Exodo 29:24 - Maung A Balita Biblia

²⁴ Iyan mo ra yan amin a kakanen ed saray lima nen Aaron tan saray anak to tan paisaklang mo ran sakey a nidoma-doman rigalo ed siak.

Maung a Balita Biblia

²⁴ Iyan mo ra yan amin a kakanen ed saray lima nen Aaron tan saray anak to tan paisaklang mo ran sakey a nidoma-doman rigalo ed siak.

Exodo 29:24 Iomraidhean Croise

Exodo 29:23

Diad sambaskit a tinapay a nisaklang ed siak, mangala ka na sansasakey a tinapay: sakey a tinapay ya inggawad larak na oliba, sakey a tinapay ya ag inggawad larak, tan sakey a kanen a maimpis.

Exodo 29:25

“Insan mo ra alaen ed sikara tan poolan mo ra ed tapew na altar diad tapew na samay bagat a popoolan; tan sikato yay kakanen a bagat ed siak. Makapaliket ed siak so balingit na sayan bagat.

Levitico 10:14

Balet sikayo tan saray anak yon lalaki tan bibii et nayarian yon kanen so pagew tan say kamanonur a sali a nisaklang a nidoma-doman rigalo ed Katawan a para saray papari. Nayarian yo ran kanen ed sakey a pasen a malinis onung ed ganggan. Sarayan bagat et niiter irad sikayo a parti ran nabebetangan yo ed saray bagat a para kareenan ya isaklang na saray totood Israel.

Levitico 23:11

Say pari isaklang to yan berber na trigo a nidoma-doman rigalo ed Katawan, pian naawat kayo. Say pari isaklang to may trigo diad ontombuk ya agew kayari na Agew na Panagpainawa.

Levitico 7:30

Sikaton dili so mangawit na sayan bagat a popoolan. Awiten to so taba tan pagew na samay ayep tan iyapay ton rigalo ed Katawan.

Levitico 8:27

Inyan to ra yan amin a kakanen diad saray lima nen Aaron tan diad lima na saramay anak to tan inyapay da a nidoma-doman rigalo ed Katawan.

Levitico 9:21

tan inyapay ton nidoma-doman rigalod Katawan a para saray papari ira so pagew tan saray kamanonur a sali, onung na ingganggan nen Moises.

Saray Bilang 8:15

No ayarim lan alinisan tan nisaklang iray Levita, magmaliw iran manepeg a mankimey ed Tulda.