiritu a walad arap na trono to,

Puyan 1:8

“Siak so Alpha tan say Omega,” kuay Katawan a Dios a Makapanyarin-amin, say Dios natan, nen saman, tan say onsabi.

Puyan 4:8

Sanaanem na payak ira may apatiran mabilay a pinalsa, tan diad paway tan dalem na payak, napno ray mata. Anggapoy tonda so pangakanta ra ed agew tan labi: “Masanto, masanto, masanto so Katawan a Dios a Makapanyarin-amin, say Dios nen saman, natan, tan say onsabi.”