Exodo 29:38 - Maung A Balita Biblia

³⁸ “Inagew-agew ed anggan kapigan a panaon, mangibagat kayo na duaran kordiro ya ataonan la.

Maung a Balita Biblia

³⁸ Inagew-agew ed anggan kapigan a panaon, mangibagat kayo na duaran kordiro ya ataonan la.

Exodo 29:38 Iomraidhean Croise

Genesis 22:7

inkuanen Isaac, “Ama!” “Anto man, anak?” ebat to. Tinepet nen Isaac, “Nanenengneng kon walay ngalab tan kiew, balet kawalaay kordiron ibagat?”

1 Saray Awaran 16:40

Kinabwasan tan kapag labi so nepeg a pangisaklang dad saray bagat a popoolan diad tapew na altar onung na amin a nisulat ed Ganggan ya inter na Katawan ed Israel.

2 Saray Awaran 13:11

Kapag kabwasan tan labi mangisasaklang irad Katawan na insinso tan saray ayayep a bagat a popoolan. Mangisasaklang iray bagat a tinapay ed lamisaan a malinis onung ed ganggan, tan kapag labi seselselan da ray lamparaan ya akatoon ed balituk a panangipatoonan. Sikami susumpalen mi ray ganggan na Katawan, balet sikayo inkaindan yo.

2 Saray Awaran 2:3

Impaikuanen Solomon ed kinen Ari Hiram na Tiro: “Lakoan mo ak met na tablan sidro a singa samay impangilakom ed amak ya Ari David nen amaalagey na palasio ra.

2 Saray Awaran 2:4

Mamapaalagey ak na timplo tan dia kami mangigalang ed sikato diad pampool mi na insinson agawa rad ambalbalingit iran rikado; dia kami met mangisaklang ya andi-tonda na bagat a tinapay, tan dia met so pangisaklangan mi na saray bagat a popoolan kapag kabwasan tan labi, no Agew na Panagpainawa, no Pistay Balon Bulan, tan no arum iran masanton agew a pamagalang ed Katawan a Dios mi. Ingganggan to ya ed saray Israelita a gawaen dan ando lan ando.

2 Saray Awaran 29:7

Insasara da ray puirta na Timplo, ineerep da ray lamparaan, tan ag la ra nampopool na insinso o nansasaklang na saray bagat ed Timplo na Dios na Israel.

2 Saray Awaran 31:3

Naniiter so ari na dilin ayayep to ya isaklang a bagat a popoolan kapag kabwasan tan labi, tan saray ibagat no Agew na Panagpainawa, Pistay Balon Bulan, tan arum ni ran pista onung na nisulat ed Ganggan na Katawan.

2 Saray Awaran 8:13

Angisaklang na saray bagat a popoolan onung na ibabagay Ganggan nen Moises kapag nasabi ra yan masanton agew: Agew na Panagpainawa, Pistay Balon Bulan, tan saray taloran tinaon a pista, salanti, Pistay Tinapay ya Anggapoy Libadura, Pistay Panagani, tan Pista na saray Abung-abung.

Esdras 3:3

Anggaman ya antakot irad saray arum a totoon manaayam ed saman a dalin, impaalagey da lamet so altar ed pasen ton gendat. Insan ginapwan da lamet so nampool ed tapew na altar na saray kinabwasan tan nilabin bagat.

Esdras 3:5

Niarum ed sarayan bagat so inagew-agew ya isasaklang iran bagat a popoolan, saray bagat ya isasaklang no Pistay Balon Bulan, saray bagat kapag mantitipon ira a mangigalang ed Katawan, tan saray bagat a manlapud mabulos a linawa ya isasaklang na saray totoo ed Katawan.

Exodo 40:29

tan diman ed arap na kurtina inlira to may altar a panagpoolan na saray bagat. Dimad tapew na altar insaklang toy bagat a popoolan tan say bagat a trigo, onung na ingganggan na Katawan.

Ezekiel 46:13

Say Katawan kuanto, “Kapag kabwasan say sakey a kordiron sakey taon ya anggapon balut so deral na laman to so nepeg ya isaklang a bagat a popoolan ed Katawan. Sayan bagat nepeg ya isaklang ya inagew-agew.

Ezekiel 46:15

Say kordiro, say arina, tan say larak na oliba et nepeg ya ibagat ira ed Katawan kapag kabwasan diad anggad angga.”

Daniel 12:11

“Manlapud samay panaon ya apatonda so inagew-agew a panagbagat, salantiy manlapud samay panaon na Makapataktakot a Managderal, sanlibo, duan lasus tan siamaplon agew so onlabas.

Daniel 9:21

Legan kon mampipikasi, maples a tinmikyab ed kawalaan ko si Gabriel ya anengneng kod samay inmonan pasingayew ed siak. Oras lad saya na panangisaklang na bagat ed labi.

Daniel 9:27

Pitoy taon a saman a manoley et nawalaan na malet a sipanan ed amayamay a totoo, tan kalabas na kapalduad sayan panaon, patondaen toy pangisaklang na saray bagat. Nipasen ed sankatageyan a parti na Timplo so Makapataktakot a Managderal tan mansiansiad man ya anggad onsabi so inggetar na Dios a pangangga na samay angipasen diman.”

Levitico 3:5

Saray papari poolan da ra yan amin diad tapew na altar a pati saray bagat a popoolan. Makapaliket ed Katawan so balingit na sayan bagat.

Levitico 6:9

ya iter tod kinen Aaron tan saray lalakin anak to iray onggendan a totontonen a nipaakar ed saray bagat a popoolan. Say bagat a popoolan et nepeg ya itilak a sanlabi ed tapew na altar, tan nepeg a mandarlang lawas so apoy.

Levitico 9:17

Inyapay to may bagat a trigo, angala na sankaakup ya arina tan pinoolan tod tapew na altar. (Kaaruman ya na inagew-agew a bagat a popoolan.)

Saray Bilang 29:6

Isaklang yo ra ya a kaaruman na bagat a popoolan para ononan agew na bulan a katekep toy bagat a trigo tan say inagew-agew a bagat a popoolan a katekep toy bagat a trigo tan say bagat ya alak. Sarayan bagat a popoolan et makapaliket ed Katawan so balingit da.

Juan 1:29

Diad kaimbwasan, anengneng nen Juan si Jesus ya ondaragod sikato. Inkuanto, “Nia so Kordiro na Dios a mangekal na kasalanay sankamundoan.

Saray Hebreo 7:27

Si Jesus aliwan singa saray arum a pangulon papari a nakaukolan day mangibagat ya inagew-agew, onona para saray kasalanan da, insan para saray kasalanay katoowan. Amimpinsan ya angibagat si Jesus, tan angga lad angga ya, nen imbagat toy sikaton dili.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.