Exodo 29:40 - Maung A Balita Biblia

⁴⁰ Say ononan kordiro tekepan yo na sakey kilon pinon arina a nikames ed sakey a litron puron larak na oliba tan sakey a litron alak a sikatoy sakey a bagat.

Maung a Balita Biblia

⁴⁰ Say ononan kordiro tekepan yo na sakey kilon pinon arina a nikames ed sakey a litron puron larak na oliba tan sakey a litron alak a sikatoy sakey a bagat.

Exodo 29:40 Iomraidhean Croise

Genesis 35:14

Diman ed samay pasen ya akitongtongay Dios ed sikato, angipaalagey si Jacob na baton pakanudnunotan tan insaklang tod Dios diad impangikalbo toy alak tan larak na oliba.

2 Saray Arari 3:20

Diad ontombuk a kabwasan ed oras na panagbagat, inmagos so danum a nanlapud bandad Edom tan nilanayapan toy dalin.

Exodo 16:36

Say kapalduay litro et kakaplo na panagsukatan nen saman.)

Exodo 29:39

Ibagat yod kabwasan so sakey a kordiro tan diad labi say sakey.

Exodo 29:41

Ibagat yod labi so kumadwan kordiro, tan tekepan yo na singa karakel na arina, larak na oliba, tan alak a singa samay bagat ed kabwasan. Saya so kakanen a bagat ed siak a Katawan, tan makapaliket ed siak so balingit to.

Exodo 30:24

tan anemiran kilon kasia (asimbang ira yan amin onung ed panagsimbang ed santuario). Laukan mo na sakey a galon a larak na oliba,

Isaias 57:6

Mangaala kayod man na saray pino-pinon bato, insan igagalang yo ran diriyos. Iibungan yo ra na alak a pinagkabagat ed sikara tan iyaakaran yo ra na saray bagat a trigo. Abaloan yon napapaliket yo ak ed saraya?

Ezekiel 20:28

Inyakar ko rad dalin ya insipan kon iter ed sikara. Nen anengneng da ray atagey a pokdul tan saray masalumpapak a kiew, nambabagatan da ran amin. Impanpasnuk da ak diad panamegley na saray bagat a pinopoolan da tan diad saray alak ya inyaakar dan bagat.

Ezekiel 4:11

Agetaran met so inomen mo, duaran kupa ed sanagew.

Ezekiel 45:17

Kanepegan na prinsipi so mangiter na saray ayayep ya isaklang a bagat a popoolan, saray trigon ibagat, tan saray alak ya ibagat a para intiron bansa na Israel no Pista na Balon Bulan, no Agew na Panagpainawa, tan no arum iran pista. Sikatoy nepeg a mangiter na saray bagat a para kasalanan, saray bagat a trigo, saray bagat a popoolan, tan saray bagat a para kareenan, a mangekal na saray kasalanan da ray totood Israel.”

Ezekiel 45:24

Kapag sakey a bakan kalakyan tan kapag sakey a karniron kalakyan ya ibagat, nepeg a walay katekep dan bagat a kapalduay sakon a trigo tan taloran kakapat na galon a larak na oliba.

Ezekiel 46:11

Diad saray agew na pista tan diad saray tinandaan ya agew; say sakey tan kakapat na sakon trigo et nepeg a katekep na kapag sakey a bakan kalakyan odino sakey a karniron kalakyan, tan say antokaman a labay ya iter na manangigalang a katekep na sakey a kordiro. Say taloran kakapat a galon a larak na oliba et nepeg ya ibagat a katekep na sakey tan kakapat na sakon trigo.

Ezekiel 46:14

Ontan met, kapag kabwasan, nepeg a duaran kilon arina so ibagat a katekep toy taloran kakapat na galon a larak na oliba a pangikames ed samay arina. Anggad anggan nepeg ya ipatombuk yan totontonen a para sayan bagat ed Katawan.

Ezekiel 46:5

Kapag sakey a karniron kalakyan nepeg a mangitekep na bagat a kapalduay sakon trigo, tan kapag sakey a kordiro nepeg a mangitekep na antokaman a labay ton iter. Diad kapag bagat a sakey tan kakapat na sakon trigo, say prinsipi nepeg a mangitekep na taloran kakatlon galon a larak na oliba.

