Exodo 29:9 - Maung A Balita Biblia

⁹ balabalan mo rad awak tan isinger mod kaoloan da so sakub na toktok na olo. Ontan so pangikonsagram ed kinen Aaron tan saray lalakin anak to. Sikara tan saray kabyangay boleg da et nepeg a manlingkur iran papari ed siak diad ando lan ando.

Maung a Balita Biblia

⁹ balabalan mo rad awak tan isinger mod kaoloan da so sakub na toktok na olo. Ontan so pangikonsagram ed kinen Aaron tan saray lalakin anak to. Sikara tan saray kabyangay boleg da et nepeg a manlingkur iran papari ed siak diad ando lan ando.

Exodo 29:9 Iomraidhean Croise

Exodo 27:21

Di Aaron tan saray anak ton lalaki et sikaray mangasikaso na lamparaan ed dalem na Tuldan ayaman ko diad paway na kurtina a walad arap na Kaban na Sipanan. Diad arap ko, say lamparaan et nepeg a mandarlang manlapud labi ya anggad kabwasan. Sayan ganggan et nepeg a sumpalen ya anggad angga na saray Israelita tan saray kabyangay boleg da.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 32:29

Si Moises kuantod saray Levita, “Natad sayan agew insaklang yoy sikayon dili a manlingkur a papari ed Katawan diad impamatey yod saray lalakin anak tan agagi yo, kanyan say Katawan binindisionan to kayo ed sayan agew.”

Exodo 40:15

Insan mo ra lanaan na larak na oliba a singa impanlanam ed ama ra, pian makapanlingkur iran papari ed siak. Sayan panlanam ed sikara gawaen to ran papari ed amin a panaon ya onsabi.”

Levitico 8:1

Say Katawan kuantod kinen Moises,

Levitico 8:13

Kayari to ya, insoblay ton pinaonlad arap ira may lalakin anak nen Aaron tan sinolungan to ray kawes ya antikey so taklay. Insan to ra binalabalan ed awak, tan siningeran toy kaoloan da na sakub na toktok na olo, onung na ingganggan na Katawan.

Levitico 8:33

Diad loob na pitoran agew ag kayo ontataynan ed lolooban na Tulda, ya anggad nasumpal so sirimonyay panangikonsagra.

Saray Bilang 16:10

Inter to yan kagalangan ed sika, Core, tan arum ni ran Levita—et natan labay yo ni so magmaliw a papari!

Saray Bilang 16:35

Insan say Katawan angipelag na sakey a manliub ya apoy tan pinoolan to ra may duanlasus tan limamplon lalaki ya angyapay na insinso.

Saray Bilang 16:40

Sikatoy sakey a pasakbay ed saray Israelita ya anggapoy onsingger ed altar a mampool na insinso para Katawan no aliwan kabyangay boleg nen Aaron. Ta no gawaen da, naparaan day agawad kinen Core tan saramay totoo to. Agawa yan amin onung na ingganggan na Katawan ed kinen Eleazar diad panamegley nen Moises.

Saray Bilang 18:7

Balet sika tan saray anak mo labat so manggawa na saray susumpalen na inkapari a nipaakar ed altar tan antokaman a walad dalem na Sankasantosan a Pasen. Sika so makaoley ed sarayan bengatla, ta sikay angipalaboan ko na inkapari. Pateyen so siopamay toon aliwan manepeg ya onsingger ed saray masanton bengatla.”

Saray Bilang 25:13

Sikato tan saray kabyangay boleg to et mansiansia ran pari, lapud ag to inabuloyan so siopaman a manamsam na kipapasen ko tan ginawa toy pakapirdonaan na kasalanan na saray totoo.”

Saray Bilang 3:10

Torom si Aaron tan saray anak ton lalaki a manggawa na saray susumpalen na pari; likud ed sikara pateyen so siopaman a manggawa na susumpalen na pari.”

Deuteronomio 18:5

Diad amin da ray tribu yo say Katawan pinili to ray kabyangay tribu nen Levi a manlingkur irad sikato a papari ya anggad angga.

Saray Hebreo 5:10

tan say Dios ginawa ton Pangulon Pari, onung ed inkapari nen Melkisedek.

Saray Huis 17:5

Si Micaya et walay pasen ton dili a panangigalangan. Nanggawa na saray pigaran talintao tan sakey ya ipod, tan tinoro ton sakey a pari so sakey ed saray anak ton lalaki.

1 Samuel 2:30

Siak, say Katawan a Dios na Israel, insipan ko nen saman a say pamilyam tan saray kabyangay boleg mo et anggad anggan manlingkur iran papari ed siak. Balet ibabagak natan ya ag ko la sumpalen! Ingen, pagalangan ko ray mamagalang ed siak, balet lemlemewen ko ray mambalaw ed siak.