Exodo 29:20 - Maung A Balita Biblia

²⁰ Patey mo may karniro, tan mangala ka na daiset a dala to tan iporanis mod gilig na kawanan a kalayagan di Aaron tan saray anak to; iporanis mo met ed saray kawanan a tangan na kalimaan da tan diad saray kawanan a tangan na kasaliyan da. Isibom ed apatiran dapag na altar so keran dala.

Maung a Balita Biblia

²⁰ Patey mo may karniro, tan mangala ka na daiset a dala to tan iporanis mod gilig na kawanan a kalayagan di Aaron tan saray anak to; iporanis mo met ed saray kawanan a tangan na kalimaan da tan diad saray kawanan a tangan na kasaliyan da. Isibom ed apatiran dapag na altar so keran dala.

Exodo 29:20 Iomraidhean Croise

Exodo 29:19

“Alam so sananey a karniro tan ibagam ed kinen Aaron tan saray anak to ya itapew dad olo to iray kalimaan da.

Exodo 29:21

Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Isaias 50:5

Say Katawan initdan to ak na pakatalus, et ag ak linmaban ed sikato odino inarawian ko.

Isaias 52:15

Balet natan amayamay a bansay mankelaw ed sikato, tan diad pankelaw da ray arari ag ira makaskasel. Nanengneng tan natalusan day ag da ni akabatan nen saman.”

Levitico 14:14

Say pari mangala na daiset a dala to may kordiro, insan to iponaris ed gilig na kawanan a layag to may toon sintinsiaan a malinis onung ed ganggan, diad tangan na kawanan a lima to, tan diad tangan na kawanan a sali to.

Levitico 14:16

idelnet toy tamoro na kawanan a lima to tan iwalsik tod man a mamimpito diad arapan na Katawan.

Levitico 14:17

Mangala na daiset a larak a walad daklap to tan daiset a dala to may kordiro, insan iporanis to rad kawanan a gilig na layag to may toon sintinsiaan a malinis onung ed ganggan, diad tangan na kawanan a lima to, tan diad tangan na kawanan a sali to.

Levitico 14:25

Pateyen to may kordiro tan mangala na daiset a dala to, insan to iponaris ed gilig na kawanan a layag to may too, diad tangan na kawanan a lima to, tan diad tangan na kawanan a sali to.

Levitico 14:28

Mangipoyuk na daiset a larak ed saramay pasen ya angiponarisan to na dala: diad gilig na kawanan a layag to may too, diad tangan na kawanan a lima to, tan diad tangan na kawanan a sali to.

Levitico 14:7

Iwalsik ton mamimpito imay dala ed samay toon linisan ed sakit ton kating, insan sintinsiaan ton malinis onung ed ganggan. Paibolus tod kaalogan imay mabilay a manok.

Levitico 16:19

Diad panamegley na tamoro to nepeg a mamimpito ton walsikan so tapew na altar. Diad onya, nalinisan to may altar ed saray kasalanan da ray totood Israel tan napasanto to.

Levitico 8:23

Pinatey nen Moises imay karniro tan angala na daiset a dala insan to imponaris ed gilig na kawanan a layag nen Aaron, diad kawanan a tangan na lima to tan diad kawanan a tangan na sali to.

Levitico 8:24

Insan to inyakar ed arap ira may lalakin anak nen Aaron tan pinoranisan to na dala iray gilig na kawanan a kalayagan da, diad kawanan a tangan na kalimaan da, tan diad kawanan a tangan na kasaliyan da. Insan si Moises inwalsik tod apatiran dapag na altar so keran dala.

Marcos 7:33

Inyarawi nen Jesus ed karaklan imay laki. Nen siksikara lan dua, inseksek to ray tamoro tod saray layag to may telek. Insan linmukda tan diniwit toy dila na laki.

Saray Hebreo 10:22

Onsingger itayod Dios, sirin, a matoor so puso tayo tan mabiskeg so pananisia tayo. Onsingger itayon malinis lay puso tayo ta alinisan lad maoges a konsinsia, tan naorasan la na puron danum so laman tayo.

Saray Hebreo 12:24

Sinmingger kayod kinen Jesus, a manamegley na balon sipanan, tan diad niterter a dala a mangipaamtay magmaung ni ran bengatla nen say impaamtay dala nen Abel.

1 Pedro 1:2

Pinili kayoy Dios Ama, onung ed getma to lan nanlapud gapoy gapo, tan pinasanto kayoy Ispiritu, pian magmaliw kayon maonur ed Jesu-Cristo tan nalinisan kayoy dala to. Nawalaan kayo komuy ag nasabsabaan a bindision tan kareenan.