Ezekiel 46:7

Say katekep na kapag sakey a bakan kalakyan tan kapag karniron kalakyan et nepeg a say sakey tan kakapat na sakon trigo, tan say katekep na kapag kordiro et nepeg a say antokaman a labay ya iter ya ibagat na prinsipi. Taloran litro na larak na oliba so nepeg ya ibagat a katekep na sakey tan kakapat na sakon trigo.

Oseas 9:4

Diad saraman a dalin a kibantakan da, ag da nayariay mangibagat na alak ed Katawan odino mangisaklang na arum ni ran bagat ed sikato. Say tagano ra et singa kakanen no tolur, a dotakan toy balang sakey a mangan. Ikana a panempey labat na eras; anggapoy nayarin iyakar ya ibagat ed Timploy Katawan.

Joel 1:13

Mankawes kayoy sako tan mannangis kayo, sikayo ran paparin manlilingkur ed altar! Laka yod Timplo tan manermen kayon sanlabi! Anggapoy trigo odino alak a nibagat ed Dios yo.

Joel 1:9

Anggapo lay trigo odino alak ya ibagat ed Timplo; maermen iray papari lapud anggapoy nibagat da ed Katawan.

Joel 2:14

Angangko mangoman a kanunotan so Katawan a Dios yo tan bindisionan to kayo na daakan iran bungay tanaman. Diad satan nayarian yoy mangibagat ed sikato na trigo tan alak.

Levitico 23:13

Katekep to ya, mangyapay kayo na sakey tan kapalduan kilon arina ya inkames ed larak na oliba a sikatoy bagat a popoolan. Say balingit na sayan bagat et makapaliket ed Katawan. Mangisaklang kayo met na sakey litron alak.

Levitico 6:13

Nepeg a mandarlang lawas so apoy ed tapew na altar tan ag balut paolyan a naerep.

Saray Bilang 15:24

et sayan ag da iyonur et lapud ag da pikakabat, nepeg a mangyapay ira na bakan kalakyan a para bagat a popoolan a say balingit to et makapaliket ed Katawan. Ibagat da ya a katekep na manepeg a bagat a trigo tan bagat ya alak. Mangyapay met ni ra na sakey a kanding a kalakyan a sakey a bagat a para kasalanan.

Saray Bilang 15:7

tan sakey tan kapalduan litron alak. Makapaliket ed Katawan so balingit na sarayan bagat.

Saray Bilang 28:10

Sayan bagat a popoolan et isaklang kapag Agew na Panagpainawa tan kaaruman na bagat ya inagew-agew a katekep toy bagat ya alak.

Saray Bilang 28:24

Onya met so pangisaklang yon pitoy agew ed Katawan na sakey a bagat a popoolan a makapaliket ed Katawan so balingit to. Iyapay yo ya a kaaruman na inagew-agew a bagat a popoolan tan say bagat ya alak.

Saray Bilang 28:5

Kapag sakey ed sikara katekep to so sakey kilon arina a nikames ed sakey litron sankaabigan a larak na oliba.

Saray Bilang 29:16

Mangyapay kayo met na sakey a kanding a kalakyan a sikatoy ibagat a para kasalanan. Iyapay yo ra ya a kaaruman na inagew-agew a bagat a popoolan a katekep toy bagat a trigo tan say bagat ya alak.

Saray Bilang 4:16

Si Eleazar, a lakin anak nen pari ya Aaron, so makaoley ed intiron Tulda tan say larak a para saray lamparaan, say insinso, saray bagat a trigo, say ipopoyuk a larak, tan arum nin bengatlad dalem na Tulda a nisaklang ira ed Katawan.

Deuteronomio 32:38

Pinakan yo ra na tabay ayep ya imbabagat yo tan pinainom yo ray alak ya insasaklang yon bagat ed sikara. Tawag yo ra ta tulongan da kayo natan; paiyagel kayod sikara.

FILIPOS 2:17

Panliketan ko tan pinabangen ta kin amin ed sayan liket ko, anggaman bilang ya onterter so dalak tan onarum ed bagat ya isasaklang na pananisia yo ed Dios.