Exodo 3:1 - Maung A Balita Biblia

¹ Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Maung a Balita Biblia

¹ Aminsan ya agew, nen si Moises et mampapastol na saray ayep na katolangan ton Jetro a pari na Madian, imbeltang tod kalawakan iray ayep tan akasabid Sinai, say masanton palandey.

Exodo 3:1 Iomraidhean Croise

1 Saray Arari 19:19

Tinmaynan si Elias, insan asabi toy Eliseo a mambabaka a kaiba toy olup na pigaran baka; walad onaan to ray labinsakey ya olup, tan pambabaka toy mikalabinduan olup. Sininggeran nen Elias, insan to inkolibemben ed kinen Eliseo so kolibemben to.

1 Saray Arari 19:8

Binmangon si Elias, angan tan inminom; angiter ed sikato na biskeg imay tagano diad impanakar to na apataplon agew tan apataplon labi ya anggad Sinai, say masanton palandey.

Saray Salmo 106:19

Nanggawa ray balituk a baka diad Sinai, tan inggagalang da man a talintao;

Exodo 17:6

Manalagey ak ed arap mo diad tapew na sakey a baton-dampay ed palandey na Sinai. Pekpek mo so baton-dampay, et ompaway diman so danum ya inomen na saray totoo.” Ginawa nen Moises imay imbaga na Katawan diad arapan na saramay pangulo na Israel.

Exodo 18:12

Insan si Jetro angisaklang na bagat a popoolan tan saray arum a bagat ed Dios; et si Aaron tan amin a pangulo na Israel et akila rad sikato ya angan na masanton panangan a pamagalang dad Dios.

Exodo 19:11

Nepeg ya akaparaan ira nabwas a sakey. Diad satan ya agew onakseb ak ed Palandey na Sinai, tan diman ak nanengneng na saray totoo.

Exodo 19:3

Insan si Moises kinmalab ed sayan palandey, ta banaen tod man so Dios. Manlapud sayan palandey say Katawan tinawag toy Moises tan imbaga tod sikato ya ikuantod saray Israelita a kabyangan iray boleg nen Jacob:

Exodo 2:16

nitan la ray pitoran bibii ya anak nen Jetro a pari na Madian, ta onasul iray danum ya iyan dad saray atotung ya inoman na saray karniro tan saray kanding na ama ra.

Exodo 2:18

Nen sinmempet ira may bibii, si Jetro ya ama ra tinepet tod sikara, “Akin et asaksakbay kayon sinmempet natan?”

Exodo 2:21

Si Moises inmabubon ed panayam tod saman a pamilya, tan impiasawa nen Jetro ed sikato si anak ton Zipora.

Exodo 24:13

Namparaan si Moises tan si Josue a katulong to; si Moises ginapwan toy kinmalab ed masanton palandey.

Exodo 3:12

Inmebat so Dios, “Say katwaan to, siak so kaibam. Say pakabirbiran ya imbaki ta ka saya: no nipaway mo lad Egipto iray totook, igalang yo ak diad sayan palandey.”

Exodo 3:5

“Ag ka onaasingger dia,” inkuan na Dios, “ekal mo ray sandalyam, ta masanto so dalin a kawalaan mo.

Exodo 33:6

Kanyan nen tinaynan na saray Israelita so Palandey na Sinai, ag la ra nankanay alahas.

Exodo 4:18

Sinmempet si Moises tan linmad kinen katolangan ton Jetro tan kuanto, “Abuloyan yo ak pa ya ompawil ed saray kakanayon kod man ed Egipto, ta nengnengen ko no mabilay ni ra kasi.” Inmabuloy si Jetro tan pinasiput to.

Exodo 4:27

Legan da ra yan nagagawa, say Katawan inkuantod kinen Aaron, “Abet moy Moises diad kalawakan.” Linma sirin si Aaron ed masanton palandey, et nen akapanabet ira, inanguban to.

Amos 1:1

Sikara yay salita nen Amos, sakey a pumapastol a taga baley na Tecoa. Duay taon kasakbayan na insabiy yegyeg, nen ari na Juda si Uzias tan si Jeroboam a lakin anak nen Joas so ari na Israel, impaamta na Dios ed kinen Amos ira yan bengatlan nipaakar ed Israel.

Malakias 4:4

“Nunot yo ray bangat na aripen kon Moises, saray ganggan tan saray bilin ya inter kod sikato diad Palandey na Sinai, a nepeg ya onuren na amin da ray totood Israel.

Saray Bilang 10:29

Si Moises kuantod kinen bayaw ton si Hobab a lakin anak nen Jetro a taga Madian, “Ngalngali kami la ompikal ya onlad dalin ya imbagay Katawan ya iter tod sikami. Insipan ton paaligwasen so Israel, kanyan mila kad sikami, et pinabangen mi kad aligwas mi.”

Saray Bilang 10:33

Nen tinaynan na saray totoo so Sinai a mansanton palandey, nanakar iran taloy agew. Wala lawas ed onaan da imay Kaban na Sipanan na Katawan a mananap na pasen a pankampuan da.

Lucas 2:8

Walad saman a pasen iray pumapastol a mampupuyat, ta babantayan dad alog iray karniro ra.

Saray Gawgawa 7:30

“Kalabas na apataploy taon, pinmayawar ed kinen Moises so sakey ya anghil diad apoy na mandarlang ya abeban kiew. Agawa yad kalawakan diad asingger ed Palandey na Sinai.

Deuteronomio 1:2

Labinsakey ya agew ya akaren so manlapud Palandey na Sinai ya anggad Cades-barnea, no say kapokdulan na Edom so dalanen.)

Deuteronomio 1:6

“Nen wala itayo nid Palandey na Sinai, say Katawan a Dios tayo inkuantod sikatayo, ‘Abayag lay panaayam yo diad sayan palandey.

Deuteronomio 4:10

so nipaakar ed samay agew na impanalagey yo ed arap na Katawan a Dios yo diad Palandey na Sinai nen inkuantod siak, ‘Tipon mo ray totoo. Labay kon narengel day labay kon ibaga, pian naaralan day ontoluk ed siak legay pambilay da tan nibangat dan ontoluk met ed siak iray anak da.’

Saray Huis 4:11

Legan to ya inlira nen Heber a Cineo so tulda to ed asingger ed Kedes, diad abay na kiew a logo diad Zananim. Inarawian nen Heber iray kapara ton Cineo a kabyangan iray boleg nen Hobab a bayaw nen Moises.

1 Samuel 16:11

Insan to tinepet, “Wala ni ray anak mon lalaki?” Inmebat si Jesse, “Wala ni, say sankayogtanan, balet andi dia ta aasikasoen to ray karniro.” “Paonlam dia,” kuanen Samuel. “Ag itayo mangibagat, no ag ni sinmabi.”