Exodo 29:27 - Maung A Balita Biblia

²⁷ “No nikonsagra la so pari, say pagew tan say ulpo na karniron kalakyan ya inkanad pangikonsagra et nepeg ya iyapay a nidoma-doman rigalo ed siak tan nibiig a kayaryan na saray papari.

Maung a Balita Biblia

²⁷ No nikonsagra la so pari, say pagew tan say ulpo na karniron kalakyan ya inkanad pangikonsagra et nepeg ya iyapay a nidoma-doman rigalo ed siak tan nibiig a kayaryan na saray papari.

Exodo 29:27 Iomraidhean Croise

Exodo 29:26

“Alam so pagew na sayan karniron kalakyan tan iyapay mon nidoma-doman rigalo ed siak. Sayan parti na ayep et kayaryan mo.

Exodo 29:28

Nepeg ya ag balut naoman yan imbagak; no saray totoo et mangisaklang ira na saray bagat a para kareenan, say pagew tan say ulpo na ayep et kayaryan ira na saray papari. Sikato yay rigalod siak a Katawan na saray totoo.

Levitico 10:15

Awiten da so kamanonur a sali tan say pagew no isaklang a bagat a popoolan ed Katawan so taba. Sarayan parti et kayaryan yo ra ed ando lan ando, sikayo tan saray anak yo, onung na ingganggan na Katawan.”

Levitico 7:30

Sikaton dili so mangawit na sayan bagat a popoolan. Awiten to so taba tan pagew na samay ayep tan iyapay ton rigalo ed Katawan.

Levitico 7:37

Sikara ya sirin so totontonen a para saray bagat a popoolan, saray bagat a trigo, saray bagat a para kasalanan, saray bagat a pambayar, saray bagat a pangikonsagra, tan saray bagat a para kareenan.

Levitico 9:21

tan inyapay ton nidoma-doman rigalod Katawan a para saray papari ira so pagew tan saray kamanonur a sali, onung na ingganggan nen Moises.

Saray Bilang 18:11

“Say kaaruman to ya et saray arum a nidoma-doman rigalon isaklang ed siak na saray Israelita; kayaryan yo met ira ya. Iter ko rad sika, saray anak mon lalaki tan bibii; iter ko rad sikayo anggan kapigan man. Nayarin kanen ira na amin a kabyangan na pamilyam no malinis ira onung ed ganggan.

Saray Bilang 6:20

Insan say pari iyapay to ran nidoma-doman rigalo ed Katawan; masanton bagat ira a para pari, a kaaruman ira na pagew tan ulpo na samay karniro ya onung ed ganggan et kayaryan ira na pari. Kayari to ya, samay Nazareo nayarin oninom la na alak.

Deuteronomio 18:3

“Kapag nibagat so baka odino karniro, nepeg ya iter ed saray papari iray takeb, saray aping, tan say eges.

Saray Hebreo 7:28

Saray pangulon papari ya apili ra onung ed Ganggan nen Moises et wala ray kakapoyan da; balet say sipan a tinekepay samba, a naonur a sinmabi nen say Ganggan, tinoro toy Anak ya agawan nagnap ya andi-anggaan.

1 Samuel 9:24

Kanyan inala na samay lumuluto so pinilin karni a parti na ulpo tan inyan tod arap nen Saul. Inkuanen Samuel ed kinen Saul, “Niay karnin nisinup para sika. Akan mo. Impaibiig kon para sika a kanen mod sayan bekta a kaibam iray inimbitaan ko.” Kanyan si Saul karungo ton angan si Samuel ed saman ya agew.