Exodo 29:1 - Maung A Balita Biblia

¹ “Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Maung a Balita Biblia

¹ Saya so gawaen mo ed kinen Aaron tan saray lalakin anak to diad pangikonsagram ed sikara, pian manlingkur iran papari ed siak. Mangala ka na sakey a kilaw a bakan kalakyan tan duaran karniron kalakyan ya anggapoy deral na laman da.

Exodo 29:1 Iomraidhean Croise

2 Saray Awaran 13:9

Pinapataynan yo ray papari na Katawan a kabyangan iray boleg nen Aaron; pinapataynan yo met iray Levita. Insan anoro kayo na saray papari a singa gagawaen na saray arum a bansa. Siopamay ondagon sankaawit toy bakan kalakyan odino pitoran karniro et nayari lan magmaliw a pari na saray tatawagen yon diriyos yo!

Exodo 12:5

Nayarian yon pilien so sakey a karniro odino sakey a kanding, balet nakaukolan a kalakyan a mansakey taon tan anggapoy deral na laman to.

Exodo 20:11

Diad loob na anemiran agew siak a Katawan et pinalsak so tawen tan dalin, saray dayat tan amin a logan da, balet diad kumapiton agew nampainawa ak. Sikato yay makasengeg a siak a Katawan et binindisionan koy Agew na Panagpainawa tan ginawak a masanto.

Exodo 28:1

“Paawit moy agim ya Aaron tan saray lalakin anak to a di Nadab, Abiu, Eleazar, tan Itamar. Ibiig mo rad saray Israelita, ta sikaray manlingkur a papari ed siak.

Exodo 28:3

Paawit mo ray amin a marunong a mandait ya initdan ko na karunongan, tan ibagam ed sikara ya igawaan day Aaron na kawes to, ta sikatoy isaklang a sakey a pari a manlingkur ed siak.

Exodo 28:41

Isolung mo ra yan kawes ed kinen agim ya Aaron tan saray anak ton lalaki. Insan mo ra ikonsagra tan isaklang diad panlanam ed sikara na larak na oliba, pian makapanlingkur iran papari ed siak.

Exodo 29:21

Mangala ka na daiset a dala a walad altar tan say daiset a larak a panagpoyuk, tan iwalsik mo ra ed saray kawes di Aaron tan saray anak to. Diad ontan si Aaron, saray anak to, tan saray kawes da et nisaklang iran masanto ed siak.

Ezekiel 43:23

Kayarim a nagawa ra ya, mangala kay sakey a kilaw na bakan kalakyan tan sakey a karniron kalakyan ya anggapon balut so deral na laman da,

Levitico 14:11

Say pari iyakar to may too tan sarayan bagat diad lolooban na Tuldan Ayamay Katawan.

Levitico 16:3

Nayarin onloob ed Sankasantosan a Pasen kayari ton angawit na kilaw a bakan kalakyan ya ibagat ton para kasalanan tan say sakey a karniron kalakyan ya isaklang a bagat a popoolan.”

Levitico 22:20

No mangibagat kayoy ayep a walay deral na laman to, say Katawan et ag to awaten.

Levitico 4:3

No say Pangulon Pari so nankasalanan tan impilanur to ray katoowan, nepeg a mangyapay na sakey a kilaw a bakan kalakyan ya anggapoy deral na laman to, insan to ibagat ed Katawan a para kasalanan to.

Levitico 6:13

Nepeg a mandarlang lawas so apoy ed tapew na altar tan ag balut paolyan a naerep.

Levitico 6:6

Mangyakar ed pari na sakey a kalakyan a karniro odino kanding ya anggapoy deral na laman to, ta ibagat ton pambayar ed Katawan. Say bili na sayan bagat kuintaen onung ed panagkuinta ed santuario.

Levitico 7:35

Sikato yay parti na bagat a popoolan so niiter ed kinen Aaron tan saray anak ton lalaki nen nikonsagra ran papari na Katawan.

Levitico 8:1

Say Katawan kuantod kinen Moises,

Levitico 9:2

Inkuantod kinen Aaron, “Mangala ka na sakey a kilaw na bakan kalakyan tan sakey a kordiron kalakyan ya anggapoy deral na laman da tan ibagat mo ra ed Katawan, say baka bagat a para kasalanan tan say kordiro bagat a popoolan.

Mateo 6:9

Onyay pampikasi yo sirin: ‘Ama min walad tawen: Nagalang komuy ngaran mo;

Saray Hebreo 7:26

Si Jesus sirin, so Pangulon Pari a mangiiter na saray nakaukolan tayo! Ta sikatoy masanto; anggapoy tilul o kasalanan to; nibiig ed saray makasalanan tan nitanduro ya anggad labas da ray katawenan.

1 Pedro 1:19

no ag ingen say mablin dala nen Cristo, a singa kordiron anggapoy deral o dotak to.