Exodo 29:36 - Maung A Balita Biblia

³⁶ Inagew-agew a nepeg mon ibagat so sakey a karniron kalakyan, pian napaandi so kasalanan; saya et linisan to so altar. Insan mo lanaan na larak na oliba, pian napasanto.

Maung a Balita Biblia

³⁶ Inagew-agew a nepeg mon ibagat so sakey a karniron kalakyan, pian napaandi so kasalanan; saya et linisan to so altar. Insan mo lanaan na larak na oliba, pian napasanto.

Exodo 29:36 Iomraidhean Croise

Exodo 30:26

Ikanam ya a pampoyuk ed Tuldan Ayamay Katawan diad Kaban na Sipanan,

Ezekiel 43:20

Nepeg a mangala kay dala to, insan mo iyan ed samay pinagkasaklur na tapew na altar, diad saray sokung na samay pegley a parti na altar, tan diad liber-liber na tambib to. Diad onya, nalinisan mo so altar tan nisaklang mod Dios.

Ezekiel 43:25

Inagew-agew ed loob na pitoran agew nepeg a mangisaklang ka na sakey a kanding, sakey a bakan kalakyan, tan sakey a karniron kalakyan a bagat iran para kasalanan. Amin da nepeg ya anggapon balut so deral na laman da.

Ezekiel 43:27

Kalabas na satan a sakey simba, nepeg ya igapo la na saray papari so mangisaklang ed tapew na altar na saray bagat a popoolan tan saray bagat a para kareenan. Diad satan pakaliketan ta kayo ya amin. Siak a Katawan a Dios so nansalita.”

Levitico 16:27

Say laman na samay baka tan samay kanding ya imbagat a para kasalanan a say dala ra et niakar ed Sankasantosan a Pasen a pangekal na kasalanan, et iyakar irad paway na kampo tan diman ira poolan. Say katat, say karni, tan saray pait et poolan ira.

Saray Bilang 7:1

Diad samay agew ya asumpal nen Moises ya inlira imay Tuldan Ayamay Katawan, nilanaan toy larak tan insaklang to so Tulda tan amin ya kagawaan to; insaklang to met so altar tan amin a kagawaan to.

Saray Hebreo 10:11

Inagew-agew a manalagey tan manlingkur so balang pari da ray Judio, tan mamimpigan mangisaklang na nampaparan bagat. Balet ag makapaandiy kasalanan ira yan bagat.